Ebijiro 12:20 - BIBLIYA NTAGATIFU OMU MASHI

²⁰ Obwo, erhi Herodi akunirîre bwenêne abantu b’e Tiri n’e Sidoni. Abo bantu banacijà nnâma, balîkûlira emwâge, n’erhi babà bamâyinjibana na Blasto, ye wali murhonyi w’omu idubiro lya Herodi, baj’ihûna omurhûla bulya ecihugo câbo cakâg'ilwisibwa n’eca mwâmi.

Ebijiro 12:20 ပူးပေါင်းရင်းမြစ်များ

Murhondêro 10:15

Kanâni aburha Sidoni yo nfula yâge, kandi Heti.

Murhondêro 10:19

Ecihugo ca bene Kanâni càli kurhenga e Sidoni, kugera e Gerari kujà e Gaza, kandi kugera olunda lw’e Sodomo, Gomora, Adma na Seboyimi caj’ihwera e Lesha.

2 Nganîro 2:10

Hurami w’e Tiri ashuza omu maruba ayandikiraga mwâmi Salomoni erhi: «Obuzigire Nyamubâho ajira oku lubaga lwâge lwarhumire akujira mwâmi walo.»

2 Nganîro 2:15

“Nîrhu, rhwatwa emirhi ye Libano, nk’oku amalagîrire ganali; rhwanakulêrherayo rhwayigeza omu nyanya rhuyihire oku bihali aha Yope, na nâwe wanayirhôla oyisôkeze e Yeruzalemu”».

Ezra 3:7

Banacihâna ensaranga emw’abashongola amabuye n’ababinji b’empaho. Banacihana ebiryo n’amamvu n’amavurha oku Banyasidoni n'Abanyatiri mpu babarhumire emirhi y’ecidra y’e Libano omu kubigereza oku nyanja kuhika e Yafà, nk’oku mwâmi Sirusi w'Abapersi anali amâyêmêra.

Migani 17:14

Okuzûsa olubanja kubà kufukulira amîshi, onacîzibuke lwo lurhacikula.

Migani 20:18

Omuhigo mahano ga bandi gaguzibuhya, n’amatumu bwîrhonzi bugalwa.

Migani 25:8

orhabihêkaga duba-duba aha kagombe, bulya kurhi okolaga wajira obwo, erhi owinyu ankakuyâgîriza?

Muhanûzi 10:4

E erhi mwâmi akakuhêkakwo oburhè, orhahinyagya, bulyâla okurhûza kunarhume omuntu arhalogorha.

Ezekiyeli 27:17

Ciru na Yûda boshi n’Israheli bakazâgiyishigulira emwâwe: bakazikulerhera engano y’e Miniti, obulo, obûci, amavurha n’enshangi.

Luka 16:8

Nnawâbo olya mulanzi mulangûza amukunga mpu ajizire obwenge. Bulya abâna b’er’igulu bo bayengeha omu bâbo kulusha abâna b’obulangashane.

Ebijiro 12:21

Olusiku bâli balagânîne, Herodi ayambala emyambalo yâge y’obwâmi, ashonera oku hisingulo, atamala, akababwîra.

Ebijiro 21:3

Erhi rhuhika oku cirhwa c’e Cipro, rhwacileka ekumosho, rhwavugama, rhwayêre­keza e Sîriya, rhwaj’isîka e Tiro, bulya yo balonzagya okukalira obwârho mw’emizigo.

Ebijiro 21:7

Nîrhu, rhwashubihira njira, kurhenga e Tiro, rhwaj’isîka e Tolemayidi. Rhwanacilamusa bene wîrhu, rhwajirayo lusiku luguma.

Yozwe 19:29

Olubibi lwayêrekera olunda lw’e Rama, kuhika oku lugo luzibuzibu lwa Tiri. Olugo lwanacija olunda lw’e Hosa, lwagendihwêra oku nyanja e Mahaleb.