Daniyeli 5:11 - BIBLIYA NTAGATIFU OMU MASHI

¹¹ Habà muntu muguma wa munôla bwâmi bwâwe, ajira obukengêre bwa banyamuzinda batagatîfu, amango sho acihali, babona muli oyôla muntu obukengêre, obumoleke n’oburhimanya buli nka oburhimanya bwa banyamuzinda. Oku bundi, mwâmi Nabukondonozori, yerigi sho, amujira murhambo w’abagula, abashonga b’e Kaldeya kuguma n’owa abalaguzi,

Daniyeli 5:11 ပူးပေါင်းရင်းမြစ်များ

Murhondêro 41:38

Faraoni mwâmi w’e Mîsiri abwîra abambali, erhi: «Ka rhwankacibona owundi muntu olimwo omûka gwa Nyamuzinda aka oyu?»

2 Samweli 14:17

“Mwambalikazi wâwe anaciderha, erhi: Akanwa ka nnakuno kandêrhere nâni mâshi omurhûla bulya Yâgirwa, mwâmi kw’ali nka malahika wa Lungwè: oyumva aminjà n’amabî. Nyamubâho Nyamuzinda wâwe abè haguma nâwe.”»

Ezekiyeli 28:3

Alà oku oli murhimanya kulusha Daniyeli, ntà murhimanya oli akâwe.

Ezekiyeli 28:4

Oburhimanya haguma n’obukengêre bwâwe wacîhire obugale, wahasire amasholo n’amarhale omu mbîko zâwe.

Daniyeli 1:4

Mpu bacishoge muli bo abâna barhalikwo ishembo, abâna basolehire, ba burhima­nya, bâna bayigîrizibwe, ba bukengêre, banali bâna ba misî, mpu bahêkwe e­ bwâmi banayîgire yo olulimi n’olwandiko lwa abanya-Kaldeya.

Daniyeli 2:11

Akantu mwâmi ahûnyire kali kazibu, na ntà muntu wankahasha okukafululira mwâmi, nkaba ba nyamuzinda boki bo barhayûbaka haguma nîrhu rhuli bantu balinda olufù.»

Daniyeli 2:22

Ye ofulûla amahwe n’ebifulike ye nakubona eby’omu mwizimya ye na nn’obumoleke

Daniyeli 4:18

“ogwôla murhi gwàli gugwêrhe ebyâsi binjinjà n’amalehe manji, ogwôla murhi gwàli kwo ebiryo by’abantu boshi, n’ogu ensimba zakazâgiyishibêra omu cihôho câgo n’enyunyi z’e malunga zakazibêra omu mashami gâgo”.

Daniyeli 4:5

Cabuzinda Daniyeli anaciyisha emwâni, ye onadesiragwe Baltazari, oku izîno lya Nyamuzinda wâni ye naligimwo abandi bazimu boshi, nanacimubwîra ecôla cilôrho.

Daniyeli 4:6

Nanacimubwîra nti wâni Baltazari, we mukulu omu bashonga, nnamanyire oku omûka gwa Nyamuzinda Mutagatîfu gukulimwo, na ntà ihwe lya­ nkakuyabira, derhaga ebirhangâzo nabwîne omu kulôrha, onabihugûle.

Daniyeli 5:14

Nayumvîrhe baderha kuli we oku obukengêre bwa banyamuzinda bukubâmwo, n’oku obumoleke; obukengêre n’oburhimanya bunene bwenêne bukubâmwo.

Daniyeli 5:7

Mwâmi anacihamagaza n’izù linene mpu bamulêrhere abalaguzi b’e Kaldeya n’abashonga bâyo; mwâmi abwîra abagula b’e Babiloni, erhi: Ngasi yêshi wakahashinsomera agâla mandiko akanampugûlira oku gadesire, namuyambisa ecishûli c’akaduku, mmuhîre olunigi lw’amasholo omu igosi, nnamujire abè ye wa kasharhu omu bwâmi bwâni.

Ebijiro 12:22

Olubaga lwakâyâma mpu: «Nyamuzinda oyu odwîrhe aderha, ci arhali muntu!»

Ebijiro 14:11

Erhi olubaga lubona okwôla Paolo anajizire, lwaheba olwôho omu cikaoniya, mpu: «Ba nyamuzinda barhuyandagalîre omu nshusho z’abantu!»

Ebijiro 16:16

Lêro kwanacibà lusiku luguma erhi rhwaj’ishenga, rhwashiâna omujà-nyere wali ogwêrhwe na shetani w’obulaguzi; amalêbi gâge gakâg’ilêrhera bannawâbo bintu binji.

Mafulûlo 3:9

Nkolaga nakuhâkw’erya engabo ya Shetani, balyâla bacihamba mpu bali Buyahudi, n’obwo barhalibo: kubêsha babêsha. Nkolaga nabalêrha, bayish’ifukama aha magulu gâwe, banamanye oku nkurhonyize.