Daniyeli 5:29 - BIBLIYA NTAGATIFU OMU MASHI

²⁹ Okubundi Baltazari arhegeka mpu bayambise Daniyeli ecishûli c’akaduku, banacimuyambisa olunigi lw’amasholo omu igosi, kandi banaciyâliza omu cihugo oku ye okola oli wa kasharhu omu bwâmi.

Daniyeli 5:29 ပူးပေါင်းရင်းမြစ်များ

Murhondêro 41:42

Faraoni mwâmi w’e Mîsiri anacihogola olugondo lwàli e kuboko kwâge oluhira ekuboko kwa Yozefu. Amuyambisa emishangi y’ecitâni, anamuyambisa omugufu gw’amasholo omu igosi.

Esteri 10:3

Bulya Omuyahudi Mardokeyo ali akola wa burhanzi enyuma za mwâmi Asuerusi; ali muntu mukulu omu masù g'Abayahudi, ali asîmirwe na bene wâbo mwandu, akazâg’ilonza aminjà g’olubaga lwâge loshi na ngasi mango ebi nwa byâge byàbâga bya murhûla oku ishanja lyâge. 3 (a) Mardokeyo anaciderha, erhi: Nyamuzinda yêne wajiraga ebyôla byoshi! 3 (b) Bulya nkakengera ecilôrho nabwîne kuli okwôla, nambone oku ntà ci nwa ciru n’eciguma cagezire cirhanabaga oku calitwîrîrwe. 3 (c) Ciru n’iriba lisungunu lyabaga lwîshi lunene, ciru n’akamole kamoleka, ciru n’izûba, ciru n’amîshi manji. Olwo lwîshi lunene ye Esteri wayankagwa na mwâmi, anajirwa mwamikazi. 3 (d) Empangaza ibirhi zàli nie rhweshi na Hamani. 3 (e) Amashanja galimwo balya boshi bashûbûzanyagya mpu baherêrekeze Abayahudi. 3 (f) N’olubaga lwâni ye Israheli walakiraga emunda Nyamuzinda ali anayôkoka. Nêci Nyakasane acizize olubaga lwâge na nîrhu rhwêne arhuyôkola muli agôla malibuko. Nnâmahanga ajizire ebisômerîne n’ebirhangâzo binji birhasâg’ibo nekana bundi omu gandi mashanja. 3 (g) Co carhumaga arheganya njira ibirhi: njira nguma oku lubaga lwâge n’eyindi oku gandi mashanja goshi. 3 (h) Ebyôla byanabîre omu mango gâbyo nk’oku Nnâmahanga anali alâlîre oku mashanja goshi. 3 (i) Lêro Nyakasane anaciyîbuka olubaga lwâge n’omwîmo gwâge agutwîra olubanja. 3 (j) N’ezôla nsiku ibirhi olw’ikumi na kani n’olwa kal’ikumi na karhanu z’ogwo mwêzi gw’Adari, zaba nsiku z’okushûbûzanya, z’obusîme, na z’omwîshingo munene embere za Nyamuzinda, oku ngasi bûko bwâbo na ngasi mango omu Israheli lwo lubaga lwâge. 3 (k) Omu mwâka gwa kani kurhenga Ptolemeyo ali mwâmi boshi na Kleopatri, Dositeyo, muntu wakazâg’iciderha mpu ali mudâhwa w’omu bûko bwa Levi kuguma boshi n’omugala Ptolemeyo, banaciyisha badwîrhe agâla maruba gashambîre oku Purimu; banaciderha mpu gali maruba g’okunali, mpu gayandikagwa na Lisimako mugala wa Ptolemeyo w’e Yeruzalemu.

Migani 1:9

ciri cimanè ca kukwânana irhwe lyâwe, gali magerha omu igosi lyâwe.

Daniyeli 2:48

Oku bundi, mwâmi anacijira Daniyeli muguma w’omu barhambo bâge bakulu anamuhà empêmbo nnene na nyinji, amujira murhambo w’ecihugo ca Babiloni coshi na mukulu w’abarhimanya boshi b’omu Babiloni.

Daniyeli 5:16

Na niono nayumvîrhe baderha oku wanahasha okuhugûla ebirhumvikini n’okumanyîsa ebizibuhire. Akabà wankahashisoma ebîra biyandisirwe n’okumpugûlira kwo kuderha kuci, nânakuyambisa ecishûli c’akaduku, nnankuhire olunigi lw’amasholo omu igosi, kandi wanabà we wakasharhu oku bukulu omu bwâmi bwâni.

Daniyeli 5:7

Mwâmi anacihamagaza n’izù linene mpu bamulêrhere abalaguzi b’e Kaldeya n’abashonga bâyo; mwâmi abwîra abagula b’e Babiloni, erhi: Ngasi yêshi wakahashinsomera agâla mandiko akanampugûlira oku gadesire, namuyambisa ecishûli c’akaduku, mmuhîre olunigi lw’amasholo omu igosi, nnamujire abè ye wa kasharhu omu bwâmi bwâni.

Daniyeli 6:2

Dariyusi abona oku lyo ayîma bwinjà kukwânîne ahîre omu cihugo câge barhambo igana na makumi abirhi bahash’irhegeka ecihugo coshi.