Daniyeli 9:4 - BIBLIYA NTAGATIFU OMU MASHI

⁴ Nanacishenga Nyamubâho Nyamuzinda wâni, nahûna obwonjo naderha nti: «Mâshi yâgirwa Nyakasane Nyamuzinda mukulu, we obikirira endagâno n’obwonjo oku bantu bakuzigira n’abashimba amarhegeko gâwe.

Daniyeli 9:4 ပူးပေါင်းရင်းမြစ်များ

1 Bâm 8:23

«Yâgirwa Nyakasane Nyamuzinda w’Israheli, ntà wundi Nyamuzinda wankabà nka we, abè omu malunga, abè hanôla igulu: welanga bwinjà ebi walagânanaga mweshi n’abarhumisi bâwe bakushimba n’omurhima gwâbo goshi.

2 Nganîro 7:14

“erhi olwo lubaga lwâni naderhîre kwo izîno lyâni, lwankayûnama, erhi lwankashenga lunalonza obusù bwâni, n’erhi lwankarhenga omu njira zalo ngalugalu, nanaluyumvirhiza kurhenga empingu, nanababalira ecâha câbo, nanfumye ecihugo”.

Ezra 10:1

Amango Ezra akazâg’irhoza emirenge erhi anafukamire embere z’aka-Nyamuzinda, oku adwîrhe ashenga ntyo, engabo nyinji y’abalume n’abakazi n’abâna ba bene Israheli yamuja eburhambi, bulya olubaga loshi lwàli omu mulenge bwenêne.

Nehemiya 1:5

Nakaz’iderha, nti: «Mâshi Nyakasane Nyamuzinda w’empingu, Nyakasane ne wêne oli mukulu na w’okurhînywa, wêne olanga endagâno n’obwonjo emwa balya bakukunda n’okushimba amarhegeko gâwe.

Nehemiya 9:32

Na bunôla mâshi Yâgirwa Nyakasane Nyamuzinda wîrhu, we Nyamuzinda mukulu, Ogala-byoshi na wa kujugumya, we olanga endagâno yâwe bwinjà, orhalolaga ebintu bya busha busha, aga malumwa goshi garhujirekwo, rhwenene, abâmi bîrhu, abarhambo bîrhu, abadâhwa bîrhu, abalêbi bîrhu, ababusi bîrhu, n’olubaga lwâwe lwoshi kurhenga oku bâmi b’e Sîriya kuhika mwa zino nsiku.

Ennanga 32:5

Lyo nkajâga nacîshobeka emund’oli buzira kufulika obubî bwâni; naderha, nti: «Obubî bwâni ncîshobesirebwo Nyakasane», nâwe wakûla obubî bw’ecâha câni.

Lubungo 20:6

ci abanzigira, bakashimba n’amarhegeko gâni, nnambajirire aminjà kuhika oku iburha lya kali cihumbi.

Yeremiya 3:13

Oyêmêre kwône obubî bwâwe: wagomîre Nyakasane Nyamuzinda wâwe, wahulahulîre emunda ab’embuga bâli, n’izù lyâni orhaliyumvirhizagya ye kudesire Nyamubâho

Yeremiya 32:23

Bàyisha, bàyûbaka­ mwo, ci aye! barhayumvagya, barhanashimbaga amarhegeko gâwe. Barhajiraga ciru n’ehitya muli ebi wali obahûnyire., lêro banacikulilira obu buhanya rhudwîrhe rhwabona ene.

Daniyeli 6:10

Kuli okwôla, mwâmi Dariusi abâna irhegeko ly’okuhanza okushenga owundi.

Daniyeli 9:3

Nanaciyêrekeza obusù bwâni emunda Nyamuzinda ali, nahûna amango g’okushenga n’ag’okuyinginga omu kucîshalisa, omu kucîbabaza n’omukuyambala sunzu, nti ndôse kuli okwo.

Luka 1:72

Ntyo afirîre balarha obwonjo, anakengêra endagâno yâge ntagatîfu,

Barom 8:28

Kandi rhumanyire oku Nyamuzinda akolêsa byoshi oku minjà g’abamukunda, balya yêne ahamagîre oku bulonza bwâge.

Lushika 5:10

“Cikwône nnambabalire bantu bihumbi n’ebihumbi nka bali bantu bansîma banashimba amarhegeko gâni”». B. Irhegeko lya kabirhi n’erya kasharhu (11-15)

Lushika 7:12

Mango wâbà wayumvîrhe aga marhegeko, okagalanga n’okugashimba, naye Nyamubâho Nyamuzinda wâwe àkubikira endagâno n’oburhonyi alaganyagya basho.

Lushika 7:21

Orhadirhimanaga embere zâbo, bulya Nyamubâho, Nyamuzinda wâwe ali ekarhî kâwe. Ye Nyamuzinda mukulu n’owokuyôbohwa.

Lushika 7:9

Okolaga wamanya oku Nyamubâho, Nyamuzinda wâwe ye Nyamuzinda w’okuli, ye Nyamuzinda mutabêsha ye bîkirira endagâno yâge n’obuzigire bwâge kuhika oku iburha lya kali cihumbi abîkira abantu bamuzigira banashimba amarhegeko gâge.

Yakôbo 1:12

Iragi lyâge omuntu olembera amarhangulo! Bulya erhi abà amâgahima, anayish’ihâbwa ishungwè ly’obuzîne Nyamuzinda alaganyagya abamuzigira.

Yakôbo 2:5

Leki mmubwire, bene wîrhu bazigirwa! Ka Nyamuzinda arhacîshogaga abakenyi b’en’igulu mpu babè bahirhi omu buyêmêre, banabè mîmo y’O­bwâmi alaganyagya abamuzigira?