Daniyeli 5:12 - BIBLIYA NTAGATIFU OMU MASHI

¹² ebwa kubà oburhimanya bunene bwenêne, obumanye n’obukengêre bunji bwàli muli ye, ahasha okuhugûla ebilôrho, okubwiriza abantu oku birhankayumvikana n’okubwîra abantu kurhi bajira oku mazibu goshi; ebyôla byàbonekana muli oyôla muntu, ye Daniyeli, na mwâmi amuyîrika izîno lya Baltazari. Kuziga bahamagalage oyôla Daniyeli, âhugûlira mwâmi ecôla cilòôrho!

Daniyeli 5:12 ပူးပေါင်းရင်းမြစ်များ

Ennanga 16:3

Abimâna bali omu cihugo, bo Nnâmahanga arhonya.

Migani 12:26

Omuntu ohala amagala erhi mwîra wâge orhumire eri ntagengwa, endyâlya zôhe njira yazo ezihabula.

Migani 17:27

Omuntu ogera ebinwa byâge erhi amanyire, n’ow’omurhima mwîrhonzi ye mwenge.

Ezekiyeli 28:3

Alà oku oli murhimanya kulusha Daniyeli, ntà murhimanya oli akâwe.

Daniyeli 1:17

Abôla bânarhabana oku banali bâni, Nnâmahanga abashobôza enshôkano y’obukengêre n’ey’obumanye omu ngasi lwandiko kuguma n’oburhimanya, na Daniyeli akazâg’ihugûla ngasi bya kuzânwa na ngasi bilôrho.

Daniyeli 1:7

Olya murhambo w’abaganda abayîrika amazîno; ayîrika Daniyeli erya Baltazari, Ananiasi erya Sadraki, Misaheli erya Mesaki, na Azariasi erya Abednego.

Daniyeli 2:26

Mwâmi anacirhôla akanwa abwîra Daniyeli (owakazâgiderhwa Baltazari), erhi: «Ka wankahasha okumbwîra ecilôrho nzindilôrha n’okucimpugûlira?»

Daniyeli 4:19

“Ogwôla murhi ali we, Yâgirwa Mwâmi, wabîre mukulu wanazibuha, wanacikula buzira kuhusa kuhika wahika omu nkuba karhî n’o­bwâmi bwâwe bwahika oku buzindazinda bw’igulu”.

Daniyeli 4:8

Ogwôla murhi gwanacilihûka, gwanazibuha, gwanahikira omu nkuba karhî, gwanakazibonekana omu mpande zoshi z’igulu.

Daniyeli 5:14

Nayumvîrhe baderha kuli we oku obukengêre bwa banyamuzinda bukubâmwo, n’oku obumoleke; obukengêre n’oburhimanya bunene bwenêne bukubâmwo.

Daniyeli 5:16

Na niono nayumvîrhe baderha oku wanahasha okuhugûla ebirhumvikini n’okumanyîsa ebizibuhire. Akabà wankahashisoma ebîra biyandisirwe n’okumpugûlira kwo kuderha kuci, nânakuyambisa ecishûli c’akaduku, nnankuhire olunigi lw’amasholo omu igosi, kandi wanabà we wakasharhu oku bukulu omu bwâmi bwâni.

Daniyeli 6:3

N’enyanya ly’abôla barhambo ashubihirayo bandi basharhu bo bakulira abandi. Daniyeli ali muguma wa muli bo. Abandi barhambo bali bagwâsirwe okukazibamanyîsa oku badwîrhe bakola ly’omwâmi alekiba burhè.

Daniyeli 6:4

Ci oyôla Daniyeli aboneka­na oku alushire abôla bâbo na balya bandi barhambo boshi bulya ali agwêrhe obukengêre bulushîne na mwâmi akazâgilonza okumujira mukulu omu bwâmi bwâge boshi.

Bakolosi 1:29

Eco co ntamira, omu kulwa entambala n’oburhabâle bw’emisî mpâbwa n’obuhashe bwâge.