Daniyeli 2:12 - BIBLIYA NTAGATIFU OMU MASHI

¹² Okwôla kwarhuma mwâmi akunira bwenêne, anacirhegeka mpu banigûze abarhimanya boshi b’omu Babiloni,

Daniyeli 2:12 ပူးပေါင်းရင်းမြစ်များ

Ayubu 5:2

We mbwîzire, omungo gunayîrhe ecihwinja, n’oburhè buzihôkane omusirhe.

Ennanga 76:10

Nyamuzinda ayimuka obwo mpu aj’itwa emmanja, anagalukire abanyinyi babà okw’igulu.

Migani 16:14

Oburhè bwa mwâmi, ntumwa ya lufù, murhimanya oburhûza.

Migani 19:12

Okukaliha kwa mwâmi kwo kuyôrha nka mululumo gwa ngoromora, okurhonya kwâge kwo kuyôrha nka lumè oku byâsi.

Migani 20:2

Okukaliha kwa mwâmi, kwo kuyôrha nka mululumo gwa ngoromora; omujira burhè anacîzûkize nyammanjà.

Migani 29:22

Omuntu oluba duba ntambala atula; n’omukali arhahwa arhâlogorha!

Daniyeli 2:24

Co carhumirage Daniyeli ajà emwa Arioki, olya Mwâmi ahâga obuhashe bw’okumalîra abarhimanya b’e Babiloni boshi; anajà emunda ali amubwîra erhi: «Omanye wankayîrha abarhimanya b’omu Babiloniya; mpêka emunda mwâmi ali najibwîriza mwâmi oku biyêrekîre ecilôrho câge.»

Daniyeli 2:5

Mwâmi ashuza Abanyakaldeya ababwîra, erhi: «Mmubwîre n’obwâlagale, akabà murhambwîziri ecôla cilôrho n’okuci­mpugûlira, mweshi namurhola bihimbi bibimbi n’enyumpa zinyu zishube ca­mvu.

Daniyeli 3:13

Oku bundi Nabukondonozori akunira, yêshi arûkûza bwenêne, anacirhegeka mpu bajilêrha Sadraki, Mesaki n’Abednego; abôla bantu banaciyisha babadwîrhwe embere za mwâmi.

Daniyeli 3:19

Obwo Nabukondonozori ayunjula burhè n’obusù bwâge bwahinduka erhi Sadraki, Mesaki na Abednego bàrhuma. Erhi ashubirhòla akanwa, arhegeka mpu erya ndugurhira edukûzibwe kali nda kulusha oku eyôrha etwânwamwo omuliro.

Daniyeli 5:19

N’obwôla bukulu amuhâga bwarhuma embaga, amashanja, n’abà ngasi ndi­mi bàkazigeramwo omusisi embere zâge; akazâgiyîrha oyu analonzize, analamye oyu analonzize; akazâgikuza oyu alonzize ananyage oyu analonzize.

Mateyo 2:16

Erhi Herodi abona oku balya bâmi bamurhebire, akunira bwenêne, arhuma abayîrha orhubonjo rhwoshi rhurhac’ibona myâka ibiri rhw’e Betelehemu n’orhw’ebindi bihugo bya hôfi hâyo, erhi amagerêreza amango abâmi bamubwîraga.

Mateyo 5:22

Ci niehe mmubwîzire oku ngasi yêshi wabîkire owâbo oburhè, ayish’ihanwa omu lubanja. Naye owabwîre owâbo mpu kadunduguli, akwânîne okuhanirwa e kagombe. N’owabwîre owâbo mpu musirhe, âyish’ihanwa omu nyenga y’omuliro.