Daniyeli 2:20 - BIBLIYA NTAGATIFU OMU MASHI

²⁰ Daniyeli anaciderha, erhi: «Liyagirwe izîno lya Nyamuzinda, omu myâka n’emyâka bulya yêne ye Nn’oburhimanya n’emisî

Daniyeli 2:20 ပူးပေါင်းရင်းမြစ်များ

Murhondêro 14:20

Ayâgirwe Nyamuzinda w’enyanya bwenêne owahiraga abashombanyi bâwe omu nfune zâwe». Abramu anacimurhûla oku ngasi ebi anali adwîrhe byoshi.

1 Bâm 8:56

«Ayâgirwe Nyakasane owahaga olubaga lwâge okuluhûka nk’oku anaderhaga omu binwa by’obwangà ahâniraga omu kanwa kw’omwambali Mûsa, byoshi ntâco ciru n’eciguma cabulabuzire.

1 Nganîro 29:20

Cazînda Daudi abwîra eyo ndêko y’abantu yoshi, erhi: «Muvuge Nyakasane Nyamuzinda winyu omunkwa.» Boshi banacivuga Nyakasane Nyamuzinda wa bashakulûza bâbo omu nkwa; bafukama bahwera oku idaho bahà Nyakasane bo na mwâmi irenge.

2 Nganîro 20:21

Oku bundi erhi abà amâshambâla n’olubaga, ajira abimbiza bahêka emyambalo migishe bâna shokolera omulongo gw’abantu banajà bakuza Nyamubâho omu kuderha erhi: «Akuzibwe Nyamubâho bulya obonjo bwâge buli bw’ensiku n’amango!»

Nehemiya 9:5

Nabo Abaleviti: Yozwè, Kadmiyeli, Bâni, Hashabneya, Sherebiya, Hodiya, Shebanya, boshi na Petahya, banaciderha, mpu: «Yîmuki, mukuze Nyamubâho Nyamuzinda winyu». Okuzibwe emyâka n’emyâka, Nyakasane Nyamuzinda wîrhu! Likuzibwe Izîno ly’irenge lyâwe, erilushire ngasi bukuze na ngasi irenge.

Ayubu 12:13

Yêhe, oburhimanya n’obuhashe, byoshi ye Nnabyo, ihano n’okumanyirira byoshi byâge,

Ennanga 113:1

Aleluya! Mwe bambali ba Nyakasane, mukuze, mukuze izîno lya Nyakasane.

Ennanga 113:2

Lij’irenge izîno lya Nyakasane, bunôla n’ensiku n’amango.

Ennanga 115:18

Ci rhwe rhuzîne rhwe rhwakuza Nyakasane, buno n’omu myâka n’emyâka.

Ennanga 147:5

Nyamuzinda wîrhu ali mukulu, obuhashe bwâge burhagerwa, obukengêre bwâge burhahimwa.

Ennanga 41:13

Nâni onjire nyôrhe ndi mutaraga, onampire omu masù gâwe mbêremwo ensiku n’amango.

Ennanga 50:23

Ye nsîmîsa omuntu obâga enterekêro y’okunkuza, n’omuntu oshimba enjira nnungêdu ye nayêreka oku Nyamuzinda kuciza aciza.»

Ennanga 62:11

Murhahiraga mukalimbira emisî, murhahiraga mukacîkubagira eby’obuhagwe, ebirugu, ciru byankaluga, murhahiraga mukabihirakw’omurhima.

Migani 8:14

Nie njira ihano, nie njira okukoza omu binwa nie nn’obukengêre, nie nn’obuhashe.

Yeremiya 32:19

We nn’oburhimanya omu mihigo midârhi we n’obulenga boshi, onakazisingiriza abantu ly’oyishimanyihemba ngasi muguma nk’oku ebijiro n’engeso zâge binali!

Ezekiyeli 28:3

Alà oku oli murhimanya kulusha Daniyeli, ntà murhimanya oli akâwe.

Mateyo 6:13

Orhanarhuhiraga omu mashumi, ci orhulîkûze oku Mubî.

Yûda 1:24

Ayâgirwe Olya ogwêrhe obuhashe bw’okummulanga murhahirime n’okumuyîmanza embere z’irenge lyâge buzira izâbyo omu bushagaluke!

Mafulûlo 5:12

banakâg’iderha n’izù linene, mpu: «Omwâna-buzi wanigagwa akawânine ahâbwe obuhashe, n’obuhirhi, n’obushinganyanya, n’obuzibu, n’obukenge, n’irenge, n’obukuze!»