Daniyeli 4:17 - BIBLIYA NTAGATIFU OMU MASHI

¹⁷ “Ogwôla murhi wabonaga gwakula guna­ba murhi muzibu n’irhwêrhwè lyâgwo lihikira omu nkuba karhî, kandi gwaka­zibonekana omu igulu lyoshi”;

Daniyeli 4:17 ပူးပေါင်းရင်းမြစ်များ

1 Bâm 21:25

Harhacîbonekanaga omuntu osirahire aka Ahabu wacîhemulaga omu kugomera Nyakasane erhi mashumi ga mukâge Yezabeli garhuma.

2 Nganîro 28:22

Ago mango ali omu malibuko ntyôla anakulikiza ashubikazigayîsa Nyamubâho, oyo mwâmi Akazi.

Ennanga 103:19

Nnâmahanga àjêberize entebe yâge omu mpingu, omu bwâmi bwâge burhegeka byoshi.

Ennanga 12:8

Yâgirwa Nyamuzinda, we rhuciza, we warhulanga kuli er’iburha ensiku n’amango.

Ennanga 9:16

Amashanja g’abapagani garhogîre omu nyenga bàhumbaga, omurhego bàrhegaga okugulu kwâbo kwagwârhwamwo.

Lubungo 9:16

Ci alaga ecàrhumire nakuleka: nti nkuyêreke obuhashe bwâni lyo bamanyîsa izîno lyâni omu igulu lyoshi.

Izaya 6:3

Erhi banadwîrhe bayâkûzanya, mpu: «Mwimâna, Mwimâna, Mwimâna, Nyakasane Nyamuzinda w’Emirhwe! Igulu lyoshi liyunjwîre irenge lyâge.»

Izaya 6:8

Okubundi nanaciyumva izù lya Nyakasane lyaderha, erhi: «Ndi narhuma? Ndi warhugendera?» Nanacishuza, nti: «Nie ono, ontume!»

Ezekiyeli 25:17

Nâbajira­kwo enyihôlo z’okujugumya zirya zirhankahamwa nnambahè obuhane bukali, bânayishimanya oku nie Nyamubâho hano babona kurhi nâcihôla kuli bo.

Ezekiyeli 7:24

Nayisha ndwîrhe galya mashanja makali bwenêne, gayishibanyaga enyumpa zâbo. Nâfunyaza obucîbone bw’abanya-buhashe, n’ebirhînyiro byâbo byahemulwa.

Daniyeli 11:21

Ahâli hâge hâyish’ijà omuntu oshombirwe, oyu barhahe ecikono c’o­bwâmi; âbarhindakwo caligumiza, anayanke obwâmi omu menge.

Daniyeli 2:21

Yêne ye ohindula akasanzi n’amango, ye oyîmika abâmi ayîmûle n’abandi ye ohâna oburhimanya oku barhimanya n’obumanye oku banya-bukengêre.

Daniyeli 4:2

ecilôrho c’ecirhangâzo canacinyishira, ca­ nyôbohya, nakazifudukafuduka aha ncingo n’ebyôla byanyishiraga omu irhwe byangezamwo omusisi,

Daniyeli 4:25

Okwôla kwoshi kwanaciyishira mwâmi Nabukondonozori.

Daniyeli 7:25

Ayishiderha ebinwa by’obucîbone kuli Ow’Enyanya bwenêne. Ajà âyîrha abatagatîfu b’Ow’Enyanya bwenêne, âcîshomya ciru n’okuhindula amango matagatîfu, okuhindula obuyêmêre, oku ngoma yâge abatagatîfu balibuzibwa mango garhali manyi, kugere n’agandi mango, n’aga­ndi mango masungunu,

Barom 13:1

Ngasi muntu akayumva abarhegesi bamukulîre; bulya ntà bukulu burharhenga emwa Nnâmahanga, n’amarhegesi ganahabà goshi Nyamuzinda yêne wagajiraga.

1 Bakorinti 1:28

ehirhagwêrhi maburhwa minjà en’igulu, hirya bagayayaguza, ehyo hyo Nyamuzinda acîshozire; acîshoga ehirhahali, mpu hihirigise ehihali,

1 Timoteyo 5:21

Nkulahirîze embere za Nnâmahanga, n’embere za Kristu Yezu, n’ez’e­ntôle zâge bamalahika: oshimbe ebi binwa buzira kabôlo na buzira kanânà.

Mafulûlo 4:8

N’ezo nsimba ini zigwêrhe ngasi nguma byûbi ndarhu, zinayunjwîre masù omu marhambi n’omu ndalâlà, zirhahusa okuderha mûshi na budufu, mpu: «Mwimâna, Mwimâna Nyakasane Nyamuzinda, Nnâmahanga Ogala-byoshi, Nyamubâho, Oyôrh’ahabà, n’Owayish’iyisha».

1 Samweli 2:8

Ye kûla omugalugalu omu katulo, n’omukenyi amukûle omu camvu, amudahaze omu ndêko y’abaluzi n’okumuhà entebe y’irenge; bulya ebikondo by’igulu binali bya Nyakasane, enyanya yabyo yo ayûbasire igulu.