Daniyeli 12:1 - BIBLIYA NTAGATIFU OMU MASHI

¹ Muli agôla mango ânayimange Mikaheli ye murhambo mukulu, ye wâyish’ilikûza abâna b’olubaga lwâwe, n’agôla mango gâbà mango ga malumwa galya garhasag’ibonekana bundi kurhenga ishanja linasingwa kuhika muli agâla mango. Na muli agôla mango olubaga lwâwe lwâyôkoka, ngasi yêshi wankabà ayandisirwe omu citabu.

Daniyeli 12:1 ပူးပေါင်းရင်းမြစ်များ

Ennanga 56:8

Nyamuzinda mâshi, obalengere oku bubî bwâbo bunakwânîne, orhang’iluba oher’embaga.

Ennanga 69:28

Obubî bwâbo bujekw’obundi mâshi! n’irhondo barhafàga bâyagîze aha ngombe yâwe.

Izaya 4:3

Okubundi amâhûngà g’omu Siyoni n’emisigala y’omu Yeruzalemu bâderhwa «batagatîfu», balya boshi bali bandike omu citabu c’obuzîne omu Yeruzalemu.

Izaya 9:7

Nyakasane arhumire Yakôbo akanwa, karhinda kuli Israheli.

Yeremiya 30:10

“Nâwe, we mwambali wâni Yakôbo, orhaciyôbohaga kwo Nyakasane adesire, orhacirhe omurhima, wâni Israheli, bulya nyishire nti nkuyôkole mw’ebyo bihugo by’ekulî, nâyôkola n’abâna bâwe, omu cihugo bahêkagwa bujà. Yakôbo agaluka anashubibona obuholo n’omurhûla. Na ntâye wacimurhemula”.

Yeremiya 30:7

“Obuhanya! Lwanabà lusiku ludârhi! Ntà lundi luli nk’olu! Mango ga malibuko kuli Yakôbo cikwône agafulumukamwo mutaraga”.

Ezekiyeli 13:9

Okuboko kwâni nâkubangalaliza balya balêbi b’obunywesi, balya bakaz’ilêba eby’obunywesi: barhakacilabarha omu ndêko y’olubaga lwâni, barhanakaciyandikwa omu citabu c’omulala gwa bene Israheli, barhakacilabarha omu cihugo ca bene Israheli, na ntyo mwanamanya oku nie Nyakasane Nyamubâho.

Ezekiyeli 34:24

“Niono Nyamubâho, nâbà nie Nyamuzinda wâbo, n’omurhumisi wâni Daudi abà ye muluzi wâbaja ekâgarhî; nie Nyamubâho, niene nkudesire”.

Ezekiyeli 5:9

Nâjira ntyôla kuli we oku ntasagijira, ntakanacikujira bundi, n’ecarhuma gali agôla mabî gâwe magalugalu.

Daniyeli 10:13

“Ci omukulu w’obwâmi bw’Abapersi ankozizekwo entambala nsiku makumi abirhi na luguma zoshi ci kwône Mikaheli, muguma w’omu barhambo bakulu ayish’intabâla, na ntyo namulekera eyo ntambala y’abâmi b’e Persi”.

Daniyeli 10:21

“Cikwône nakubwîririra ebiyandisirwe omu citabu c’okunali; ntâye wayish’intabâlakwo abôla boshi okuleka Mikaheli, ye mukulu winyu”».

Daniyeli 11:45

Anatwa ebirâlo ekarhî k’enyanja n’entondo z’ahantu hatagatîfu. Kandi bwânaba bwo buzinda bwâge, na ntâye wankamurhabâla.

Daniyeli 7:10

Olwîshi lunene lw’omuliro lwakazihulula embere zâge. Ebihumbi by’ebihumbi by’abantu byakazimukolera, n’abandi mwandu bali bayimanzire embere zâge. Okutwa olubanja kwarhangira n’ebitahu byabùngûlwa.

Daniyeli 9:12

Ayûkirize ebinwa byâge ebi aderhaga kuli rhwe n’oku bakulu bîrhu bakazâg’irhurhegeka, omu kurhubabaza n’obuhanya bunene, bulya burhasâg’ibonekana bundi idako ly’amalunga, obuhanya buli nk’obûla bwayishiraga Yeruzalemu.

Yoweli 2:2

Lusiku lwa mwizimya n’olwikungu, lusiku luyunjwîre bitù n’omwizizi. Nka kula lukula arhanda emashinji, ntyo kwo engabo y’abantu yâpamuka erhasâg’ibonekana bundi, erhakanacibonekana ciru n’eliguma.

Malakiya 3:16

Yo nshambâlo y’abarhînya Nyamuzinda eyo. Nyamuzinda naye abarhega okurhwiri, ayumva. Ecitabu c’okukengeza ebinwa cayandikirwa omu masù gâge.

Mateyo 24:21

Bulya ezo nsiku zâbà za malibuko garhazig’iboneka kurhenga okulemwa kw’igulu kuhika buno, garhakanaciboneka bundi.

Marko 13:19

“Bulya ezo nsiku zâbà za malibuko garhasâg’iboneka kurhenga Nyamuzinda alema igulu kuhika buno, garhakanaciboneka bundi”.

Luka 10:20

Ci murhashagalukaga oku kubà abà­shetani badwîrhe bammuyumva, ci mushagaluke oku kubà amazîno ginyu gali mayandike omu mpingu».

Barom 11:15

Bulya, akabà okukagwa kwâbo kwadwîrhe omulungano gw’igulu, bici okugaluka kwâbo kwayish’ibà, kurhacibiri kufûka omu bafù?

Barom 11:26

Na ntyôla Israheli yêshi âcunguka, nk’oku biyandisirwe, mpu: Omuciza arhenga e Siyoni; ye warhenza obubî muli Yakôbo.

Befezi 1:21

enyanya bwenêne kulusha ngasi Bwâmi, ngasi Burhegesi, ngasi Buhashe na ngasi Burhwâli, na kulusha ngasi izîno liderhwa, arhali hano igulu hône, ci n’omu igulu lyâyisha.

Bafilipi 4:3

Nâwe Sizigo, murhabâzi wâni muzigirwa, nkuhûnyire obarhabâle; bulya bantabîre okulumîza Emyanzi y’Akalembe, bona Klementi n’abandi barhabâzi bâni. Amazîno gâbo gali mandike omu Citabu c’Obuzîne.

Yûda 1:9

Malahika mukulu Mikaheli erhi ajîsa shetani mbaka anamujîsa kadali oku mubiri gwa Mûsa, arhaderhaga mpu akamubwîra akanwa k’okumulogorhera, ci anaciderha, erhi: «Nyakasane akuhane!»

Mafulûlo 1:5

na Yezu Kristu, muhamîrizi w’okucîkubagirwa, Nfula y’abafîre, na Mwâmi mukulu w’abâmi b’igulu. Ayâgirwe mâshi Oyo orhuzigira anashuka ebyâha bîrhu omu mukò gwâge,

Mafulûlo 12:7

Okubundi entambala yanacizûka emalunga: Mikaheri bo na Bamalahika bâge balwîsa enkuba-joka. Wankuba-joka naye amera omu muherho boshi na Bamalahika bâge.

Mafulûlo 13:8

Abantu boshi b’igulu bacigashâniza, balyâla amazîno gâbo garhàli mandike kurhenga okulemwa kw’igulu omu citabu c’obuzîne c’Omwâna-buzi wabâgagwa.

Mafulûlo 17:14

Bayish’ilwîsa Omwâna-buzi, ci Omwâna-buzi âbahima, bulya ye «Nyakasane wa banyakasane, ye Mwâmi w’abâmi, n’abâli boshi naye nabo bâhime, bo bahamagîrwe, bo bîshogwa, bona bemêzi».

Mafulûlo 20:12

Obwo nanacibona abàfîre, abakulu n’abarho, erhi bayimanzire embere z’entebe. Ebitabu byàbungûlwa; babungûla n’ecindi citabu, co citabu c’obuzîne. Abàfire banacitwîrwa olubanja, ngasi muguma nka kulya ebijiro byâge binakwânîne, nk’oku ebitabu byànali bidesire.

Mafulûlo 20:15

Na ngasi yêshi orhàli muyandike omu citabu c’obuzîne, bâmukwêba omu Cîna n’omuliro.

Mafulûlo 3:5

Owânahime naye ayish’iyambikwa emyambalo myêru; n’izîno lyâge ntà mango nâlizaze omu citabu c’obuzîne; nânayish’ibà muhamîrizi wâge embere za Larha n’embere za bamalahika bâge».

Mafulûlo 7:14

Nâni, nti: «Waliha, wêne omanyire». Anacimbwîra, erhi: «Abo bo ba­lya bazind’irhenga omu malibuko madârhi; bàshusire emyambalo yâbo ba­nayiyêruhiza omu mukò gw’Omwâna-buzi.