Daniyeli 2:49 - BIBLIYA NTAGATIFU OMU MASHI

⁴⁹ Oku musengero gwa Daniyeli, mwâmi àjira barhambo b’eby’omu Babiloni byoshi Sadraki, Mesaki na Abednego, Daniyeli anacibêra oku bwâmi.

Daniyeli 2:49 ပူးပေါင်းရင်းမြစ်များ

Esteri 2:19

Obwo bwa kabirhi amango abânanyere bajaga emunda mwâmi ali Mardokeyo ali abwârhîre aha muhango gwa mwâmi.

Esteri 2:21

Muli agôla mango Mardokeyo ali abwârhîre omu muhanda gwa mwâmi, Bigtana na Tareshi bali barhonyi babirhi ba mwâmi, bo bakazâg’ilanga omu bwâmi, omutula gwarhuma bali bakola bayîrha mwâmi Asuerusi.

Esteri 3:2

Abarhumisi ba mwâmi boshi banali aha burhambi bwâge omwôla ngo bakà z’ifukamiriza embere za Hamani, bulya kwo mwâmi anali arhegesire ntyôla.

Migani 28:12

Abashinganyanya bakayaza ntâye orhasima, endyâlya zikaja eruhya abagula banayôngoloke muguma-muguma.

Yeremiya 39:3

Okubundi abarhambo ba mwâmi w’e Babiloni bajà mulya lugo, batwa amarâro aha muhango gw’ekarhî. Aho hali Nergal-Shareza, muluzi w’e Sini­-Magiri, murhambo mukulu w’engabo z’abalwî, Nabusharbani, murhambo mu­kulu, Sarsekimi, murhambo w’enkonè, n’abandi barhambo bakulu b’engabo za mwâmi w’e Babiloni.

Daniyeli 1:17

Abôla bânarhabana oku banali bâni, Nnâmahanga abashobôza enshôkano y’obukengêre n’ey’obumanye omu ngasi lwandiko kuguma n’oburhimanya, na Daniyeli akazâg’ihugûla ngasi bya kuzânwa na ngasi bilôrho.

Daniyeli 1:7

Olya murhambo w’abaganda abayîrika amazîno; ayîrika Daniyeli erya Baltazari, Ananiasi erya Sadraki, Misaheli erya Mesaki, na Azariasi erya Abednego.

Daniyeli 2:17

Ho na halya Daniyeli akanya ajà emwâge n’ogwôla mwanzi ajigumanyîsa Ananiasi, Misaheli na Azariasi, bwo bâbo mpu:

Daniyeli 3:1

Mwâmi Nabukondonozori anacibumba ensanamu y’amasholo, obulî bwâyo bwàli bwa makano makumi galindarhu n’obugali bwàli bwa makano ndarhu; agendiyiyimanza omu kabanda ka Dura, omu cihugo ca Babiloni.

Daniyeli 6:2

Dariyusi abona oku lyo ayîma bwinjà kukwânîne ahîre omu cihugo câge barhambo igana na makumi abirhi bahash’irhegeka ecihugo coshi.

Amosi 5:15

Mushombe amabî, musîme aminjà, mutwe emmanja kwinjà ekagombe; kwakanaba Nyakasane, Nyamuzinda w’Emirhwe, acibabalira Kasigwa wa Yozefu.