Daniyeli 3:12 - BIBLIYA NTAGATIFU OMU MASHI

¹² Ci haligi Abayahudi, abà wênene wajiraga bakulu b’okulanga e­by’omu cihugo c’e Babiloni, bo Sadraki, Mesaki n’Abednego, abôla bantu barhajira bukenge buci kuli we, yâgirwa Mwâmi, barharhumikira banyamuzinda bâwe, barhanakumba bûbi embere z’erya nsanamu y’amasholo wayîmanza­gya.»

Daniyeli 3:12 ပူးပေါင်းရင်းမြစ်များ

Esteri 3:8

Okubundi Hamani anacibwîra mwâmi Asuerusi, erhi: «Omu mirhundu y’ecihugo câwe coshi muli olubaga lulumîre kuli ngasi murhundu, luyôrha luciyungwîre oku bandi bantu ba olubaga lwâwe, bajira gâbogâbo marhegeko galya garhali g’olubaga loshi ciru barhashimba amarhegeko ga mwâmi. Kurhakwânîni mwâmi alembere bantu ba bene abôla.

Migani 27:4

Omutula gubâ mumînya, n’obukali gubâ muhûsi, omungo gw’owamânyagwa gwohe ndi wankagulîndira?

Muhanûzi 4:4

Mbwîne oku ngasi kucihangâna na ngasi lubanja omuntu ayâzize, bunali bwâgalwa bw’omuntu oku wâbo. Kuli kurhebwa ganali mango gafire busha.

Daniyeli 1:7

Olya murhambo w’abaganda abayîrika amazîno; ayîrika Daniyeli erya Baltazari, Ananiasi erya Sadraki, Misaheli erya Mesaki, na Azariasi erya Abednego.

Daniyeli 2:48

Oku bundi, mwâmi anacijira Daniyeli muguma w’omu barhambo bâge bakulu anamuhà empêmbo nnene na nyinji, amujira murhambo w’ecihugo ca Babiloni coshi na mukulu w’abarhimanya boshi b’omu Babiloni.

Daniyeli 2:49

Oku musengero gwa Daniyeli, mwâmi àjira barhambo b’eby’omu Babiloni byoshi Sadraki, Mesaki na Abednego, Daniyeli anacibêra oku bwâmi.

Daniyeli 3:11

Kandi wanaderha oku ngasi yêshi orhakumbiri bûbi akabula buharâmya, oyôla anakwêbwe omu ndugurhira y’o­muliro.

Daniyeli 3:16

Sadraki, Mesaki n’Abednego banacishuza mwâmi banacimubwîra, mpu: «Nabukondonozori, ntâco rhugwâsirwe okukushuza kuli ecôla cinwa.

Daniyeli 6:13

Banacijà emunda mwâmi ali banacimushambâlira oku biyêrekîre eryo irhegeko ly’e bwâmi mpu: «Ka orhatwaga olushika bulya oku ntà muntu ciru n’omuguma wankashenga mw’ogu mwêzi owundi Nyamuzinda erhi owundi muntu, orhali we Yâgirwa mwâmi, n’oku owankajira ntyo kukwânîne akwêbwe omu bulumba bw’entale?» Mwâmi anacishuza aderha erhi: «Kwo binali, irhegeko ly’abanya-Mêdi n’ery’Abapersi lirhashubwakwo».

Daniyeli 6:14

Okubundi bashubîrira bàderha mpu: «Daniyeli yêhe, olya barhenzagya e Yûda arhaderhaga mpu akakurhînya, yâgirwa mwâmi, ciru n’okurhînya irhegeko wajiraga; ci ka­sharhu koshi omu lusiku anakayôrha ajishenga».

Ebijiro 17:7

na Yasoni abahandisize aha mwâge. Abà boshi bânajire okurhashingânîni n’amarhegeko ga Sezari, banaderhe mpu hali owundi mwâmi, mpu ye Yezu».

Ebijiro 5:28

«Ka rhurhammuhanzagya n’obwâlagale nti murhakâg’iyigîriza muli eryo izîno? Mw’oyo mwalumîzize enyigîrizo zinyu omu Yeruzalemu! Wabona mwalonza omukò gw’oyo muntu rhubè rhwe gutumuzibwa!»