Ebijiro 15:22 - BIBLIYA NTAGATIFU OMU MASHI

²² Okubundi, entumwa n’abagula, erhi babà bamâyumvanya n’endêko y’a­bemêzi yoshi, banacirhegeka mpu bacîshoge baguma muli bo, barhumwe e Antiyokiya haguma na Paolo na Barnaba. Bacîshoga Yûda, oderhwa Barsaba, na Sila, bantu ba lukengwa omu bemêzi.

Ebijiro 15:22 ပူးပေါင်းရင်းမြစ်များ

2 Samweli 3:36

Olubaga loshi lwanacibona okwo kwanalusîmîsa, câbà mushâna ngasi ebi Daudi anakazâg’ijirira byoshi embere z’olubaga byanali binjà.

2 Nganîro 30:12

Ci kwônene abantu b’omu Yûda, Nyamuzinda abahà murhima muguma gw’okuyumva n’okushimba irhegeko lya mwâmi. N’ery'abarhambo, nk’oku kanadesire akanwa ka Nyamubâho.

2 Nganîro 30:4

Okwôla kwabonekana nka kuli kwinjà omu masù ga mwâmi n’embugânano yoshi.

Ebijiro 1:23

Banacilêrha babiri, Yozefu, wakâg’iderhwa Barsaba, wayîrikagwa Yusto, na Matiya.

Ebijiro 11:19

Nabo balya bashandabanaga erhi entambala yazûkaga amango ga Stefano erhuma, banacihârhûla, bahika omu cihugo c’e Fenisiya, n’e Cipro, n’e Antiyokiya, ci barhayigîrizagya abarhali Buyahudi oluderho lwa Nyamuzinda.

Ebijiro 11:20

Ci muli bo habonekana baguma b’e Cipro n’e Sireneya. Abôla erhi bahika e Antiyokiya, bàganîza Abagereki, banabayigîriza Nyakasane Kristu.

Ebijiro 11:22

Ogwo mwanzi gwanacihika omu marhwiri ga Ekleziya y’e Yeruzalemu, na Barnaba arhumwa e Antiyokiya.

Ebijiro 11:27

Mw’ezo nsiku, abalêbi banacirhenga e Yeruzalemu, bajà e Antiyokiya.

Ebijiro 15:23

Babafumbasa aga maruba, mpu: «Rhw’ono ntumwa n’abagula bene winyu, rhumuhîre omusingo, mwe bene wîrhu b’e Antiyokiya n’e Sîriya n’e Silisiya mwarhengaga omu bapagani!

Ebijiro 15:25

“Okwo kwo kwarhumire rhwajà haguma, rhwacîshoga abaganda nti rhumurhumire bo haguma na bene wîrhu bazigirwa Barnaba na Paolo”,

Ebijiro 15:27

“Na ntyo, rhumurhumîre Yûda na Sila nti bammubwîre obwo bugo n’akanwa”.

Ebijiro 15:3

Ekleziya yabalusa, batwîkanya omu Fenisiya n’omu Samâriya, bajà baganîra kurhi abapagani badwîrhe bayankirira obuyêmêre, na ntyo, balêrhera bene wîrhu boshi obusîme.

Ebijiro 15:30

Abàli barhumirwe banacisengeruka, bayandagalira e Antiyokiya, bahà­magala endêko y’abemêzi, banacibahà galya maruba.

Ebijiro 15:32

Yûda na Sila, bulya nabo bâli balêbi, babwîra abemêzi binwa binji by’okubahanûla n’okubazibuhya.

Ebijiro 15:40

Naye Paolo acîshoga Sila, erhi n’abemêzi babà bamâmushengerakwo obwangà bw’enshôkano ya Nyamuzinda, ahârhûla, agenda.

Ebijiro 16:19

Erhi bannawâbo babona obunguke bâli balangâlire bubashugunuka, banacigwârha Paolo na Sila, babahêka ekagombe aha bashamuka;

Ebijiro 16:25

Aha karhî k’obudufu, Paolo na Sila bâli badwîrhe bayimba irenge lya Nnâmahanga, n’ababohe bakâbayumvirhiza.

Ebijiro 16:29

Nyamulanzi anacihûna akamole, anacikanya, aj’ageramwo omusisi, aci­kwêba aha magulu ga Paolo na Sila.

Ebijiro 17:10

Obwo budufu bwônene, bene wîrhu bageza buhena Paolo na Sila, babahêka e Bereya. Erhi bayihika, bajà omu sinagogi y’Abayahudi.

Ebijiro 17:14

Ho n’aho, bene wîrhu bageza Paolo, bamubwîra mpu ajè e bwa nyanja. Naye Sila na Timoteyo basigala.

Ebijiro 17:4

Baguma muli bo banaciyêmêra, bashimba Paolo na Sila, n’abandi mwandu b’omu bapagani barhînya Nyamuzinda, n’engabo y’Abagereki n’abagoli barhali banyi.

Ebijiro 18:5

Erhi Sila na Timoteyo bayisha kurhenga e Macedoniya, Paolo acîshwêkera oku kukayigîri­za akanwa ka Nnâmahanga, akahamîriza omu Buyahudi oku Yezu ye Kristu.

Ebijiro 8:14

Erhi Entumwa zàli e Yeruzalemu ziyumva oku Abasamâriya bayankirîre akanwa ka Nnâmahanga, zabarhumira Petro na Yowane.

2 Bakorinti 1:19

Bulyâla olya Mugala wa Nyamuzinda, Yezu Kristu, rhwammubwîraga rhwe na Silvano na Timoteyo arhali «nêci na nanga»; arhabâmwo orhali «nêci».

1 Batesalonika 1:1

Paolo, Silvano na Timoteyo, kuli Ekleziya y’Abatesalonika eri muli Nyamuzinda Îshe na muli Nyakasane Yezu Kristu. Kuli mwe enshôkano n’obuholo!

2 Tesalonika 1:1

Paolo, Silvano na Timoteyo, kuli Ekleziya y’Abatesalonika eri muli Larha Nyamuzinda na muli Nyakasane Yezu Kristu.

1 Petro 5:12

Mmuyandikîre ebi binwa bisungunu n’okuboko kwa Silvano, mwene wîrhu mbona nk’akwânîne okucîkubagirwa, nti mmuhanûle nampamîrize oku eyo yo nshôkano y’okuli ya Nyamuzinda: muyisêremwo buzibu.