Daniyeli 11:4 - BIBLIYA NTAGATIFU OMU MASHI

⁴ “Hanôla abà amalengerera, obwâmi bwâge bwânagabanyika, bugabwe omu mpande ini z’igulu, ci arhabè oku iburha lyâge, arhanacibone obuhashe ali agwêrhe embere; ebwa kubà obwâmi bwâge bwamagabanyika bwamanahâbwa abandi barhali b’omu iburha lyâge”.

Daniyeli 11:4 ပူးပေါင်းရင်းမြစ်များ

Ennanga 39:6

Ensiku zâni wazijizire za makoro abirhi, n’okulama kwâni kuli nka ntâkwo omu masù gâwe, ngasi muntu kwo anali nka mûka kwône.

Muhanûzi 4:8

Rhuderhe omuntu ôli kahumba: orhajira mwâna arhajira na wâbo: omukolo gwâge gurhaheka, n’amasù gâge garhajira oku gankagala. Obwôla kwo biri ntyo, ndi ndwîrhage nâkolera nieki mbule bwanacîsîmîsa? Nanga birhali byo; kunali kurhebwa.

Yeremiya 12:15

Cikwône hano mbà namâbashugula, nâshubibabêra bwonjo, nshubibagalula ngasi muguma omu kashambala kâge, ngasi muguma omu ishwa lyâge.

Yeremiya 12:17

Cikwône bakabula buyumva olwo lubaga nânalushugula, nna­nduherêrekeze, Kanwa ka Nyakasane.

Yeremiya 18:7

Hali amango nderha nti lubaga lulebe erhi bwâmi bulebe, nabushugula, mbuhongole, mbushâbe.

Yeremiya 31:40

Ngasi lubanda, n’emifù yabishirwemwo, n’oluvù lulimwo, na ngasi malambo kuhika oku mubunda gw’e Cidroni, na kuhika oku lumvi lw’enfarasi, olundi lw’e bushoshôkero bw’izûba, byoshi byamberûlirwa. Ntà kashâko erhi isherêza byanâciderhwe.

Yeremiya 45:4

Ntya kwo Nyakasane adesire: «Eyi nali namâyûbaka nayishâba, ebi nali namârhwêra nabishugula: igulu lyoshi nâhukula.

Yeremiya 49:36

“Empande ini z’igulu nâzirhumira Elamu, kurhenga ebulyo kuhika ebulembe, ebushoshôkero bw’izûba n’ebuzikiro bwâlyo, Nâbashandâza empande zoshi. Ntà cihugo cirhabemwo Abaelamiti bajà bayâka”.

Ezekiyeli 37:9

Anacimbwîra, erhi: Obwîre Mûka ebinwa by’obulêbi, wâni mwene omuntu, obwîre mûka erhi: Ntya kwo adesire Nyakasane Nyamubâho, erhi: Oyîshe, we Mûka orhenge ebwa mpande inni z’igulu obûhire omûka muli abà bànizirwe lyo bashubilama.

Daniyeli 7:2

Daniyeli anacijà omu kanwa aderha erhi: Nakazâgilola erhi mbonekerwa budufu, nalola oku empûsi inni z’oku nkuba zanacizûsa emilaba omu nyanja nênênè.

Daniyeli 7:6

Enyuma z’aho nashubikazilola nanacibona ensimba ya kasharhu, yali eshushire engwi n’oku mugongo gwâyo kwàli byûbi binni biri nka bya kanyunyi, n’eyôla simba yali egwêrhe marhwe anni, banaciyiha ohwâmi.

Daniyeli 7:8

Oku ndwîrhage nalolêreza agôla mahembe, nanacibona erindi ihembe lisungunu kulusha ag­âbo, lyamera ekarhî kâgwo, na mahembe asharhu muli agôla ga burhanzi gwakûlwa n’eryôla ihembe; nalola oku ery’ihembe lyàli ligwêrhe amasù gali nka ga muntu n’akanwa kakazâg’iderha bintu binji binji.

Daniyeli 8:22

lhembe lyavunikaga, n’aha lyàli hamera mahembe a­nni, bali bâmi bâni barhenga omu ishanja liguma, nabo bâkazilwa ci barhâbè n’emisî eri nka eyalyo.

Daniyeli 8:8

Ecôla cihebe c’omucûkà canacikula bwenêne, n’erhi cibà coshi cazibuhirage, lirya ihembe linene lyanacivunika na ngandi mahembe anni ganacimera ahâli ha lirya gayêrekera empande z’igulu oku ziri ini.

Zakariya 2:6

Namudôsa, nti: «Ngahi wajà?» Anshuza, erhi: «E Yeruzalemu, nagend’igèra obulî n’obugali bwâyo.»

Zakariya 6:5

Anshuza, erhi: «Ezo zo mpûsi ini. Zàli aha burhambi bwa Nyakasane w’igulu lyoshi, lêro buno zamâmurhengagabwo.»

Mateyo 12:25

Yezu erhi acimanya enkengêro zâbo, ababwîra, erhi: «Ngasi bwâmi buciberamwo, kukulumba bukulumba; na ntà cishagala erhi nyumpa ecibeziremwo eyimanga.

Luka 12:20

“Ci Nyamuzinda anacimubwîra, erhi”: “Eci cingolongolo!” “Kali obu budufu bw’ene bayish’ikuyanka omûka!” “N’ebyo walundisire byayishig’ibà bya ndi obwo?”

Mafulûlo 7:1

Enyuma ly’okwo, nabona bamalahika bâni bayimanzire oku marhwêrhwè anni g’igulu, erhi bashwêsire empûsi z’igulu oku zinali ini, mpu zakanahûkiza oku cihugo, nîsi erhi oku nyanja, nîsi erhi oku murhi.