Ebijiro 17:26 - BIBLIYA NTAGATIFU OMU MASHI

²⁶ “Ye warhenzagya abantu boshi oku muntu muguma, anabalumîza omu igulu lyoshi; abagêrera ensiku z’obuzîne bwâbo, abatwîra n’embibi z’aha bayûbaka”.

Ebijiro 17:26 ပူးပေါင်းရင်းမြစ်များ

Murhondêro 3:20

Omuntu ayîrika mukâge erya Eva, «Hawa» bulya ye nnina wa abazîne boshi.

Murhondêro 9:19

Abo oku banali basharhu bàli bene Nûhu bo banarhenzirekwo abantu, bàlumira igulu lyoshi.

Ayubu 12:23

Anayûshûle amashanja, anabuligaheza, anabè amâlandiza amashanja agal’igaherêrekeza.

Ayubu 14:5

Na bulya ensiku zâge ziri ngânje, bulya emyêzi yâge we yigwêrhe, bulya wamutwîrîre olubibi arhankarhaluka,

Ennanga 31:15

Yâgirwa niehe we ncîkubagîre, nêci nsêzize: we Nyamuzinda wâni.

Ennanga 74:17

We watwîraga idaho aha lyagalukira, ecanda n’empondo we wabijiraga.

Izaya 14:31

Obande endûlù, wâni muhango, obande akahababo, wâni lugo! Ogeremw’omusisi wêshi wêshi, wâni Filistiya! Bulya olunda lw’e mwênè erhenzire omugî, n’abarhabâzi barhalimwo osigir’enyuma.»

Izaya 34:17

Yêne ye wayesheraga ngasi muguma ecigole, na kuboko kwâge kwazigereraga n’okuzigabira ecihugo. Zacirya emyâka n’emyâka, bânacîberemwo kurhenga oku ihurha kujà oku lindi.

Izaya 45:21

Lerhagi olubanja lwinyu, muhirane, ciru munadôsanye Ndi wamanyîsize ebyôla kurhenga mîra, ndi wabifulwîre kurhenga ago mango? K’arhali nie, Nyakasane? Ntà wundi nyamuzinda kuleka nie! Nyamuzinda mushinganyanya na muciza, ntà wundi kuleka nie!

Yeremiya 27:5

“Niene nie najiraga n’obuhashe bwâni bunji n’okuboko kwâni kulambûle, igulu, omuntu n’ebintu bibà en’igulu; nna­mbigabire oyu nsîmire okubigabira”.

Daniyeli 11:27

Abôla bâmi babirhi bakaz’ilonza omu mirhima yâbo kurhi bankayîrhana­ mwo, ciru amango bashimânane oku mêza maguma, ngasi muguma akaz’i­bwîra owâbo ebinwa bya obunywesi ci ntâye wabêrwa muli okwôla bulya obuzinda bujira amango gâbo.

Daniyeli 11:35

Ba­guma omu bigîriza bâyish’irhiribuka, lyo bacêsibwa, barhangulwe banabè bêru-kwêru kuhika amango gahike, ebwa kubà hali amango gàjizirwe.

Malakiya 2:10

Ka rhweshi rhurhajira larha muguma? K’arhali Nyamuzinda muguma wa­ rhulemaga rhweshi? Cirhumaga rhucilyâlihirana rhwêne na nnene omu kuvuna endagâno yàfundikagwa haguma na Nyamuzinda na bashakulûza bîrhu?

Ebijiro 14:17

ci, ntà mango alesire okucîmanyisa omu kujirira abantu aminjà omu kurhumira abantu enkuba y’emalunga n’amango emyâka eyêramwo, n’omu kummuyigusa ebiryo n’amasîma».

Ebijiro 15:18

“anayôrha abimanyire kurhenga ensiku n’amango”.

1 Bakorinti 15:22

Nêci, nka kulya boshi bafà muli Adamu, kwo na boshi bayish’ishubira­mwo omûka muli Kristu.

1 Bakorinti 15:47

Omuntu murhanzi omu bidaka arhengaga, anali w’en’igulu; owa kabiri yêhe arhengaga empingu.

Bahabraniya 2:3

kurhi rhwêki rhwankahash’ifuma, erhi rhwankagaya obucire bungana obwo? Obwo bucire, burhanzi bwamanyisîbwe na Nyakasane, nabo ababuyumvîrhe babuhamîriza muli rhwe.