Daniyeli 11:18 - BIBLIYA NTAGATIFU OMU MASHI

¹⁸ “Okubundi anabà ebwa lunda lw’ebizimba yo akola ayêrekera, anarhôla binji muli byo ci musirika muguma mukulu amucika mpu arhabashârhirekwo, ciru kuhika âyabirwa okugalula ebijâci oku bindi”.

Daniyeli 11:18 ပူးပေါင်းရင်းမြစ်များ

Esteri 10:1

Mwâmi Asuerusi arhegeka okuvurhîsa omu cihugo câge coshi n’omu ngasi bindi bihugo byanali omu nyanja.

Izaya 66:19

Nâbahebakwo ecimanyîso, na balya bafulumukaga olufù muli bo, nâbarhuma emw’amashanja: e Tarsisi, e Puti n’e Ludi -emwa balya bafôla omuherho--, nâbarhuma e Tubali, e Yavani n’omu birhwa bya kulî-kulî, birya birhasâg’iyumva naderhwa birhanasâg’ibona irenge lyâni; bâyîsh’imanyîsa irenge lyâni.

Yeremiya 2:10

Murhangija omu birhwa bya Kitimi mubone, nîsi erhi murhume abajà e Kedari! Muyumvîrhize munalole bwinjà, erhi bakola babwîne ebiri ntyo.

Yeremiya 31:10

Mwe bihugo by’e mahanga, yumvi akanwa ka Nyakasane! Munakayâlize oku birhwa biri kulî; mukaziderha erhi: «Nyakasane alirhanziri shandâza Israheli, lêro amâshubimukumakuma erhi àmushîbirira nka kula lungere ashîbirira ebibuzi byâge.

Ezekiyeli 27:6

Bakujirira engasi n’emirhi minênênè y’e Bashani. Bakuyûbakira irheme ly’ihembe ly’enjavu lishomeke ekarhî k’emiyerezi y’omu bizimba bw’e Kitimi.

Hozeya 12:14

Ci kwône, oku kanwa k’omulêbi, Nyamuzinda âyinamula Israheli e Mîsiri, âlangwa n’omulêbi.

Sofoniya 2:11

Nyakasane ânabè Nyandumà kuli bo, âherêrekeza banyamuzinda b’obunywesi boshi b’omu igulu, amashanja goshi g’oku birhwa ganamuharâmye, gamufukamire, ngasi liguma omu cihugo câlyo.

Mateyo 7:2

Oku mwânatwe oluli omu mwabene, kwo mwâtwîrwe oluli omu mwinyu, n’omulengo mwalengeremwo abandi gwo ninyu mwâlengerwemwo.

Bacîranuzi 1:7

Adoni-Bezek anaciderha, erhi: «Hali bâmi makumi gali nda bali batwe amanò manene emagulu, n’ebyunkumwe emaboko, bakazâgirhôlogola ebiryo by’obuhungumukiza bw’oku cîbo câni; oku nakazâgijira kw’oku Nyamuzinda amangalulira». Bamuhêka e Yeruzalemu agendifirayo.