Daniyeli 7:22 - BIBLIYA NTAGATIFU OMU MASHI

²² kuhika olya mushosi alinda ayisha, aha abatagatîfu obushinganyanya bw’Ow’Enyanya n’amango galinda gahika aga abatagatîfu bahâbagwamwo obwâmi.

Daniyeli 7:22 ပူးပေါင်းရင်းမြစ်များ

Ennanga 149:5

Abarhonyi bâge banagandâze omw’irenge, banashagaluke n’omw’îrò.

Izaya 63:4

Nêci, omu murhima gwâni muli olusiku lw’olwihôlo, n’omwâka gw’obucunguzi bwâni gwamâhika.

Daniyeli 7:18

ci kwônene abatagatîfu b’Ow’Enyanya bwenêne, bo hanahâbwe obwâmi banabuyôrhane ensiku n’amango, n’amango g’amango.»

Daniyeli 7:23

Anaciderha erhi: erya nsimba ya kani, buli bwâmi bwa kani bwayisha hano igulu, burhali nk’agandi mârni goshi, bwâyish’iyûsa agandi mârni, bwâyish’iyûsa igulu lyoshi, bulihonyogole, bunalijire katulo.

Mateyo 19:28

Yezu naye anacibabwîra, erhi: «Okuli, mmubwîre, mwe mwanshimbire, olusiku luhyâhya, amango Mwene-omuntu abwârhala oku ntebe y’irenge, ninyu mwâbwârhale oku ntebe ikumi n’ibiri mukola mwatwa olubanja lw’emilala ikumi n’ibiri y’Israheli.

2 Tesalonika 2:8

obwo Omubî anacîbishûla, ci Nyakasane Yezu anamuhirigise n’omûka gw’omu kanwa kâge, anamuherêrekeze n’obulangashane ayish’iyishamwo.

Mafulûlo 1:6

arhuyîmika anarhujira badâhwa b’Îshe Nyamuzinda! Kuli ye irenge n’oburhegesi emyâka n’emyâka! Amen.

Mafulûlo 20:4

Nabo­na n’entebe, n’abàli bazitamîrekwo bahâbwa obuhashe b’okutwa olubanja. Nabona n’emyûka ya balya batûbagwa amarhwe erhi buhamîrizi bwa Yezu n’akanwa ka Nyamuzinda birhuma, na ngasi boshi babulaga bwagashâniza olya w’eciryanyi n’enshusho yâge banabula bwahebwa ecimanyîso câge emalanga n’omu nfune. Banacishubiramwo omûka, bayîma haguma na Kristu myâka cihumbi.

Mafulûlo 3:21

Owânahime, namuhà atamale oku ntebe yâni haguma nâni, nka kulya nâni nahimaga, naj’itamala rhwe na Larha oku ntebe yâge».

Mafulûlo 5:10

wanarhujira bwâmi bwa Nyamuzinda wîrhu na badâhwa bâge, n’igulu rhwe rhwaliyîmemwo».