Daniyeli 12:8 - BIBLIYA NTAGATIFU OMU MASHI

⁸ Niono nanaciyumva okwôla ci ntayumvagya kwo kuderha kurhi. Nanaciderha nti: «Yâgirwa Nnawîrhu, cihi câbà cizinda muli ebîra bintu byoshi?»

Daniyeli 12:8 ပူးပေါင်းရင်းမြစ်များ

Daniyeli 10:14

“Nyishirage okukumanyîsa ebyâyishira olubaga lwâwe omu nsiku zâyisha, kulya kubà kuciri kubonekerwa okûla wabonekerwa bunôla.”»

Daniyeli 12:6

Muguma muli bo anacibwîra omuntu wali oyambîrhe omushangi gw’ecitâni n’owali enyanya zâbo omu lwîshi erhi: «Mangaci byâhwa ebîra bintu by’okusômeza?»

Daniyeli 12:7

Nanaciyumva izù ly’oyôla muntu waliyambirhe ogw’ecitâni anali enyanya zâbo omu lwîshi. Ayinamulira okuboko kulyo enyanya omu malunga n’okuboko kumosho, anacilahira oku izîno lya Nnamubâbo ozîne, erhi: «Hano kugera amango, mango garhali manyi n’ecihimbi c’amango na hano bayûsa okufunyâza emisî y’olubaga lutagatîfu, go mango ebyôla byoshi byaâhwa.»

Daniyeli 12:9

Anaciderha erhi: «gendaga wâni Daniyeli, ebwa kubà ebyôla binwa bifulisirwe binafulisirwe kuhika oku mango mazinda.

Daniyeli 8:13

Nanaciyumva omutagatîfu odwîrhe aderha; n’owundi Mutagatîfu anaci­bwîra olya wakazâgiderha erhi: «Okûla kwabà kuhika mangaci kuli ebîra bibonekîne biyêrekîre enterekêro ya ngasi lusiku, obugoma bw’ogu murhwe gwagomaga gwanasherêza byoshi, okûla kuhongolwa kw’ahantu h’okurherekêrera n’oku biyêrekîre ogwôla murhwe, ebyôla byoshi byahonyogolagwa?»

Luka 18:34

Ako kanwa barhakatwâga ihuzihuzi ciru ehitya; lwayôrha luderho lufulike kuli bo, barhanamanyaga kwo kuderha kuci.

Yowane 12:16

Abaganda bâge barhayirukiraga bayumva; ci erhi Yezu abà amâkuzibwa, bakengcra oku ebyo byàli biyandisirwe kuli ye n’oku byo bànali bamujirire.

Ebijiro 1:7

Abashuza, erhi: «Gurhali mukolo gwinyu okumanya ensiku n’amango Larha yêne acîshozire oku bulonza bwâge;

1 Petro 1:11

bacîhangâna okumanya mango gahi na bimanyîso­ bici Omûka gwa Kristu gwabalimwo gwakâg’ibalangûla, erhi gukâbabwîriza, embere bibè, amalumwa ga Kristu n’irenge lyânagakulikire.