Daniyeli 9:20 - BIBLIYA NTAGATIFU OMU MASHI

²⁰ Oku ncidwîrhe naderha ntyâla, ndwîrhe nashenga omu kuhûna obwonjo oku bubî bwâni n’oku bubî bw’olubaga lwâni Israheli, oku ncidwîrhe nadêkereza ensengero zânî embere za Nyamubâho Nyamuzinda wâni, erhi eyo ntondo ntagatîfu ya Nyamuzinda wâni erhuma;

Daniyeli 9:20 ပူးပေါင်းရင်းမြစ်များ

Ezra 10:1

Amango Ezra akazâg’irhoza emirenge erhi anafukamire embere z’aka-Nyamuzinda, oku adwîrhe ashenga ntyo, engabo nyinji y’abalume n’abakazi n’abâna ba bene Israheli yamuja eburhambi, bulya olubaga loshi lwàli omu mulenge bwenêne.

Nehemiya 1:6

“Okurhwiri kwâwe kuyiguke, n’amasù gâwe gabungûke, oyumvîrhize omusengero gwa mwambali wâwe. Ndwîrhe nakubwiragwo mûshi na budufu, kuli bambali bâwe bene Israheli nti obabêre obwonjo oku mabî bakujirire; niono n’enyumpa ya Larha yoshi rhwakugayisize”.

Ennanga 145:18

Nnâmahanga ali hôfi ha ngasi yêshi omusengera, ngasi yêshi omusengera n’omurhima gurhajira bulyâlya.

Ennanga 32:5

Lyo nkajâga nacîshobeka emund’oli buzira kufulika obubî bwâni; naderha, nti: «Obubî bwâni ncîshobesirebwo Nyakasane», nâwe wakûla obubî bw’ecâha câni.

Muhanûzi 7:20

Hanôla igulu harhali omuntu mushinganyanya olya wankakola aminjà buzira kulogorha ciru n’eriguma.

Izaya 56:7

“nâbahêka oku ntondo yâni ntagatîfu nnâbasîmikize omu nyumpa yâni y’okushenga. Embâgwa zâbo n’enterekêro zâbo zâyankirirwa bwinjà aha luhêrero lwâni, bulya enyumpa yâni yakaz’iderhwa nyumpa amashanja goshi gakâshengeramwo”.

Izaya 58:9

Obwo wânayakûza na Nyakasane âkushuze, wânahamagala, naye âderhe, erhi: «Nie ono!» Erhi wankarhenza budagulè emwâwe, okaleka okukaz’ishunga omunwe n’okuderha ebinwa bibî;

Izaya 6:5

Nanaciderha obwo, nti: «Namâjâkwo obuhanya! Lêro namâhera! Bulya ndi muntu wa kanwa kazinzire, olubaga mbâmwo luli lwa kanwa kazinzire. n’amasù gâni ganabul’isinza­ kwo Mwâmi Nyamuzinda w’Emirhwe!»

Izaya 65:24

Niene nâkaz’ibashuza embere bampamagale; bâkaz'ibà barhaciyûsa okuderha erhi mîra nabayumvîrhizagya.

Daniyeli 10:12

Anacimbwîra, erhi: «Orhayôbohe, wâni Daniyeli, bulya kurhenga galya mango warhangiraga okucîshalisa embere za Nyamuzinda mpu ly’ôbà n’obukengêre, ebinwa byâwe byayumvikîne, nâni nyishire erhi ebyôla binwa byâwe birhuma.

Daniyeli 10:2

Muli agôla mango, niono Daniyeli nanacijà omu mishîbo ya nsiku za migobe isharhu.

Daniyeli 11:45

Anatwa ebirâlo ekarhî k’enyanja n’entondo z’ahantu hatagatîfu. Kandi bwânaba bwo buzinda bwâge, na ntâye wankamurhabâla.

Daniyeli 9:16

Yâgirwa Nyakasane, oku buhashe bw’obushinganyanya bwâwe boshi, oburhè n’obukunizi bwâwe birhenge oku lugo lwâwe Yeruzalemu, oku ntondo yâwe ntagatîfu, bulya byâha bîrhu n’amabî ga balarha byo birhumire Yeruzalemu n’olubaga lwâwe barhacirhenga kwo bijâci by’abâla barhuzongolozire boshi.

Zakariya 8:3

“Co cirhumire ndesire nti nshubir’igaluka e Yeruzalemu, kandi nâbêra e Siyoni. Yeruzalemu âkaz’iderhwa mpu: Cishagala c’obushinganyanya, naye Siyoni, era ntondo yâni, êkaz’iderhwa Ntondo ntagatîfu”.

Ebijiro 4:31

Erhi babà badwîrhe bashenga, aha bâli hageramwo omusisi: boshi banaciyunjula Mûka Mutagatîfu, banarhondêra okuyigîriza akanwa ka Nnâmahanga buzira bwôba.

Barom 3:23

Boshi bajizire ebyâha, baheza irenge lya Nyamuzinda,

Yakôbo 3:2

Bulya rhweshi rhweshi rhunahabuke kanji. Akabà hali orhafumwa omu binwa, oyo muntu erhi acîbêrire mulume mwimâna, owankahash’irhegeka omubiri gwâge gwoshi.

Mafulûlo 21:10

Anacingurumana, andengereza oku ntondo ndîrî nnênênè, anyêreka Ecishagala citagatîfu, Yeruzalemu, erhi camanuka emalunga, emwa Nyamuzinda,

Mafulûlo 21:2

Nabona Ecishagala citagatîfu, Yeruzalemu muhyâhya, camanuka emalunga, emwa Nyamuzinda, erhi ciyambîrhe nka muhya odwîrhe alinga îba.