Daniyeli 11:11 - BIBLIYA NTAGATIFU OMU MASHI

¹¹ “O­mwâmi w’e mukondwè anakunira, anakomekera agend’imulwîsa, agend’ilwîsa oyôla mwâmi w’e mwênè, anayisha adwîrhe engabo mwandu, n’erya yindi ngabo balilwîsa yanacihâna emunda ali”.

Daniyeli 11:11 ပူးပေါင်းရင်းမြစ်များ

1 Bâm 20:13

Mw’ago mango mulêbi muguma aj’ibwîra Ahabu, erhi: «Nyakasane adesire ntyâla: K’obwîne ogwo mwandu gw’abantu? Ene nakufumbasagwo lyo omanya oku nie nandi Nyakasane.»

1 Bâm 20:28

Omuntu wa Nyamuzinda anacij’emunda mwâmi wa bene Israheli ali, amubwîra, erhi: «Nyakasane amâderha ntya: Kulya kubà Abaharamu bàdesire mpu Nyamuzinda ali muzimu w’omu mpinga ci arhali Nyamuzinda w’omu rhubanda, nkolaga nakuhà eyo ngabo, na ntyo wanamanya oku nie mbà Nyakasane.»

Ennanga 76:10

Nyamuzinda ayimuka obwo mpu aj’itwa emmanja, anagalukire abanyinyi babà okw’igulu.

Yeremiya 27:6

“Bunôla, ebyo bihugo byoshi nabihizire omu nfune za Nabukondonozori, mwâmi w’e Babiloni, mwambali wâni; namu­gabîre ciru n’ensimba z’erubala mpu zimushige”.

Daniyeli 11:12

“Ogwôla mwandu amâhira eburha­mbî, gwânarhuma omurhima gwâge gucishinga; âyish’iyîrha ebihumbi by’abà­ntu, ci arhahashihime n’emisî”.

Daniyeli 11:40

Hano amango gahika, omwâmi w’emukondwè ânayisha al’irhangula okumulwîsa. Omwâmi w’e Mwênè, anacirhunika kuli ye, ayishe adwîrhe e­ngâlè, banyakulwîra oku nfarasi n’enkuge mwandu, ânayongobera omu bihugo abishandabanemwo, anayunjule mulibyo.

Daniyeli 11:44

Ci kwônene emyanzi yarhenga olu­nda lw’e buzûka-zûba n’olunda lw’emwênè yâmufudusa okubundi ânagenda n’obukunizi bunenene mpu agend’iyîrha n’okumalîra embaga.

Daniyeli 11:5

“Omwâmi w’e mukondwè âyish’ibà wa misî minji kuguma na omurhambo wâge mukulu w’amatabâro, ciru n’oyôla murhanzi ayish’ibà muzibu kumulusha, anabè ye yîma; obwâmi bwâge bwanayish’ibà bwâmi bunene bwenêne”.

Daniyeli 2:38

“na ngasi habà muntu n’ensimba z’erubala, n’enyunyi z’emalunga byoshi abihizire omu maboko gâwe: we oligi lirya irhwe ly’amasholo”.

Daniyeli 8:7

Canacikoza erya ngandabuzi, byàrhulubana, canacitumirha erya ngandabuzi, canayivuna galya mahembe abirhi, eyo ngandabuzi erhàligwêrhe emisî y’okucilwisa, cayirhimba oku idaho, canarhondêra okuyihonyogola, na ntâye wankahashire okulîkûza eyôla ngandabuzi kuli ecôla cihebe.