Ebijiro 14:19 - BIBLIYA NTAGATIFU OMU MASHI

¹⁹ Okubundi, hanaciyisha Abayahudi barhengaga e Antiyokiya n’e Ikoniya; bayinjibana olubaga babanda Paolo amabuye, bamukululira e muhanda gw’o­lugo, bamanya mpu anafîre.

Ebijiro 14:19 ပူးပေါင်းရင်းမြစ်များ

Yeremiya 22:19

“Kw’anabishwa kula banabisha eciterusi. Bayisha bamubulula bakabulire, kuli n’emihango ya Yeruzalemu”».

Ebijiro 13:14

Bôhe bahârhûla, bàrhaluka e Perga, bàhika e Antiyokiya omu Pizidiya. Erhi lubà lwa Sabato, bajà omu sinagogi, batamala.

Ebijiro 13:45

Erhi Abayahudi babona oyo nyamugege w’abantu, bâyâgalwa, barhondêra okulogorhera Nyamuzinda erhi bayumva ebinwa bya Paolo.

Ebijiro 14:1

Byanacibà ntyo! Nka kulya banakomereraga okujira, e Ikoniya bajà omu sinagogi y’Abayahudi; banacishambâla bwinjà, ciru engabo nyinji y’Abayahudi n’Abagreki bayêmêra.

Ebijiro 14:18

Ci kwône, ciru n’ebyo binwa, kwàli kuzibu okuhanza olubaga mpu lulek’ibajirira enterekêro.

Ebijiro 14:2

Ci Abayahudi balahiraga okuyêmêra bashumika abapagani banabazûsamwo enshombo kuli bene wîrhu.

Ebijiro 14:21

Erhi bayûsimanyisa eco cishagala Emyanzi y’Alakembe, n’okuhindula bantu banji baganda ba Kristu, banacishubira e Listra n’e Ikoniya n’e Antiyokiya.

Ebijiro 14:26

kwo na kuyikirira e Antiyokiya, cirya cishagala babashengeragamwo obwangà bwa Nyamuzinda kw’ogwo mukolo bâli bamâjira.

Ebijiro 14:4

Abantu b’omu cishagala baciberamwo mpande ibirhi: baguma bafù­ndîkira haguma n'Abayahudi, abandi bacîhira oluhande lw’Entumwa.

Ebijiro 14:5

Abapagani n'Abayahudi, bo n’abarhambo bâbo, erhi bakola mpu babajirira kubî n’okubabanda amabuye;

Ebijiro 15:26

“abo balume bàhânyire obuzîne bwâbo erhi izîno lya Nawîrhu Yezu Kristu lirhuma”.

Ebijiro 17:13

Ci erhi, Abayahudi b’e Tesalonika bamanya oku Paolo adwîrhe ayigîriza akanwa ka Nyamuzinda e Bereya, banaciyija, bazûsa ehidugundu n’akavulindi omu lubaga.

Ebijiro 22:20

“n’erhi babulaga omukò gw’omuhamîrizi wâwe Stefano, nâni ho nali, nayêmêra nti bamuyîrhe, nnanakalânga emyambalo y’abamuyirhaga”,

Ebijiro 7:58

N’erhi babà bamâmurhenza omu lugo, bamubanda amabuye. Abahamîrizi bâli barherekîze emyambalo­ yâbo aha magulu g’omwâna w’obusole, izîno lyâge ye Saulu.

Ebijiro 9:16

Niene nacimuyêreka ebi alembera byoshi izîno lyâni lirhumire».

1 Bakorinti 15:31

Ngasi lusiku erhi ndi omu lufù, bene wîrhu; n’okwo kunali nk’okûla muli irenge lyâni muli Nnawîrhu Yezu Kristu.

2 Bakorinti 11:23

Bali Baganda ba Kristu, -lêro nkola naderha nka musirhe, ­ -nie ono mbalushire! Mbalushire omu kuluza emikolo, omu kushwêkwa kanji-kanji omu kushûrhwa okurhalusize olugero. Kanga nalinzir’ifà?

2 Bakorinti 11:25

E­mpindo nazishûsirwe kasharhu; nabandwa amabuye liguma; nazika omu nyanja kasharhu; nashinga mulegerere muguma na budufu buguma omu ndalâlà y’enyanja.

2 Bakorinti 11:26

Kanji-kanji erhi omu njira ndi; enyîshi zampusha; nalinz’igwa omu bishumûsi; nalinz’iyîrhwa n’ab’emwîrhu; abapagani bampusha; nalinz’ifira omu cishagala; omu irungu niene niene; enyanja yalinz’impêka; nalinz’iyîrhwa n’endyâla mpu bene wîrhu.

1 Batesalonika 2:14

Nêci, bene wîrhu, mwayankîre olwiganyo oku Ekleziya za Nyamuzinda ziri omu Yudeya muli Kristu Yezu; kulya kubà ninyu mwalibuzîbwe n’abà­ntu b’omu cihugo cinyu nk’oku ezo Ekleziya zalibuzibagwa n’Abayahudi,

2 Timoteyo 3:11

oku malibuko n’oku malumwa naboneraga e Antiyokiya, n’e Ikoniya n’e Listra. Malibuko maci ntabonaga wâni! Na muli goshi Nyakasane anyôkola!