Ebijiro 15:32 - BIBLIYA NTAGATIFU OMU MASHI

³² Yûda na Sila, bulya nabo bâli balêbi, babwîra abemêzi binwa binji by’okubahanûla n’okubazibuhya.

Ebijiro 15:32 ပူးပေါင်းရင်းမြစ်များ

Daniyeli 11:1

ye nshegemire bulya ye wantabâla bwenêne ye wanantugika.

Mateyo 23:34

Lêro mushub’ilola: nammurhumira abalêbi, abanya-bushinganya n’abigîriza; ci mwayirhemwo baguma munababambe oku musalaba, n’abandi mubashûrhire emikoba omu masinagogi ginyu, munabashimbûlule omu ngasi cishagala.

Luka 11:49

Co cirhumire Obushinganya bwa Nyamuzinda buderha: Nabarhumira abalêbi n’entumwa, bayîrhamwo baguma banabalibuze,

Ebijiro 11:23

Erhi ayihika, n’erhi abona enshôkano ya Nyamuzinda, anacisîma, abahà boshi amahano g’okuserakwo Nyakasane n’omurhima gwoshi:

Ebijiro 11:27

Mw’ezo nsiku, abalêbi banacirhenga e Yeruzalemu, bajà e Antiyokiya.

Ebijiro 13:1

Omu Ekleziya y’e Antiyokiya, mwâli abalêbi n’abigîriza; bo: Barnaba, Simoni oderhwa Mwîragula, Luciyo w’e Kirena, Manaheni walereragwa haguma na mwâmi Herodi, na Saulu.

Ebijiro 14:22

Bakâzibuhya emirhima y’Abemêzi n’okubahà amahano mpu basêre omu buyêmêre, banakâbabwîra, mpu: «kukwânîne rhugere omu malibuko manji lyo rhuhika omu bwâmi bwa Nyamuzinda».

Ebijiro 15:1

Okuhandi, bantu baguma barhengaga e Yudeya bakâyigîriza bene wîrhu, mpu: «Mukabà murhakembwîrwi nka kulya Mûsa arhegesire, murhankacunguka».

Ebijiro 15:22

Okubundi, entumwa n’abagula, erhi babà bamâyumvanya n’endêko y’a­bemêzi yoshi, banacirhegeka mpu bacîshoge baguma muli bo, barhumwe e Antiyokiya haguma na Paolo na Barnaba. Bacîshoga Yûda, oderhwa Barsaba, na Sila, bantu ba lukengwa omu bemêzi.

Ebijiro 15:27

“Na ntyo, rhumurhumîre Yûda na Sila nti bammubwîre obwo bugo n’akanwa”.

Ebijiro 15:3

Ekleziya yabalusa, batwîkanya omu Fenisiya n’omu Samâriya, bajà baganîra kurhi abapagani badwîrhe bayankirira obuyêmêre, na ntyo, balêrhera bene wîrhu boshi obusîme.

Ebijiro 15:31

Babà bamagasoma, bacîshingira oburhûlirize gali gabadwîrhîre.

Ebijiro 15:41

Atwîkanya omu Sîriya n’omu Silisiya, aj’azibuhya Ekleziya.

Ebijiro 18:23

Erhi abà amâyûsa yo nsiku, ashub’igenda; ajà agera omu cihugo c’e Galasiya n’omu Frijiya, akahà abemêzi boshi omurhima.

Ebijiro 2:40

Ashub’ibabwîra bindi birhali binyi, ahamîriza anakomêreza, erhi: «Murhenge muli eri iburha libî».

Ebijiro 20:2

Agera omu mpande z’eco cihugo, ajà abahà omurhima n’enyigîrizo zâge, alind’ahika omu Bugereki;

Barom 12:6

Kandi rhwahîrwe enshôkano zirhali kuguma, ngasi muguma nk’oku anashobwîre. Owahîrwe enshôkano y’obulêbi, ayikolêse nk’oku obuyêmêre bunadesire;

Barom 12:8

owahîrwe ey’okuhanûla, ahanûle. Owarhabâla abakenyi, arhageraga; okulîre abâbo, abashîbirire; owababalira owâbo, amubabalire n’enshagali.

1 Bakorinti 1:8

Yêne wayôrha ammuzibuhya, lyo muyêra oku Lusiku Lwa Nnawîrhu Yezu Kristu.

1 Bakorinti 14:29

Abalêbi, babiri erhi basharhu baderhe, n’abandi bagere enderho zâbo.

1 Bakorinti 14:3

Omuntu olêba yêhe, bantu aderheza, kuyigîriza ayigîriza, kuhanûla ahanûla, kurhûliriza arhûliriza.

1 Bakorinti 14:32

Abalêbi kukwânîne barhegeke emyûka yâbo,

Befezi 3:5

Ery’ihwe lirhàli lisag’ibwîrwa abantu ba mîra nk’oku likola limanyirwe n’entumwa zâge ntagatîfu n’abalêbi muli Mûka Mutagatîfu:

1 Batesalonika 2:11

Muyishi bwinjà oku rhwajirîre ngasi muguma muli mwe nka kula omubusi ajirira abâna bâge:

1 Batesalonika 3:2

rhwarhuma Timoteyo, mwene wîrhu na murhumisi wa Nyamuzinda omu kulumîza Emyanzi y'Akalembe ya Kristu, nti ammuzibuhye anammukomeze omu buyêmêre bwinyu,

1 Batesalonika 4:1

Nêci bene wîrhu, rhummuhûnyire rhunammuyinginzire muli Nyakasane Yezu nti mushimbe erya njira rhwammuyigîrizaya, erya njira emmuyêreka kurhi mukwânîne okuyôrha lyo musimîsa Nnâmahanga. Câbà kwo munakola muyôsire ntyo. Muhirage njira, mujè embere.

1 Batesalonika 5:14

Mâshi, bene wîrhu rhummuhûnyire nti muhanûle abalerha akavulindi, muhè abwôba omurhima, muzibuhye engonyi, munakalembera abantu boshi.

1 Batesalonika 5:20

murhagayaguzagya e­nshôkano y’obulêbi;

2 Tesalonika 3:12

Abôla rhubarhegesire rhunabahûnyire muli Nyakasane Yezu Kristu nti bakole n’omurhûla, banalye ebiryo by’omu maboko gâbo.

1 Timoteyo 2:1

Kulusha byoshi, mpûnyire nti bashenge, baharâmye, basengere, banavugire abantu boshi omunkwa:

2 Timoteyo 4:2

oyigîrize oluderho lwa Nnâmahanga, basîme erhi babè barhasîmiri, obabwîre, obayâgirize, okalihe, ohanûle, omu butûdu n’omu bushiru bw’okuyigîriza.

1 Petro 5:1

Abagula bali muli mwe, alagi ihano mbahire, nie mugula akabo, nie na câliho c’amababale ga Kristu, nie nanayish’ishangira irenge lyânabonekane.

1 Petro 5:10

Na hano mubà mwamâlibuzibwa kasanzi katyunguli, Nyamuzinda w’enshôkano zoshi wammuhamagalaga okushangîra irenge lyâge ly’ensiku n’amango muli Kristu Yezu, yêne âmmuyumanyanya âmmukomeze, âmmuzibuhya anammujire ntadundagana.

1 Petro 5:12

Mmuyandikîre ebi binwa bisungunu n’okuboko kwa Silvano, mwene wîrhu mbona nk’akwânîne okucîkubagirwa, nti mmuhanûle nampamîrize oku eyo yo nshôkano y’okuli ya Nyamuzinda: muyisêremwo buzibu.