Daniyeli 4:16 - BIBLIYA NTAGATIFU OMU MASHI

¹⁶ Okubundi, Daniyeli ye odesiragwe Baltazari arhangihulika kasanzi, e­nkengêro zamuja kulî. Mwâmi ashubiriza aderha erhi: «Omanye wâni Baltazari, ecôla cilôrho n’okucihugûla kwankanakuheza obukengêre». Baltazari anacishuza erhi: «Yâgirwa Nnâhamwîrhu, eci cilôrho cije oku bashombanyi bâwe, n’okucihugûla kuje oku banzi bâwe.

Daniyeli 4:16 ပူးပေါင်းရင်းမြစ်များ

2 Samweli 18:32

Mwâmi anacidôsa olya munya-Kushi, erhi: «Ka guligi murhûla kuli mugala wâni Absalomu?» Olya munya-Kushi anacishuza, erhi: «Mâshi boshi bakahera aka oyôla mwâna, abashombanyi ba Nnawîrhu mwâmi na ngasi boshi bacîshomya okukujirira amabî!»

Izaya 6:10

Ozidohye omurhima gw’olu lubaga, obafûnike amarhwîri onabazibye amasù, lyo barhabone n’amasù gâbo, banalek’iyumva n’amarhwîri gâbo, lyo n’omurhima gwâbo gurhacîrhegêreze, lyo barhahinduke binjà, lyo ntanabafumya!»

Daniyeli 11:13

“Ebwa kubà oyôla mwâmi w’e Mwênè ashub’ishûbûza ezindi ngabo mwandu kulusha zirya za burhanzi, na hano kugera myâka misungunu anayisha arhabîre n’engabo nnene n’emirasano ya ngasi lubero”.

Daniyeli 12:7

Nanaciyumva izù ly’oyôla muntu waliyambirhe ogw’ecitâni anali enyanya zâbo omu lwîshi. Ayinamulira okuboko kulyo enyanya omu malunga n’okuboko kumosho, anacilahira oku izîno lya Nnamubâbo ozîne, erhi: «Hano kugera amango, mango garhali manyi n’ecihimbi c’amango na hano bayûsa okufunyâza emisî y’olubaga lutagatîfu, go mango ebyôla byoshi byaâhwa.»

Daniyeli 4:23

“Nakabà barhegesire okuleka ecigundu c’ogwôla murhi kuli kuderha oku obwâmi bwâwe bwashubizibuha amango wânayêmêre oku empingu yo oburhegesi buhubuka”.

Daniyeli 4:25

Okwôla kwoshi kwanaciyishira mwâmi Nabukondonozori.

Daniyeli 7:25

Ayishiderha ebinwa by’obucîbone kuli Ow’Enyanya bwenêne. Ajà âyîrha abatagatîfu b’Ow’Enyanya bwenêne, âcîshomya ciru n’okuhindula amango matagatîfu, okuhindula obuyêmêre, oku ngoma yâge abatagatîfu balibuzibwa mango garhali manyi, kugere n’agandi mango, n’aga­ndi mango masungunu,

Daniyeli 7:28

Kwo byàbîre ntyo. Kuli nie Daniyeli obukengêre bwanzunguluka, nabula omurhûla, ci nakazilanga ebyôla omu murhima gwâni.

Bahabraniya 1:11

Ebyo byoshi byâyûrhe, ci wêhe orhakajà ngahi; byoshi byâtwîke nka bwikunjè.

Mafulûlo 12:14

Banacihà nyamukazi byûbi bibiri bya nyunda mpu abalalire omu irungu halya hâge anabêra, mpu bamuhêmbereho kasanzi n’orhusanzi n’oluhande lw’akasanzi, kulî na wanjoka.