Ebijiro 18:5 - BIBLIYA NTAGATIFU OMU MASHI

⁵ Erhi Sila na Timoteyo bayisha kurhenga e Macedoniya, Paolo acîshwêkera oku kukayigîri­za akanwa ka Nnâmahanga, akahamîriza omu Buyahudi oku Yezu ye Kristu.

Ebijiro 18:5 ပူးပေါင်းရင်းမြစ်များ

Yeremiya 20:9

Nakazâgiderha nti «lêro ntâcimugerêreze, ntâciderhe oku izîno lyâge», cikwône omu murhima gwâni, kwo yali nka ngulumira ya muliro bayigalire omu kavuha. Ntâko ntajiraga nti nagurhanga ci ntahashaga.

Yeremiya 6:11

Cikwône niehe nyunjwire mutula gwa Nyamuzinda, nadesire nti ngurhange narhama k’orhagurhulira oku mwâna w’emuhanda n’omu ndêko y’abâna b’emisole. Bayishigwârhwa boshi: omulume na mukâge, okola mushosi n’okola kajo.

Ezekiyeli 3:14

Mûka anacinyêhûkana, ampêka. Nagenda erhi nnankunîre n’omurhima guyunjwîre burhè, ci n’erhi okuboko kwa Nyakasane kungwêrhe buzirho.

Mikeyo 3:8

Ci kwône, niehe, nyunjwîre misî (na Mûka gwa Nyamuzinda) nyunjwîre misî y’obushinganyanya n’obushiru bw’okumanyîsa Yakôbo obubî bwâge, mmanyîse na Israheli ecâha câge.

Luka 12:50

“Ngwêrhe obubatizo nayîsh’iyankirira, nampangalîre omurhima kuhika buyunjule!”

Luka 16:28

“bulya njira bene wîrhu barhanu”; “abayigîrize”, “balek’iyish’ijà muno hantu h’amalibuko”».

Yowane 1:41

Erhi izûba lirhenga emashinji, ashimâna mukulu wâge Simoni Petro, amubwîra, erhi: «Rhwabuganyire Masiha».

Yowane 10:24

Abayahudi banacimuzunguluka, mpu: «Mangaci warhurhûza emirhima eleke okumanana? Akabà we Kristu, rhubwîre n’o­bwâlagale».

Yowane 15:27

“Ninyu mwayish’impamîriza, kulya kubà mubà nâni kurhenga omurhondêro”».

Yowane 3:28

“Mwene muli bahamîrizi bâni kulya naderhaga, nti”: “Arhali nie Kristu, ci ntumirwe nti mmushokolere”:

Ebijiro 10:42

Arhurhuma mpu rhuj’iyigîriza olubaga, rhunahamîrize oku ye Nyamuzinda àjizire mutwî w’emmanja w’abazîne n’abafîre.

Ebijiro 15:22

Okubundi, entumwa n’abagula, erhi babà bamâyumvanya n’endêko y’a­bemêzi yoshi, banacirhegeka mpu bacîshoge baguma muli bo, barhumwe e Antiyokiya haguma na Paolo na Barnaba. Bacîshoga Yûda, oderhwa Barsaba, na Sila, bantu ba lukengwa omu bemêzi.

Ebijiro 16:1

Okubandi, ahika e Derba n’e Listra. Yali omuganda, izîno lyâge Timoteyo. Nnina àli Muyahudi mwemêzi, ci îshe àli mugereki.

Ebijiro 16:12

Erhi rhuyirhenga, rhwajà e Filipi, co cishagala cikulîre ebindi byoshi by’omu Macedoniya, canali idako ly’oburhegesi bw’Abaroma. Rhwabêra nsiku nsungunu mw’eco cishagala.

Ebijiro 16:9

Erhi bubà budufu; Paolo ayagânwa: abona omuntu w’e Macedoniya amuyimanzireho anadwîrhe amuyinginga, erhi: «Mâshi, ojè e Macedoniya, oyîsh’irhurhabâla!»

Ebijiro 17:3

Akabahugûlirago, abayêreka oku Kristu àli akwânîne ababale agal’ifûka omu bafù, erhi: «N’oyo Kristu, ye Yezu namubwîra».

Ebijiro 18:28

bulya akâg’iyagîriza Abayahudi embere z’olubaga, akabayêreka n’Amandiko oku Yezu ye Kristu.

Ebijiro 2:36

“Kuziga bene-Israheli boshi bamanyage bwinjinjà oku olya Yezu muzind’ibamba oku musalaba, Nyamuzinda amujizire Nyakasane na Mucunguzi”».

Ebijiro 20:21

“nabwîra Abayahudi n’abapagani nti bacîyunjuze, bashige Nyamuzinda, banayêmêre Nnawîrhu Yezu”.

Ebijiro 20:23

“Ciguma ene mmanyire: omu ngasi lugo Mûka Mutagatîfu àmmanyisize oku enkoba n’amalibuko binînzire”.

Ebijiro 20:24

“Ci kwônene, ntashîbirîri buzîne bwâni, casiga nyunjuze olugendo lwâni n’obugo Nyakasane ampâga bw’okumanyîsa Emyanzi y’Akalembe k’enshôkano ya Nnâmahanga”.

Ebijiro 4:20

Rhwêhe oku bwîrhu rhurhankahasha okurhaderha ebi rhwabwîne n’ebi rhwayumvîrhe».

Ebijiro 9:22

Ci Saulu ajà azibuha, anakayagîriza Abayahudi b’e Damasi n’okubayêreka oku Yezu ye Kristu.

2 Bakorinti 1:19

Bulyâla olya Mugala wa Nyamuzinda, Yezu Kristu, rhwammubwîraga rhwe na Silvano na Timoteyo arhali «nêci na nanga»; arhabâmwo orhali «nêci».

2 Bakorinti 11:9

N’obwôla nali emwinyu ntanagwêrhi cici, ntazidoheraga ndi; bene wîrhu bàhubukaga e Macedoniya bo bampîre ebi nal’indagîrirekwo. Muli byoshi nacîlanga nti ntag’immuzidohera, nanacicîlanga.

2 Bakorinti 5:14

Nêci, buzigire bwa Kristu burhuminisire. Kwo rhugerêreza oku akabà muguma afirîre boshi, kuziga boshi banafîre.

Bafilipi 1:23

Ntabwîni ciguma nalondôla muli ebyo bibiri: ncîfinjire okucîgendera nj’ibêra na Kristu, kwo kwankanabire kwinjà kulusha.

1 Batesalonika 3:2

rhwarhuma Timoteyo, mwene wîrhu na murhumisi wa Nyamuzinda omu kulumîza Emyanzi y'Akalembe ya Kristu, nti ammuzibuhye anammukomeze omu buyêmêre bwinyu,

1 Batesalonika 3:6

Ci buno Timoteyo arhuhandîre, arhenga emwinyu, arhudwîrhîre emyanzi minjà y’obuyêmêre bwinyu n’obuzigire bwinyu; arhubwîzire oku kudula muci­rhudula, n’oku mucîfinja bwenêne okushub’irhulolakwo nk’oku nîrhu rhucîfinja okushub’immubonakwo.

1 Petro 5:12

Mmuyandikîre ebi binwa bisungunu n’okuboko kwa Silvano, mwene wîrhu mbona nk’akwânîne okucîkubagirwa, nti mmuhanûle nampamîrize oku eyo yo nshôkano y’okuli ya Nyamuzinda: muyisêremwo buzibu.