Ebijiro 15:24 - BIBLIYA NTAGATIFU OMU MASHI

²⁴ “Rhwayumvîrhe mpu bantu baguma b’eno mwîrhu badwîrhe bakaderha ebinwa by’okummuhiramwo akavulindi n’okumufudusa emirhima, n’obwo rhurhabarhumaga”.

Ebijiro 15:24 ပူးပေါင်းရင်းမြစ်များ

Yeremiya 23:16

Kwo adesire ntya Nyakasane, w’Emirhwe: Murhakazâgiyumva ebinwa by’abà balêbi bamulêbera kurheba badwîrhe bamurheba, badwîrhe baderha ebi babwîne omu mirhima yâbo, ci ehyarhenga omu kanwa ka Nyakasane ntâhyo,

Ebijiro 15:1

Okuhandi, bantu baguma barhengaga e Yudeya bakâyigîriza bene wîrhu, mpu: «Mukabà murhakembwîrwi nka kulya Mûsa arhegesire, murhankacunguka».

Bagalasiya 1:7

n’obwo Emyanzi y’Akalembe erhabamwo kubiri. Ci hali abantu badwîrhe bammuhiramwo akavulindi n’okulonza okuhushikanya Emyanzi y’Akalembe ya Kristu.

Bagalasiya 5:10

Niehe nnangâlîre muli Nyakasane nti murhakengêre kundi-kundi. Ci olya odwîrhe ammuhiramwo akavulindi, ciru akabà yè ndi, ahanwa.

Bagalasiya 5:12

Abôla badwîrhe bammuhira­mwo akavulindi; kali bacîshahule erhi kwo!

Bagalasiya 5:4

Mwe mulonza obushinganyanya omu kushimba Irhegeko, mwacîrhenzizekwo Kristu, mwarhêzire enshôkano ya Nyamuzinda.

2 Timoteyo 2:14

Okâbakengêza okwo omu kuhamîriza embere za Nyamuzinda oku kukwânîne okukâyâka ennongwè y’ebinwa erhajira kandi kamalo okurhali kuheza abayiyumvirhiza.

1 Yowane 2:19

Muli rhwe bàrhengaga, ci bàrhali ba muli rhwe; bulyâla bacibâga ba muli rhwe, rhinga babêzire haguma nîrhu. Ci kwàli kukwânîne kubonekane n’obwâlagale oku boshi ba­rhàli ba muli rhwe.