Daniyeli 8:21 - BIBLIYA NTAGATIFU OMU MASHI

²¹ Na cirya cihebe c’omucûkà wabonaga ali mwâmi w’e Bugereki, lirya ihembe lyàli ekarhî k’amasù gombi, ye mwâmi murhanzi.

Daniyeli 8:21 ပူးပေါင်းရင်းမြစ်များ

Daniyeli 10:20

Anacimbwîra, erhi: «K’omanyire bici birhumire nyisha emunda oli? Bu­nôla nkola nashub’igend’ilwîsa omukulu w’Abapersi; na hanôla nyûsa, lolà oku omwâmi w’e Bugereki ânayisha.

Daniyeli 11:2

Bunôla nkolaga nakubwîra eby’okuli. «Lolà oku bâmi basharhu banacizûka omu Persi; owa kani ali agwêrhe obugale bulushire anali wa buhashe bunji erhi obwôla bugale bwâge burhuma, akusakusa abà anali agwêrhekwo obuhashe boshi mpu bajilwa e Bugereki.

Daniyeli 11:3

“Kandi anaciyisha omwâmi mulenga omu kulwa, anagwêrhe ecihugo cinene bwenêne, owanakazijira oku alonzize”.

Daniyeli 2:39

“Na cazînda, enyuma zâwe, hayishiyisha obundi bwâmi busungunu kukulusha, n’obundi bwâmi bwa kaskarhu bw’omulinga, bwayishiyima igulu lyoshi”.

Daniyeli 7:6

Enyuma z’aho nashubikazilola nanacibona ensimba ya kasharhu, yali eshushire engwi n’oku mugongo gwâyo kwàli byûbi binni biri nka bya kanyunyi, n’eyôla simba yali egwêrhe marhwe anni, banaciyiha ohwâmi.

Daniyeli 8:20

Erya ngandabuzi egwêrhe mahembe abirhi wabonaga bali bâmi babirhi b’e Mêdi n’e Persi.

Daniyeli 8:22

lhembe lyavunikaga, n’aha lyàli hamera mahembe a­nni, bali bâmi bâni barhenga omu ishanja liguma, nabo bâkazilwa ci barhâbè n’emisî eri nka eyalyo.

Zakariya 9:13

Nêci, nâgoka omuherho gwâni: Yûda na Efrayimu bo bâhinduka itumu lyâni. Nankoze abâna ba Siyoni kuli bene Yavani, nakujira ngôrho ya ntwâli.