Daniyeli 7:8 - BIBLIYA NTAGATIFU OMU MASHI

⁸ Oku ndwîrhage nalolêreza agôla mahembe, nanacibona erindi ihembe lisungunu kulusha ag­âbo, lyamera ekarhî kâgwo, na mahembe asharhu muli agôla ga burhanzi gwakûlwa n’eryôla ihembe; nalola oku ery’ihembe lyàli ligwêrhe amasù gali nka ga muntu n’akanwa kakazâg’iderha bintu binji binji.

Daniyeli 7:8 ပူးပေါင်းရင်းမြစ်များ

Ennanga 12:3

Abantu badwîrhe barhebana bône na nnene: nderho nnunu, mirhima ibirhi.

Daniyeli 11:36

Omwâmi anakazijira oku analonzize yêshi acîhire enyanya acîkuze kulusha ngasi nyamuzinda, na kuli Nyamuzinda wa banyamuzinda anaderha ebi­nwa bishologosire, anahêrwa omu byâge kuhika obukunizi buyunjulire; ebwa kubà okwarhegesirwe kwanabà.

Daniyeli 7:19

Nashubilonza okumanya ebiyêrekîre erya nsimba kandi erhal’ishushîne n’ezâbo zoshi n’eyali nkali okulushire, eyàli egwêrhe amîno g’ecûma n’enyûnu z’omulinga, eyakazâg’ilya eyakazâg’ishanshanyula byoshi n’okuhonyogola ebisigîre.

2 Tesalonika 2:4

ye Mubisha, olya ocîhira enyanya lya ngasi ciderhwa Nyamuzinda erhi eci bagashâniza kuhika okuj’itamala omu ka-Nyamuzinda n’okuderha mpu ye kola Nyamuzinda.

2 Timoteyo 3:2

bulya abantu bayish’ikacîlongeza bônene, bayish’ihira omurhima gwâbo omu birugu, bayish’ikacikunga bône, bayish’ibà bacîbonyi, bakashobeka abandi busha, bayish’ibà bigamba, bantu barhish’ivuga omunkwa, bayunjulirîne bubî;

2 Petro 2:18

N’ebinwa byâbo by’obucîbone birhagwêrhi nda na mugogo, banakashumika abacirhenga omu by’obunywesi, balonze okubashubiza omu iralà ly’omubiri n’omu by’enshonyi.

Yûda 1:16

Babà bantu bakâyôrha bacîduduma, ntà mango basîma, emunda iralà libahesire yo banajà, omu kanwa kâbo nderho za bucîbone zirhengamwo, banakalimîriza abantu mpu babarhôlekwo obunguke.

Mafulûlo 13:1

Okubundi nanacibona eciryanyi cayinamuka omu nyanja, erhi cigwêrhe mahembe ikumi na marhwe nda; amahembe gâco erhi galikwo mashungwè ikumi, n’amarhwe gâco erhi galikwo amazîno g’ebijâci.

Mafulûlo 9:7

N’ezo nzige owazibona kwo ankanamanya mpu biterusi byagungêza okulwa; amarhwè gâzo gàlikwo ebiri nka bimanè bya masholo; n’obusù bwâzo buli nka bantu.

1 Samweli 2:3

Murhaciyûshûlaga okuderha ebinwa by’obucibonyi, murhacihîraga mwajacirana, bulya Nyakasane abà Nyamuzinda oyishi byoshi, ye yishi obuzirho by’ebijiro byoshi.