Ebijiro 10:45 - BIBLIYA NTAGATIFU OMU MASHI

⁴⁵ Abemêzi boshi b’omu Buyahudi bâli balusize Petro, barhangâla erhi babona oku enshôkano ya Mûka Mutagatîfu yahâbirwe abapagani nabo.

Ebijiro 10:45 ပူးပေါင်းရင်းမြစ်များ

Ebijiro 10:23

Petro abahêka omu nyumpa, anabahandîsa. Erhi buca, ahira njira, agenda boshi nabo; na bâbo baguma b’e Yope bamulusa.

Ebijiro 11:2

Erhi Petro acîrheremera e Yeruzalemu, abakembûle bamushimbulula, bamudôsa, mpu:

Ebijiro 11:3

«Kurhi wajàga omu mwa bantakembûlwa, wanalya mwe nabo?»

Ebijiro 2:33

“N’erhi okulyo kwa Nyamuzinda kubà kwamamukuza, Îshe amuhà Mûka Mutagatîfu alaganyagya, anamurhuma. Ebyo byo mudwîrhe mwabona, byo munadwîrhe mwayumva”.

Ebijiro 2:38

Petro ashuza, erhi: «Mucîyunjuze, na ngasi muguma abatizibwe oku izîno lya Yezu Kristu, lyo ababalirwa ebyâha byâge; ntyo muhâbwe enshôkano ya Mûka Mutagatîfu.

Barom 5:5

n’obo bulangâlire burhabonêsa nshonyi, bulya obuzigire bwa Nyamuzinda bwabulagîrwe omu mirhima yîrhu na Mûka Mutagatîfu rhwahâbagwa.

Bagalasiya 2:15

'Rhwono rhwaburhagwa Buyahudi, rhurhali aka abâla bapagani banya-­byâha.

Befezi 2:11

Kengêri amango ga mîra, mwe bapagani, -mwâli bo omu mubiri gwinyu, mwa mwakâg’iderhwa bantakembûlwa na balya bacîderha bakembûle, erhi banali bo omu mubiri gwâbo gwakembûlagwa n’abantu-;