Daniyeli 4:31 - BIBLIYA NTAGATIFU OMU MASHI

³¹ Ci erhi ensiku zibà zamagera, niono Nabukondonozori nanaciyinamulira amasù empingu, obukengêre bwâni bwangàlukira. Nanaciharâmya Ow’Enyanya bwenêne, nakuza nanavuga omunkwa emwa olyâla Obâho ensiku zoshi, oyu obuhashe bwâge buli bw’ensiku n’amango n’oyu obwâmi bwâge buli bwa kurhenga oku iburha kujà oku lindi.

Daniyeli 4:31 ပူးပေါင်းရင်းမြစ်များ

Murhondêro 14:18

Melkisedeki mwâmi w’e Salemu ayisha adwîrhe omugati n’irivayi; ali mudâhwa wa Nyamuzinda w’enyanya bwenêne.

Ayubu 20:23

Nyamuzinda anamurhogezekwo obukunizi bwâge bunene, anamurhulirekwo obwîre bw’emyampi yâge.

Ennanga 145:13

Obwâmi bwâwe buli bw’emyâka n’emyâka, oburhegesi bwâwe buyôrha buli oku ngasi iburha. Nyakasane ali w’okuli omu nderho zâge zoshi, ali na Mwimâna omu bijiro byâge byoshi.

Migani 29:23

Okugayana kunarhume omuntu ashuba nyamakobwa, n’omuntu acîrhôhya ye najà irenge.

Izaya 14:27

Nka Nyakasane Nyamuzinda w’Emirhwe amârhôla omuhigo, ndi wa­ nkacimurhanga? Nk’amâlambûla okuboko, ndi wankacikugalula?

Daniyeli 12:7

Nanaciyumva izù ly’oyôla muntu waliyambirhe ogw’ecitâni anali enyanya zâbo omu lwîshi. Ayinamulira okuboko kulyo enyanya omu malunga n’okuboko kumosho, anacilahira oku izîno lya Nnamubâbo ozîne, erhi: «Hano kugera amango, mango garhali manyi n’ecihimbi c’amango na hano bayûsa okufunyâza emisî y’olubaga lutagatîfu, go mango ebyôla byoshi byaâhwa.»

Daniyeli 4:24

“Co cirhumire yâgirwa nnawîrhu mwâmi, nkuhûna ntyâla: ihano lyâni liyumvîkane emunda oli: orhenzagye ebyâha byâwe omu kujira ebishingânîne n’amabî gâwe omu kukazibêra abarhindibusire obwonjo, nkaba okwôla kwanarhuma omurhûla gwâwe gushub’ilîha.”»

Daniyeli 4:26

Erhi kugera myêzi ikumi n’ibirhi, mpu ajà acîgezageza omu bwâmi bw’e Babiloni,

Daniyeli 4:30

Muli akwôla kasanzi ebyaderhagwa kuli Nabukondonozori byanacibà; anacilibirhwakwo omu karhî k’abantu, anacikazilya olubala nka nkâfu n’omubiri gwâge gwakaziloba n’olumè lw’oku nkuba, emviri zàmuli oku irhwe zashalama nka mashala g’oku byûbi by’enyunda n’enyûnu zâge zalihûka nka za rhunyunyi.

Daniyeli 4:32

Kuli ye abantu b’omu igulu lyoshi bali busha embere zâge; anajîre oku anasîmire haguma n’omurhwe gwâge gw’empingu, haguma n’abantu ba hanôla igulu, ntâye wankarhanga okuboko kwâge nîsi okumubwîra, erhi: «Kurhi oku wajira?»

Daniyeli 4:34

Bunôla niono, mwâmi Nabukondonozori, namâharâmya, namâkuza namâvuga n’omunkwa emwa Omwâmi w’empingu, oyu emikolo yâge yoshi eri y’okuli n’enjira zâge zishingânîne, Ye oli n’obuhashe bw’okuhurhaza abagenda bacijêgêga n’obucîbone.

Daniyeli 5:20

Ci erhi omurhima gwâge gucicîkangalaza, gucîhêka enyanya n’erhi acidârhabala kuhika omu kucîbona, banacimurhenza kuli erya ntebe y’obwâmi, ananyagwa n’irenge.

Daniyeli 5:28

Paresi «kugabwa» obwâmi bwâwe bwamâgabwa bwanahâbwa Abanya-Mêdi n’Abapersi.

Daniyeli 6:27

“Mpânyire eri irhegeko nti: Omu bwâmi mwoshi bakazirhînya n’okukenga Nyamuzinda wa Daniyeli, ebwa kubà yêne ye Nyamuzinda ozîne, yêne ye onayôrha abâho ensiku zoshi; obwâmi bwâge burhakayûrha n’oburhegesi bwâge buli bw’ensiku n’amango”».

Mateyo 3:17

Muli ako kasanzi, izù lyarhenga emalunga, lyaderha, erhi: «Oyu ye Mugala wâni muzigirwa, oyu ncîshingiramwo».

Luka 12:20

“Ci Nyamuzinda anacimubwîra, erhi”: “Eci cingolongolo!” “Kali obu budufu bw’ene bayish’ikuyanka omûka!” “N’ebyo walundisire byayishig’ibà bya ndi obwo?”

Yowane 12:28

Larha, kuza izîno lyâwe!» Izù lyanacirhenga emalunga, erhi: «Nalikuzize nanacîlikuza kandi».

1 Batesalonika 5:3

Amango abantu baderhe mpu: «Murhûla na kalembe», lyo obuhanya bwâbahonere oku caligumiza, kula emikero mibishi enarhogera omukazi oli izîmi, barhakanabona oku bayâka.

Mafulûlo 16:7

Nayumva n’olûsho lwaderha, erhi: «Nêci, Nyamwagirwa, Nyamuzinda Nn’amahanga goshi, ebinwa byâwe biri hy’okuli binashingânîne!»

1 Samweli 13:14

“Ci kwônene obwâmi bwâwe ntà misî bwacijira. Nyamubâho analongize owundi olya oli n’omurhima gwâge, olya wankahasha okukacîkubagira ye, oyo ye anajizire mwâmi w’olubaga lwâge, bulya orhashimbire oku Nyamubâho anali akurhegesire”».

1 Samweli 15:23

Obugoma kwo buli nka ecâha c’obulaguzi. Okubà n’irhwe lirhayumva kwo kuguma n’okuharâmya enshusho n’abazimu. Bulya wagayaguzize akanwa ka Nyamubâho, naye akola akukazire omu bwâmi; orhaciri mwâmi.»