Ebijiro 12:12 - BIBLIYA NTAGATIFU OMU MASHI

¹² Erhi ayûsigerêreza ntyo, ajà aha mwa Mariya, nnina wa Yowane, oderhwa Marko. Hàli endêko erhali nyi y’abemêzi bakâg’ishenga.

Ebijiro 12:12 ပူးပေါင်းရင်းမြစ်များ

Izaya 65:24

Niene nâkaz’ibashuza embere bampamagale; bâkaz'ibà barhaciyûsa okuderha erhi mîra nabayumvîrhizagya.

Ebijiro 12:25

Barnaba na Saulu nabo, erhi babà bamâyûsa obugo bâli barhabâlîre, bàshubûka kurhenga e Yeruzalemu boshi na Yowane oderhwa Marko.

Ebijiro 12:5

Oku Petro adwîrhe alangwa ntyo omu mpamikwa, erhi n’Ekleziya nayo erhahusa okumusengerera emwa Nyamuzinda.

Ebijiro 13:13

Paolo n’abà bâli boshi barhenga e Pafo, bayikirira e Perga omu Panfiliya. Yowane anacibaleka, acîshubirira e Yeruzalemu.

Ebijiro 13:5

Erhi bahika e Salamina, barhondêra okuyigîriza akanwa ka Nyamuzinda omu masinagogi g’Abayahudi. Na Yowane ajaga abarhabâla.

Ebijiro 16:40

Erhi barhenga omu mpamikwa, Paolo na Sila bajà aha mwa Lidiya, bashub’ibonana n’abemêzi, babazibuhya omurhima, okuhandi banacigenda.

Ebijiro 4:23

Erhi babà bamalîkwa, bajà emunda abâbo bâli, babaganîrira oku abajinji b’abadâhwa n’abagula bababwîzire kwoshi.

Bakolosi 4:10

Aristarko rhubà rhweshi omu nkoba ammulamusize, bona Marko, muzâla wa Barnaba. Y’olya bammubwîraga; akayisha emwinyu mumuyankirire kwinjà;

2 Timoteyo 4:11

Luka yênene rhusigîre rhweshi naye. Oyanke Marko, muyishe mwembi, bulya ankwânîne bwenêne omu bujà-bugo.

Filemoni 1:24

bo na Marko, Aristarko, Dema, na Luka, bo barhabâzi bâni.

1 Petro 5:13

Ekleziya eri e Babiloni, ntôle akinyu, emmulamusize; na mugala wâni Marko naye a­mmulamusize.