Ebijiro 1:12 - BIBLIYA NTAGATIFU OMU MASHI

¹² Okubundi barhenga ebw’erya ntondo y’Emizêti, bashubira e Yeruzalemu, Eyo ntondo erhali kuli n’e Yeruzalemu: luli lugendo lwankagendwa o­lwa-Sabato,

Ebijiro 1:12 ပူးပေါင်းရင်းမြစ်များ

Zakariya 14:4

Mw’ago mango àyish’ihira okugulu oku ntondo y’emizêti, hôfi n’e Yeruzalemu, ebushoshôkero bw’izûba. Entondo y’emizêti yâyish’iberekamwo kabirhi kurhenga ebushoshôkero kuhika ebuzikiro, hâyish’ibà akabanda kanênênè kayêrekîre ebushoshôkero n’ebuzikiro bw’izûba. Cigabi ciguma c’eyo ntondo càcitundugurhira olunda lw’ebulembe n’ecindi cigabi ebulyo.

Mateyo 21:1

Erhi bacihika hôfi h’e Yeruzalemu, oku ntondo y’Emizêti, e Betefaje, Yezu arhuma baganda bâge babiri.

Mateyo 24:20

Mushenge murhag’iyish’iyaka omu mango g’e mpondo erhi omu luzira lwa Sabato.

Mateyo 24:3

Erhi acibà akola abwârhîre oku ntondo y’Emizêti, abaganda bâge bamushegeraho bufundafunda, bamubwîra, mpu: «Orhubwîre mangaci ebyo byâbà, n’ecâbe cimanyîso c’okuyisha kwâwe n’eca okuhwa kw’igulu.»

Mateyo 26:30

Erhi bayûs’iyimba, barheremera oku ntondo y’Emizêti.

Luka 19:29

Erhi akola ahika e Betifaje n’e Betaniya, hôfi n’entondo y’Emizêti, arhuma babiri omu baganda bâge, erhi:

Luka 21:37

Mûshi, akâg’iyigîriza omu ka-Nyamuzinda; ci erhi kwabaga bijingo, akagend’iyiza obudufu bwoshi oku ntondo ederhwa ntondo y’Emizêti.

Luka 24:50

Anacibahulukana, abahêka olunda lw’e Betaniya; alambûla amaboko, abagisha.

Luka 24:52

Nabo erhi babà bamâharâmya, bashubira e Yeruzalemu bashagalusire bwenêne.

Yowane 11:18

Kurhenga e Betaniya kuhika e Yeruzalemu ziri stadi ikumi n’irhanu zône.