Daniyeli 2:35 - BIBLIYA NTAGATIFU OMU MASHI

³⁵ “Lêro n’ebindi nabyo byanacivunyunguka, ecûma, ihumba, amarhale, omulinga n’amasholo byanaciyôrha nka mulôlo gwayehûkanwa n’empûsi canda, empûsi yanacibiyehûkana buzira kusiza akantu; na lirya ibuye lyavunyungulaga erya nsanamu lyahinduka ntondo nnene yanacibumba igulu lyoshi”.

Daniyeli 2:35 ပူးပေါင်းရင်းမြစ်များ

Ayubu 6:17

Ci erhi omwikalà guyisha, ezâli nyîshi zinagane, zihirigirhe erhi izûba lirhuma

Ennanga 103:16

Empûsi ekamugerakwo erhi arhacihali, orhankacimanywa aha àbâga burhanzi.

Ennanga 22:27

Abakenyi nabo bâlya banayîgurhe, n’abalongereza Nyakasane, kukuza bâmukuza, emirhima yâbo elame ensiku n’amango.

Ennanga 37:10

Omubî hano kasanzi erhi arhacihali, n’erhi wakalola aha anali, orhâmubone.

Ennanga 37:36

Erhi nshub’igera erhi erhacihali, nti nnonza, lêrhaga!

Ennanga 46:9

Mukanye mubone ebi Nyamuzinda àkozire, muyishe mubone eby’okurhangâza ajijire kuno igulu.

Ennanga 66:4

lgulu lyoshi likugashânize linakuyimbire, izîno lyâwe liyimbwe omw’igulu lyoshi.

Ennanga 86:9

Amashanja walemaga goshi, gayisha gakuharâmye, Nyamwagirwa, ganamanyise izîno lyâwe.

Izaya 11:9

Ntà bubî na ntà buligo bwacikolwe oku ntondo yâni ntagatîfu yoshi, bulya ecihugo cayunjula bumanye bwa Nyakasane, nka kula omuhengere gw’enyanja guyunjulira mîshi.

Izaya 8:9

“Mumanye, mwe mbaga mweshi, munajugumane! Murhege amarhwîri, mwe bihugo b’ihanga mweshi! Muyambale emirasano yinyu, munajugumane! Muyambale emirasano yinyu, munajugumane!”

Daniyeli 2:44

“N’omu mango g’abôla bâmi, Nyamuzinda w’empingu, ayishiyimanza obundi bwâmi bulya burhankacishandwa ciru n’eriguma na oburhegesi bwâbo burhakacihâbwa oku lundi lubaga. Bwavunyungula bunashandâze agôla gandi mârni, nabo bône bwayôrha ensiku n’amango”.

Hozeya 13:3

Co carhuma bâbà nka lwikungu lwa sêzi, nka lumè lurhimangikala, nka hyasi hiyehûkanwa n’empûsi omu ngo, nka mugî gwahuluka omu kabonezo.

Mikeyo 4:13

Yimuka! Ovungunyule emburho mwâli wa Siyoni! Bulya amahembe gâwe nagajira ga cûma, n’ebisenyi byâwe mbijire bya mulinga, ntyo ovungunyule mbaga nyinji. Omunyago wabarhôla ogurhûle Nyakasane, n’ebi­rugu byâbo obihe Nyamuzinda w’igulu lyoshi.

Zakariya 12:3

«Mw’ago mango, Yeruzalemu nâmuhindula nk’ibuye, amashanja goshi gakaz’ilonza okulilengeza. Ngasi bagereze bayagalike. Okubundi amashanja g’igulu goshi gacilunge haguma gamurhêre.»

1 Bakorinti 15:25

Nêci, kukwânîne ayîme kuhika ahebe abashombanyi bâge boshi ah’idako ly’amagulu gâge.

Mafulûlo 11:15

Okubundi Malahika wa kali-nda abûha omu mushekera; emalunga yabà ecihôgêro c’amazù manênênè, gakaz’iderha, mpu: «Obwâmi bw’igulu bukola buli bwa Nnawîrhu bwoshi na Kristu wâge, anakolaga arhegeka omu myâka n’emyâka!»

Mafulûlo 12:8

Ci bahimwa, babula n’aha bacibêzire omu mpingu.

Mafulûlo 20:11

Okubundi nanacibona entebe nnene nyêru-nyêru, n’owali oyitamîrekwo. Amalunga bo n’igulu, erhi bamurhimbakwo amasù, bayâka, na ntâye wacimanyire aha bagerîre.