Ebijiro 16:26 - BIBLIYA NTAGATIFU OMU MASHI

²⁶ Caligumiza, hanacizûka omusisi munene, empamikwa yoshi yadundagana eciriba. Ho n’aho, enyumvi zoshi zayiguka n’enkoba z’ababohe zoshi zashwêkûka.

Ebijiro 16:26 ပူးပေါင်းရင်းမြစ်များ

1 Bâm 13:28

okubundi akanyà arhimâna omugogo gulambûkîre oku njira, endogomi n’entale byombi biri eburhambi bwa gulya mugogo. Erya ntale erhanalyaga gulya mugogo, erhanahinagaga erya ndogomi.

Ennanga 102:20

Bulya Nyakasane abîre ali omu ndâro yâge, abîre ali emalunga àlîkira amasù okw’idaho,

Ennanga 146:7

Abalenganyire anabagalulire obushinganyanya bwâbo, ye yigusa abashalye n’ebiryo.

Ennanga 68:6

Yêne ye îshe w’enfûzi, ye mufungizi w’abakana, Nyamuzinda mwo abêra omw’idubiro lyâge.

Ennanga 79:11

Mâshi ogu mulenge gw’empira zâwe gukuhikekwo mâshi, n’oku buhashe bw’okuboko kwâwe ogalukire eno minyama y’olufù mâshi!

Izaya 42:7

“Lyo ozibûla amasù g’emihûrha, orhenze abashwêke omu mpamikwa n’abali omu ndunduli y’omwizimya obashwêkûle”.

Izaya 61:1

Omûka gwa Nyakasane Nyamubâho guli kuli nie, bulya Nyakasane anshîzire amavurha; antuma mpu ngend’iyigîriza abakenyi emyanzi y’akalembe, nfumye abababîre omu murhima, nyâlîze omwanzi gw’obuyôkozi emwa abâli omu bujà, nnambwîre abâli omu mpamikwa oku balîkûzibwa;

Mateyo 28:2

Obwo igulu lyanacigeramwo omusisi munji, Malahika wa Nyakasane anaciyandagala arheng’emalunga, anaciyisha, ahirimya lirya ibuye analibwârhalakwo.

Ebijiro 12:10

Banacirhaluka abalâlîzi barhanzi, n’abà kabirhi, bahika aha lumvi lw’ecûma lujire omu lugo. Olwo lumvi lwabayigukira lwône. Banacihuluka, bahârhûla, bàkulikira njira nguma; oku handi malahika amuleka caligumiza.

Ebijiro 12:7

Oku caligumiza, malahika wa Nyakasane apamuka, empamikwa yayunjula bulangashane. Malahika anacikoma Petro oku nkanga, amuzûsa, erhi: «Zûka duba!». N’enkoba zàli zimushwêsire amaboko zanacirhoga.

Ebijiro 4:31

Erhi babà badwîrhe bashenga, aha bâli hageramwo omusisi: boshi banaciyunjula Mûka Mutagatîfu, banarhondêra okuyigîriza akanwa ka Nnâmahanga buzira bwôba.

Ebijiro 5:19

Ci erhi kubà budufu, malahika wa Nyakasane ayigula enyumvi z’empamikwa, n’erhi abahisa embuga, abà­bwîra, erhi:

Mafulûlo 11:13

Muli ako ka­nya, omusisi gurhali munyi gwanacigera omu igulu, ecihimbi ca kali-ikumi c’ecishagala cahirima, na bantu bihumbi biri nda bafîra muli ogwo musisi. Abasigalaga bagwârhwa n’obwôba, banacihà Nyamuzinda w’emalunga irenge.

Mafulûlo 6:12

Nashub’ibona: erhi abalaza eciziriko ca kali ndarhu, igulu lyageramwo omusisi munji; izûba lyashuba liru-liru nka nshoho nduke n’obwôya, n’omwêzi gwahindukirwa, gwashuba nka mukò;