Daniyeli 5:13 - BIBLIYA NTAGATIFU OMU MASHI

¹³ Aho banahêka Daniyeli embere za mwâmi, Mwâmi abwîra Daniyeli erhi: «Ka we Daniyeli, wa muli balya bagwârhagwa mpira e Yûda, balya larha wali mwâmi arhenzagya mpira e Yûda?»

Daniyeli 5:13 ပူးပေါင်းရင်းမြစ်များ

Ezra 10:16

Ci abandi bali bahêsirwe bujà boshi banajira nk’oku byanali bidesirwe. Omudâhwa Ezra, acîshoga abarhambo b’emilala nk’oku enyumpa zâbo zinali, ngasi muguma kulya anacîshogagwa mpu lebè oyu; bashimânana omu lusiku lurhanzi lw’omwêzi gwa kali ikumi mpu balolage kurhi batwa olwo lubanja.

Ezra 10:7

Banaciyâliza omu Buyahudi boshi n’omu Yeruzalemu, mpu ngasi banali bahesirwe bujà babugânane boshi aha Yeruzalemu.

Ezra 4:1

Erhi abashombanyi ba Yûda na Benyamini bayumva oku balya bantu barhengaga emunda bali balulizîbwe bakola badwîrhe bayûbaka aka­ Nyamuzinda ka Nyamubâho w’Israheli,

Ezra 6:16

Bene Israheli, abadâhwa, Abaleviti, n’abasigalaga boshi muli balya bali bahesirwe bujà, ngasi banayololagwa boshi, bajira olusiku lukulu lw’okugishwa kw’ako ka-Nyamuzinda.

Daniyeli 1:1

Omu mwâka gwa kasharhu gw’engoma ya Yehoyakimu, ali mwâmi w’e Yûda, Nabukondonozori mwâmi w’e Babiloni; ayish’irhêra Yeruzalemu anamugorha.

Daniyeli 1:2

Nyakasane anacihâna bunya mpira Yehoyakimu mwâmi w’e Yûda kuguma n’ecihimbi c’ebirugu by’aka-Nyamuzinda, Nabukondonozori anacibigukumba abijâna omu cihugo ca Shineari, omu mbîko ya banyamuzinda bâge bw’obwîhambi.

Daniyeli 1:21

Daniyeli alama ntyo kuhika oku mwâka murhanzi gwa mwâmi Sirusi.

Daniyeli 1:6

Abôla bâna b’e Yûda bàlimwo: Daniyeli, Ananiasi, Misaheli na Azariasi.

Daniyeli 2:25

Arioki anacihêka duba duba Daniyeli emunda mwâmi ali anacimubwîra, erhi: «Nabwîne muli balya bantu barhengaga e Yûda, omuntu wamanyîsa anahugûlire mwâmi ecilôrho câge!»

Daniyeli 2:48

Oku bundi, mwâmi anacijira Daniyeli muguma w’omu barhambo bâge bakulu anamuhà empêmbo nnene na nyinji, amujira murhambo w’ecihugo ca Babiloni coshi na mukulu w’abarhimanya boshi b’omu Babiloni.

Daniyeli 5:11

Habà muntu muguma wa munôla bwâmi bwâwe, ajira obukengêre bwa banyamuzinda batagatîfu, amango sho acihali, babona muli oyôla muntu obukengêre, obumoleke n’oburhimanya buli nka oburhimanya bwa banyamuzinda. Oku bundi, mwâmi Nabukondonozori, yerigi sho, amujira murhambo w’abagula, abashonga b’e Kaldeya kuguma n’owa abalaguzi,

Daniyeli 5:14

Nayumvîrhe baderha kuli we oku obukengêre bwa banyamuzinda bukubâmwo, n’oku obumoleke; obukengêre n’oburhimanya bunene bwenêne bukubâmwo.

Daniyeli 5:18

Yâgirwa, mwâmi, Nyamuzinda Ow’Enyanya bwenêne alihîre sho Nabukondonozori obwâmi, obukulu, irenge n’obuhashe.

Daniyeli 5:2

Agôla mango bakazagidorhola oku idivayi, Baltazari arhegeka mpu bamulerhere rhulyâla rhubehe rhw’amasholo n’orhw’amarhale orhu îshe Nabukondonozori akulaga omu ka-Nyamuzinda k’e Yeruzalemu, mpu lyo naye anywêra muli rho boshi n’abarhambo bâge, na bakâge n’ebiherula byâge,

Daniyeli 6:13

Banacijà emunda mwâmi ali banacimushambâlira oku biyêrekîre eryo irhegeko ly’e bwâmi mpu: «Ka orhatwaga olushika bulya oku ntà muntu ciru n’omuguma wankashenga mw’ogu mwêzi owundi Nyamuzinda erhi owundi muntu, orhali we Yâgirwa mwâmi, n’oku owankajira ntyo kukwânîne akwêbwe omu bulumba bw’entale?» Mwâmi anacishuza aderha erhi: «Kwo binali, irhegeko ly’abanya-Mêdi n’ery’Abapersi lirhashubwakwo».

Daniyeli 8:1

Omu mwâka gwa kasharhu gw’okuyîma kwa Mwâmi Baltazari nashub’ibonekerwa niono Daniyeli, enyuma za kulyâla nabonekeragwa bu­rhanzi.

Daniyeli 8:27

Na kuli nie Daniyeli, emisî yàmpwêra, nalwâla nsiku zirhali nyi; kandi nanacifuma nashub’ikazikola emikolo ya mwâmi. Ntaderhaga ebi nabonaga, ci ntanabiyumvagya bwinjà.

Yowane 7:1

Enyuma z’aho, Yezu akageragera omu Galileya; arhankagezire omu Yudeya, bulya Abayahudi bakâg’imulonza mpu bamuyîrhe.

Yowane 7:3

Bene wâbo banacimubwîra mpu: «Rhenga eno, oj’e Yudeya, abaganda bâwe babone ebi odwîrhe wajira.