Daniyeli 2:27 - BIBLIYA NTAGATIFU OMU MASHI

²⁷ Daniyeli anacishuza mwâmi amubwîra, erhi: «Ihwe mwâmi ahûnyire, ntâye omu barhimanya boshi, ntâye omu bagula, ntâye omu bashonga na ntâye omu balaguzi, wahashiricihugûlira mwâmi.

Daniyeli 2:27 ပူးပေါင်းရင်းမြစ်များ

Murhondêro 40:8

Bamubwîra, mpu: «Rhwakazir’ilôrha na ntâye wankarhuhugûlira eco cilôrho». Yozefu ababwîra, erhi: «Nyamuzinda ye hugûla ebilôrho; ci nshambâliragi nâni okwo».

Murhondêro 41:8

Erhi buca sêzi. Faraoni mwâmi w’e Mîsiri ayumva omurhima gurhadêkerîri. Ahamagala abashonga n’abagula bâge b’omu Mîsiri boshi. Abaganîrira ebyo bilôrho ci ntâye ciru n’omuguma wahashire okumuhugulira byo.

Izaya 19:3

Omûka gwa Mîsiri gwamurhengamwo, n’emihigo yâge nayitulumbya. Bâgwîra okudôsa banyamuzinda b’obwîhambe, n’abazimu. n’emyômoka n’abashonga.

Izaya 44:25

Nie ntulutumbya amalêbi g’abashonga, nie njira abalaguzi rhutumbaguzi; nie ngeza abarhimanya cinyuma-nyuma n’amenge gâbo ngahindule isirhe.

Yeremiya 10:7

Ndi orhankakurhînya, mwâmi w’amashanja? Nêci, oli wa kurhînywa! Bulyâla omu bagula b’amashanja boshi, n’omu mâmi gâbo goshi, ntâye bakakugererakwo.

Daniyeli 1:20

Oku ngasi madôso ga burhimanya n’agw’obukengêre bu­nji mwâmi akazâgibadôsa, akazibona oku balushire kali ikumi abalenga n’abashonga b’omu cihugo c’obwâmi bwâge coshi.

Daniyeli 2:2

Mwâmi anacihamagala abagula, abashonga n’abalagwè bâge kuguma n’abandi banya-Kaldeya mpu bamuhugûlire ebyôla bilôrho bikali ntyo; banaciyisha badêka embere zâge.

Daniyeli 4:7

Alaga ebi nakazâgibona omu irhwe erhi nnangwishîre: alà oku nanacibona omurhi mulîmulî omu kâgarhî k’igulu.