Daniyeli 9:23 - BIBLIYA NTAGATIFU OMU MASHI

²³ Ene onarhangira okushenga, akanwa kanacibâdûka, nyishirage okuku­bwîriza ko, ebwa kubà oli murhonyi. Yumva akôla kanwa, yumva n’oku kalêbire:

Daniyeli 9:23 ပူးပေါင်းရင်းမြစ်များ

2 Bâm 19:20

Yesha’yahu mwene Amosi anacirhuma abagendibwîra Yezekiyahu erhi: «Oku Nyamubâho, Nyamuzinda w’Israheli adesire kw’oku: Omusengero gwâwe emunda ndi kuli Senakeribu, mwâmi w’Asîriya, naguyumvîrhe».

Migani 15:8

Kuli Nyakasane enterekêro y’enkola-maligo, bishwêka, ci omusengero gw’entagengwa bwenêne agurhonya.

Lwimbo 7:10

ebinwa byâwe bibè nk’irivayi linunu! Liryâla Omuzigirwa wâni akananywa, liryâla akanabêza omu kanwa aha karhî k’amîno.

Ezekiyeli 14:14

n’erhi muli ecôla cihugo mwankaboneka bantu basharhu bali nka Nûhu, Daniyeli na Ayubu, abôla bantu banaciza obuzîne bwâbo erhi bushinganyanya bwâbo burhuma, kwo adesire Nyakasane Nyamubâho.

Ezekiyeli 24:16

Mwene omuntu, alà oku nkola narhenza caligumizà obushagaluke omu masù gâwe. Ci kônene orhacîdudumaga, orhahîra okarhoza emirenge.

Ezekiyeli 26:12

Bâminyaga obuhirhi bwâwe, bâhagula oburhunzi bwâwe, bahongola e­nkûta zâwe, enyumpa zâwe nyinjinjà bazishâba. Amabuye gâwe, emirhi yâwe y’oburhungiri n’omutulo gwâwe byoshi bâbikwêba emuhengere.

Daniyeli 10:1

Omu mwâka gwa kasharhu gw’okuyîma kwa Sirusi mwâmi w’e Persi, ecinwa canacifululirwa Daniyeli, owakazâgiderhwa Baltazari, ecôla ci­nwa ciri c’okuli cinahimire ebizibu. Anaciyumva ecôla cinwa anacimanya e­ byàli muli ecôla cinwa.

Daniyeli 10:19

Anacimbwîra erhi: «Orhayôbohe wâni muntu orhonyire bwenêne, omurhûla gubè haguma nâwe! Komera! komera!» Agôla mango akazâg’indesa, nashubibona emisî, nanaciderha nti: «Nnawîrhu aderhage bulya wamampa emisî!.»

Daniyeli 6:3

N’enyanya ly’abôla barhambo ashubihirayo bandi basharhu bo bakulira abandi. Daniyeli ali muguma wa muli bo. Abandi barhambo bali bagwâsirwe okukazibamanyîsa oku badwîrhe bakola ly’omwâmi alekiba burhè.

Mateyo 24:15

Amango mukabona birya bibî bibî byalêbagwa na Daniyeli biri omu hantu hatagatîfu (owasoma ayumve)!

Luka 1:28

Erhi ahika omu mwâge, amubwîra, erhi: «Nkuhîre omusingo, we oyunjwîre inêma, Nyakasane ali haguma nâwe».