Daniyeli 4:14 - BIBLIYA NTAGATIFU OMU MASHI

¹⁴ Okwôla kwajirwa n’irhegeko ly’Abalanzi, n’ebyôla byoshi byakolwa n’a­batakatifu, lyo abazîne bamanya oku Ow’Enyanya agwêrhe obuhashe oku bwâmi bw’eno igulu, anabûhe oyu alonzize n’omwîrhohye bwenêne omu bantu anamuyimuse.

Daniyeli 4:14 ပူးပေါင်းရင်းမြစ်များ

Ayubu 24:20

Ibêre lyàbayonsagya linabayibagire, bamâlîbwa n’emivunyu, barhacimanyikîni, obubî bwamâkenyuka nka murhi.

Yeremiya 27:5

“Niene nie najiraga n’obuhashe bwâni bunji n’okuboko kwâni kulambûle, igulu, omuntu n’ebintu bibà en’igulu; nna­mbigabire oyu nsîmire okubigabira”.

Yeremiya 51:6

Yâki! murhenge omu Babiloni, (ngasi muguma alwîre oku gâge); murhacîkululire omu buhane bwâge. Bulya go mango g’olwihôlo lwa Nyakasane gano, akola amugalulira nk’oku anakwânîne.

Yeremiya 51:9

Rhwabusire Babiloni, ci arhafuma. Rhumulekage na ngasi muguma acîshubirire emwâbo. Bulya obuhane bumurhogîrekwo buli bunene, busôsire bwahika emalunga.

Ezekiyeli 31:10

Ntyâla kwo adesire Nyakasane Nyamubâho: Ebwa kubà gwamâshigalika erhi kulîhûka kwâge kurhuma, ebwa kubà irhwêrhwè lyâge linakazihikira omu bitù, ebwa kubà gukola gukazicîbona erhi okwôla kurhuma,

Daniyeli 2:21

Yêne ye ohindula akasanzi n’amango, ye oyîmika abâmi ayîmûle n’abandi ye ohâna oburhimanya oku barhimanya n’obumanye oku banya-bukengêre.

Daniyeli 3:4

Omu­kûbiza anacihamagaza n’emisî yoshi, erhi: «Mwe bantu ba ngasi lubaga, abà ngasi ishanja na ngasi lulimi, muhîrwe eri irhegeko mpu:

Daniyeli 4:12

Ci kwônene mulekere ekuzimu, ecikundukundu c’emizî yago, ci cibè cishwêke n’ebyûma n’emiringa, omwôla lubala lw’omu mashwa, gukazidomererwa n’olumè lw’emalunga, gunakazilya boshi n’ensimba ebyâsi by’erubala.

Daniyeli 4:23

“Nakabà barhegesire okuleka ecigundu c’ogwôla murhi kuli kuderha oku obwâmi bwâwe bwashubizibuha amango wânayêmêre oku empingu yo oburhegesi buhubuka”.

Daniyeli 4:29

wâlibirhwakwo omu karhî k’abantu ogendilama haguma n’ensimba z’eru­bala, bakazikuha ebiryo nka kula banakazilisa enkafu; amango gali nda gâgera kuli we kuhika omanye oku Ow’Enyanya agwêrhe obuhashe oku mâmi g’abantu n’oku oyu alonzize ye anabuhà.»

Daniyeli 5:20

Ci erhi omurhima gwâge gucicîkangalaza, gucîhêka enyanya n’erhi acidârhabala kuhika omu kucîbona, banacimurhenza kuli erya ntebe y’obwâmi, ananyagwa n’irenge.

Daniyeli 5:21

Banacimurhenza omu karhî k’abantu, omurhima gwâge gwabà nka gwa nsimba, anagendicumbika ekarhî k’ensimba z’endogomi z’erubala, bakazimulîsa n’ebyâsi nka nkâfu, n’omubiri gwâge gwakazilobera embuga n’olumè lw’oku nkuba, kuhika alinda amanya oku Nyamuzinda Ow’Enyanya bwenêne agwêrhe obuhashe oku bwâmi bw’abantu, n’oku ye oyîmika oyu analonzize.

Mateyo 3:10

“Lêro embasha ekola eri aha cisiki c’emirhi. Na ngasi murhi gurhajira malehe minjà gwatûbwa gunakwêbwe omu muliro”.

Mateyo 7:19

Ngasi murhi gurhayanyiri malehe minjà, gunatûbwe, gukwêbwe eciko.

Luka 3:9

“Ciru embasha ekola eri aha cisiki c’emirhi”: “kuziga ngasi murhi gurhayanyirikwo malehe minjà gwatûbwa gunakwêbwe omu muliro”».

Mafulûlo 10:3

ayâma n’izù linene nka kulya entale eluluma. Oku anayâma ntya, Emilazô nda yagwîra yakungula.

Mafulûlo 18:2

Anaciyâkûza n’izù linene, erhi: «Alundusire, alundusire Babiloni mukulu! Ashubire lûsho lwa bashetani, ishûbûkiro lya ngasi muzimu lya ngasi muzimu mubî, n’ishubûkiro lya ngasi kanyunyi kabî, [ishûbûkiro lya ngasi nsimba ehumânya] kalya karhankakwirirwa,