Ben Levi 9:6 - BIBLIYA NTAGATIFU OMU MASHI

⁶ Okubundi Mûsa anacibabwîra, erhi: «Mujire oku Nyakasane amurhegeka, na ntyo mwabona irenge lyâge».

Ben Levi 9:6 ပူးပေါင်းရင်းမြစ်များ

Lubungo 16:10

Oku Aroni acidwîrhe aganîza Bene-Israheli boshi, banaciyerekera ebw’irungu: ho n’aho irenge lya Nyakasane lyanacibonekana omu citù.

Lubungo 24:16

Irenge lya Nyamubâho lyàbêra oku ntondo ya Sînayi, eco citù cayibwika nsiku ndarhu zoshi. Olusiku lwa kali nda, anacihamagala Mûsa omu kâgarhî ka cirya citù.

Lubungo 29:43

Aho ho nakazishimânana na Bene Israheli, n’ahôla hantu irenge lyâni lyahajira hatagatîfu.

Ezekiyeli 43:2

Nalola oku irenge lya Nyamuzinda w’Israheli lyamârhenga olwo lunda lw’ebuzûka-zûba, Lyàyisha lyajira olubî nka mîshi manji gayisha gahûma, n’igulu lyayunjula bulangashane bw’eryo irenge lyâge.

Ben Levi 9:23

Mûsa boshi n’Aroni, banacijà omu kagombe k’endêko, barhengamwo, bagisha olubaga, n’irenge lya Nyakasane lyabonekana omu lubaga lwoshi.

Ben Levi 9:5

Banaciyisha badwîrhe embere z’akagombe k’embugânano ebi Mûsa anarhegekaga; olubaga nalwo lwayegera lwadêka embere za Nyakasane.