Daniyeli 9:7 - BIBLIYA NTAGATIFU OMU MASHI

⁷ Yâgirwa Nyakasane kuli we obushinganyanya, na kuli rhwe, obusù buyunjwîre nshonyi nk’oku onabwîne kuli rhwe ene. kwo binali oku bantu b’e Yûda, oku bantu b’e Yeruzalemu n’abà omu Israheli boshi, oku bantu bali hôfi n’abâli kuli muli birya bihugo wabakungushiraga erhi bugoma n’amabî bakujiriraga garhuma.

Daniyeli 9:7 ပူးပေါင်းရင်းမြစ်များ

Ezra 9:13

Kuli ebi bibî byarhuyîshiraga erhi bijiro bîrhu bigalugalu birhuma ciru akabà mpu orhabîkaga ecirhali cihimbi c’amabî gîrhu, Yâgirwa Nyamuzinda wîrhu, wanarhulekera n’omusigala nk’ogu guli aha,

Ezra 9:15

Nyamubâho, Nyamuzinda w’Israheli. oli mushinganyanya loshi, rhwe rhuligi gulya musigala gw’abashugunukaga, embere zâwe n’amabî gîrhu rhurhacikwânîni okubêra omu masù gâwe erhi ago mabî gîrhu garhuma.

Nehemiya 9:33

Wabîre mushinganyanya omu ngasi byoshi byarhuyishire bulya wanarhujirire okushingânîne, cikwône rhwono rhubà bantu babî.

Ennanga 119:137

Ôbà mushinganyanya, Yâgirwa, n’okutwa olubanja kwâwe kuyôrha kushingânîne.

Ennanga 44:15

Warhujizire lwimbo omu karhî k’amashanja, ebindi bihugo byarhugayire byàrhalusa.

Ennanga 51:14

Ongalulire obushaguluke bw’obuyôkozi bwâwe, ompè omurhima gw’entwâli.

Ennanga 51:4

Omu lukogo lwâwe lunji, ozâze ecâha câni.

Izaya 11:11

Mw’olwo lusiku, Nyakasane ayash’ilambula okuboko, mpu lyo alîkûza abasigîre bw’omu lubaga lwâge; balya bâge bacisigîre omu Asîriya n’omu Mîsiri, omu Patrosi n’omu Kushi n’omu Elamu, omu Sinazi n’omu Hamati n’omu birhwa by’enyanja,

Izaya 45:16

Babumbwa n’enshonyi banaturutumbe oku banali boshi, bagendana ecihemu ebusù balya batula enshushano.

Yeremiya 12:1

Ôbà mushinganyanya, Nyakasane, ciru nkacîhamba nti nakujîsa kadali ci erhi na binwa bya bushinganyanya nakushambâza. Cirhuma enjira y’endyâlya ebà ekomire, cirhuma encuku zijira omurhûla.

Yeremiya 23:6

Omu mango gâge Yûda âcira, na Israheli âdêkerera n’omurhûla. Lâba izîno bâkazimuderha: «Nyakasane, Bushinganyanya bwîrhu.»

Yeremiya 24:9

“Nâbajira babè bakushologosa, banabè buhanya oku mâmi g’igulu goshi; cibonya-nshonyi, lwimbo, masheka g’abagera, ihanja ngasi hoshi n’abahabulira”.

Yeremiya 3:25

Muleke rhugwîshîre omu nshonyi zîrhu, muleke zirhubumbe eza mèmè bulyâla rhwagayisize Nyakasane Nyamuzinda rhweshi na balarha, kurhenga oburhò bwîrhu kuhika buno, rhurhayumvagya izù lya Nyakasane Nyamuzinda wîrhu.

Yeremiya 32:32

“Bulya ebyâha bya bene Israheli na bene Yûda byaluzire bwenêne, ôli bône­ne, ôli abâmi bâbo, abarhambo bâbo, abadâhwa n’abalêbi bâbo, oli olubaga lw’e Buyuda n’olw’e Yeruzalemu”.

Yeremiya 33:16

Muli ago mango nâyôkola Yûda na Yeruzalemu arhûlûle. Eci­shagala cinyu baciyîrika elya «Nyamuzinda-okuli-kwîrhu».

Yeremiya 4:17

bagosire Yeruzalemu nka balanzi b’ishwa, kulya kubà angomîre, Kanwa ka Nyakasane.

Yeremiya 7:19

Ka nie bababazize, Yekudesire Nyakasane; kali bône bacibabazize, bône bacîbonesize nshonyi?

Ezekiyeli 16:63

lyo okaziyôrha wayîbuka, enshonyi zikugwârhe, n’omukucihaba oku wajira, kubè kuhulika ohulika amango nâbà namakubabalira ngasi mabî wanajizire, kwo adesire Nyakasane Nyamubâho.

Ezekiyeli 36:31

Mwâkaz’ikcengêra enjira zinyu mbî, n’ebijiro binyu bigalugalu mushologorhwe erhi bubî bwinyu burhuma n’amagalugalu ginyu.

Ezekiyeli 5:10

Co carhuma, b’îshe w’abâna bakola bakazilîra abâna bâbo ekarhî kâwe, n’abâna balye b’îshe wâbo. Nâkuhonda kwo amahane nnanshandabanye abâna bâwe bacisigîre bajè enyunda zoshi z’igulu.

Ezekiyeli 6:12

Abâli kulî bâfà n’ecihûsi, abâli hôfi bâyîrhwa n’engôrho, abashugunusire ebyo babagorha bafè n’ishali, ebwa kubà nayûkiza ohurhe bwâni kuli bwo.

Daniyeli 9:14

Nyamuzinda akaz’ilolalola kuli obwôla bubî mpu arhubabazemwo; ebwa kubà Nyamubâho, Nyakasane wîrhu abà Mushinganyanya muli ebi anajira byoshi, ci rhurhayumvagya izîno lyâge.

Daniyeli 9:18

Yâgirwa, Nyamuzinda orhege okurhwiri onayumvîrhize; bwîkûla amasù gâwe obone kurhi bàrhushâbîre lulya lugo lwàli irenge erhi izîno lyâwe lirhuma. Rhurhadesiri nti bushi­nganyanya bwîrhu bunji bwo burhumire rhuhisa ezi nsengero zîrhu embere zâwe, ci, bwonjo bwâwe bunji burhumire.

Daniyeli 9:8

Nêci yâgirwa Nyakasane kuli rhwe obusù buyunjwîre nshonyi, kuguma n’oku bâmi bîrhu oku baluzi bîrhu n’oku babusi bîrhu bulya rhwakujirire kubî.

Amosi 9:9

«Bulya nkola nârhegeka, ndundaganye n’enyumpa y’Israheli ekarhî k’amashanja goshi nka kula banashebulira oku kayungulo n’ehibuye hitya hirharhogere oku idaho.

Barom 6:21

Bunguke buci mwabwînage obwo? Buno enshonyi zimmubambisire, bulya obuzinda bw’ebyo byoshi lubà lufù.

Lushika 32:4

Yêne y’ibuye: obushanja bwâge buli bwimâna, bulyâla enjira zâge zoshi ziri bushinganyanya. Ye Nyamuzinda mutabesha na mudahemuka. Ye Mushinganyanya ye na Mushongêza.

Lushika 4:27

Nyamubâho àmushandabanya omu mashanja n’abâsigala muli mwe barhabè banga. Omu karhî k’amashanja emunda Nyamubâho amulukîriza.