Daniyeli 11:6 - BIBLIYA NTAGATIFU OMU MASHI

⁶ “Hano kugera myâka misungunu bashub’inywâna, na mwâli wa mwâmi w’emukondwè ârhumwa emw’omwâmi w’emwênè mpu bayumvikana. Ci obuhashe bw’okubà ko kwâge burhalinde, ciru n’iburha lyâge lyaherêrekera; ayish’ihêkwa bujà, ye yêne kuguma n’abâli bamuhesire, kuguma n’omwâna wâge n’ibà”.

Daniyeli 11:6 ပူးပေါင်းရင်းမြစ်များ

Ayubu 38:15

Anayase ababî obumoleke bwâbo, avune n’amaboko galikola galengerire

Ennanga 10:5

Ngasi mango amâjira gâge kubêra gamubêra; emmanja enyanya zimugera, arhankazirhimanya; abashombanyi bâge boshi kumeshera abamesherakwo.

Ezekiyeli 30:21

«Mwene omuntu, navunyire okuboko kwa Faraoni mwâmi w’e Mîsiri, mwâmi w’e Mîsiri, na lolà oku ntâye wadesire mpu arhuba ecibande câge ahîre kwo obufumu, mpu ahîre kwo ecitambara anakushwêke, lyo ashubibona emisî y’okufumbarha engôrho.

Daniyeli 11:13

“Ebwa kubà oyôla mwâmi w’e Mwênè ashub’ishûbûza ezindi ngabo mwandu kulusha zirya za burhanzi, na hano kugera myâka misungunu anayisha arhabîre n’engabo nnene n’emirasano ya ngasi lubero”.

Daniyeli 11:15

“Omwâmi w’e Mwênè ânayisha arhabîre. anahira engurhu oku lugo luzibu-zibu, okuboko kw’omwâmi w’e Mukondwè kurhâbè na misî minji ciru n’engabo yâge y’entwâli; barhabonc emisî y’okuderha mpu bahagaza”.

Daniyeli 11:40

Hano amango gahika, omwâmi w’emukondwè ânayisha al’irhangula okumulwîsa. Omwâmi w’e Mwênè, anacirhunika kuli ye, ayishe adwîrhe e­ngâlè, banyakulwîra oku nfarasi n’enkuge mwandu, ânayongobera omu bihugo abishandabanemwo, anayunjule mulibyo.

Daniyeli 11:7

“Muguma w’omu mulala gwâge, ayish’ilengerera ahâli hâge; ayish’ilwîsa engabo yâge, ayongoberera omu nyumpa nzibunzibu y’omwâmi w’e Mwênè, anabalwîsa anabahime”.

Zakariya 11:16

Bulya nalonza okurhuma omungere muhyâhya mw’eci cihugo: ârhakashîbirira ebibuzi biri bufà, ârhakalonza ebihabusire, ârhakarhuba ebiyâgalisire, ârhakanalîsa ebicizibuhire. Ci ahâli b’okujira ntyo, âkazirya enyama z’ebishushagîre anakaz’ibivuna ensenyi.