Ebijiro 17:29 - BIBLIYA NTAGATIFU OMU MASHI

²⁹ “Akabà rhuli b’omu bûko bwa Nyamuzinda, kurhakwânîni rhugerêreze mpu Nyamuzinda ali nka masholo erhi cûma nîsi ibuye byajiragwa n’obulenga erhi n’obukengêre bw’omuntu”.

Ebijiro 17:29 ပူးပေါင်းရင်းမြစ်များ

2 Bâm 19:18

“Nêci kwo binali oku ba kwêbire abazimu ba ebyôla bihugo omu muliro; barhali banyamuzinda ci bushanja bwajiragwa n’amaboko g’abantu, nshâli na mabuye, nk’oku byoshi banabihirigisize”.

Ennanga 106:20

Irenge lya Nyamuzinda baligerera oku mpanzi, eyi mpanzi enashêga ebyâsi.

Lubungo 20:4

Orhahîraga okajira enshushano, erhi olwiganyo lw’ebiremwa bibà enyanya emalunga, n’oli olw’ebiremwa bya hano igulu, n’oli eby’omu mîshi ekuzimu kw’igulu.

Lubungo 32:4

Erhi abà amâyankirira galya masholo bàli mudwîrhîre, agatula n’ecûma, arhenzamwo enshusho y’akanina. Banaciderha, mpu: «Israheli, alà Nyamuzinda wâwe wakurhenzagya omu cihugo c’e Mîsiri!»

Izaya 40:25

Ndi wankangererakwo, olya rhuyûmânîne? Kwo adôsize Omutagatîfu.

Ebijiro 19:26

“Ci mwene mubwîne munadwîrhe mwayumva oku arhali e Efezi yône, ci na hôfi omu Aziya yoshi, oyu Paolo arhebire anahindula emirhima y’abantu barhali banyi, ababwîra mpu banyamuzinda bajiragwa n’amaboko g’abantu barhali ba­nyamuzinda”.