Daniyeli 8:27 - BIBLIYA NTAGATIFU OMU MASHI

²⁷ Na kuli nie Daniyeli, emisî yàmpwêra, nalwâla nsiku zirhali nyi; kandi nanacifuma nashub’ikazikola emikolo ya mwâmi. Ntaderhaga ebi nabonaga, ci ntanabiyumvagya bwinjà.

Daniyeli 8:27 ပူးပေါင်းရင်းမြစ်များ

Daniyeli 10:16

Lolà oku oli nka mwene omuntu anacimpumakwo oku milomo, nanacibumbûla akanwa narhangira okuderha; nanacibwîra olya wali oyîmanzire embere zâni nti: «Yâgirwa Nnawîrhu, muli okûla kubonekerwa nieshi nyunjwîre malumwa ntà misî ncigwêrhe.

Daniyeli 10:8

Nasigala niene, nakazilolêreza olyâla wambonekeraga, nayumva emisî ya­ mpwamwo, obusù bwâni bwatulûla, bwabîha bwenêne na ntà misî nacigwêrhe.

Daniyeli 4:19

“Ogwôla murhi ali we, Yâgirwa Mwâmi, wabîre mukulu wanazibuha, wanacikula buzira kuhusa kuhika wahika omu nkuba karhî n’o­bwâmi bwâwe bwahika oku buzindazinda bw’igulu”.

Daniyeli 5:14

Nayumvîrhe baderha kuli we oku obukengêre bwa banyamuzinda bukubâmwo, n’oku obumoleke; obukengêre n’oburhimanya bunene bwenêne bukubâmwo.

Daniyeli 7:28

Kwo byàbîre ntyo. Kuli nie Daniyeli obukengêre bwanzunguluka, nabula omurhûla, ci nakazilanga ebyôla omu murhima gwâni.

Daniyeli 8:17

Anaciyêgera halya nali, n’erhi ahika ho nieshi narhungwa n’obwôba, nakumba bûbi. Anacimbwîra erhi: «Yumva wâni mwene omuntu oku ebyôla bibonekîne biyêrekîre amango mazinda».

Daniyeli 8:2

Oku byàbîre muli okwôla kubonekerwa, nanacibà nka muntu odwîrhe wabona, nanacibà ndi aha Suza, cishagala ciri omu cihugo c’e Elami, muli okwôla kubonekerwa, nali hôfi n’olwîshi lwa Ulayi.

Daniyeli 8:7

Canacikoza erya ngandabuzi, byàrhulubana, canacitumirha erya ngandabuzi, canayivuna galya mahembe abirhi, eyo ngandabuzi erhàligwêrhe emisî y’okucilwisa, cayirhimba oku idaho, canarhondêra okuyihonyogola, na ntâye wankahashire okulîkûza eyôla ngandabuzi kuli ecôla cihebe.

Habakuki 3:16

Nayumvîrhe okwo, obulà bwâni bwajuguma, eryo izù lyarhuma akanwa kandirhimana; akafinjo kangera omu rhuvuha, obwôba bwantwa enjingo z’amagulu. Ndwîrhage nalingûza n’omwîshingo olwo lusiku lw’ebihamba, olwâyishira ishanja likaz’irhulibuza.

1 Samweli 3:15

Samweli akanya agendigwîshira kuhika bwaca. Erhi abà amazûka, akanya ajiyigula enyumvi z’aka-Nyamuzinda. Samweli aliyôbohire okushambâlira Eli ebi anabwîragwa omu kubonekerwa.