Daniyeli 8:5 - BIBLIYA NTAGATIFU OMU MASHI

⁵ Nâni nakaz’ilonza mmanye kwo kuderha kurhi okwôla, na, lolà oku ecih­be c’omucûkà camarhenga olunda lw’ebuzikira-zûba, cayishaga cayêrera oku idaho ci cirhahikaga oku idaho. Ecôla cihebe càli cigwêrhe ekarhî k’amasù ihembe linene kulusha.

Daniyeli 8:5 ပူးပေါင်းရင်းမြစ်များ

Daniyeli 11:3

“Kandi anaciyisha omwâmi mulenga omu kulwa, anagwêrhe ecihugo cinene bwenêne, owanakazijira oku alonzize”.

Daniyeli 2:32

“Eyôla nsanamu yali egwêrhe irhwe ly’amasholo gatuzirwe bwinjinjà, ecifuba n’amaboko gâyo byàli bya marhale, enda n’amahiji byàli mulinga”,

Daniyeli 2:39

“Na cazînda, enyuma zâwe, hayishiyisha obundi bwâmi busungunu kukulusha, n’obundi bwâmi bwa kaskarhu bw’omulinga, bwayishiyima igulu lyoshi”.

Daniyeli 7:6

Enyuma z’aho nashubikazilola nanacibona ensimba ya kasharhu, yali eshushire engwi n’oku mugongo gwâyo kwàli byûbi binni biri nka bya kanyunyi, n’eyôla simba yali egwêrhe marhwe anni, banaciyiha ohwâmi.

Daniyeli 8:21

Na cirya cihebe c’omucûkà wabonaga ali mwâmi w’e Bugereki, lirya ihembe lyàli ekarhî k’amasù gombi, ye mwâmi murhanzi.

Daniyeli 8:6

Càyish’ilwisa erya ngandabuzi nabonaga yali egwêrhe mahembe abirhi enali embere z’olwîshi canaciyisha cilibirhîre emunda erya ngandabuzi eri n’emisî yaco yoshi.

Daniyeli 8:8

Ecôla cihebe c’omucûkà canacikula bwenêne, n’erhi cibà coshi cazibuhirage, lirya ihembe linene lyanacivunika na ngandi mahembe anni ganacimera ahâli ha lirya gayêrekera empande z’igulu oku ziri ini.