Ben Levi 7:35 - BIBLIYA NTAGATIFU OMU MASHI

³⁵ Eco co cigabi ca Aroni oku nterekêro nsingônola, na kandi co c’abagala olusiku Aroni abayêrekana emwa Nyakasane mpu babè badâhwa bâge.

Ben Levi 7:35 ပူးပေါင်းရင်းမြစ်များ

Lubungo 28:1

Ci w’oyo, muli bene Israheli, oyegeze aha burhambi bwâwe mwene winyu Aroni ye n’abagala, omujire mudâhwa wâni: Aroni, Nadabu, Eleyazari na Itamara, bagala ba Aroni.

Lubungo 29:1

Alaga oku wakazibajira ly’obarherekêra omu budâhwa bwâni: orhôle empanzi ntôrhò na nganda-buzi ibirhi zirhalikwo izâbyo

Lubungo 29:21

Orhôle kuli ogwo mukò guli oku luhêrero, n’amavurha gw’okucîshîga, oshahulize kuli Aroni n’oku myambalo yâge, oku bagala n’oku myambalo yâbo. Ajirwa ntyo Mutagatîfu yêne n’emyambalo yâge, n’abagala n’emyambalo yâbo.

Lubungo 29:7

orhôle amavurha g’okushîga, omubulagirego oku irhwe, omushîgego.

Izaya 10:27

Olwo lusiku, omuzigo gw’Asîriya gwakurhenga aha lurhugo, n’omurhamba gwâge gwakurhenga omu igosi, n’ahâli h’omurhamba, bukola bwâbà buhirhi. Omushombanyi ahika hôfi

Izaya 61:1

Omûka gwa Nyakasane Nyamubâho guli kuli nie, bulya Nyakasane anshîzire amavurha; antuma mpu ngend’iyigîriza abakenyi emyanzi y’akalembe, nfumye abababîre omu murhima, nyâlîze omwanzi gw’obuyôkozi emwa abâli omu bujà, nnambwîre abâli omu mpamikwa oku balîkûzibwa;

Ben Levi 8:30

Mûsa anacirhôla kuli galya mavurha matagatîfu na kuli gulya mukò gwàli oku luhêrero, abishahulizakwo Aroni n’abagala n’emyambalo yâbo.

Yowane 3:34

“Oyu Nyamuzinda arhumaga, binwa bya Nyamuzinda aderha, bulya Nyamuzinda nka ahâna Mûka Mutagatîfu arhagera”.

2 Bakorinti 1:21

Orhuzibuhya haguma ninyu muli Kristu n’owarhushîgaga amavurha, ye Nyamuzinda,

1 Yowane 2:20

Mwêhe mwashîzirwe amavurha n’Omwimâna, na ntyo mweshi mugwêrhe obumanye.

1 Yowane 2:27

Mwêhe, amavurha mwashîgagwa naye gammulimwo, na ntà bulagîrire mugwêrhe bw’okubwîrizibwa n’omuntu. Ci kulya kubà obushîge bwâge bummubwîriza byoshi, na bulya buli bw’okuli burhanali bunywesi, musêrage muli ye nk’oku bammuyigîrizize.

1 Samweli 2:28

“Nacîshozire sho omu milala y’Israheli mpu mujire mudâhwa wâni wakarheremera oku luhêro lwâni; akatumbûsa omugî gw’obukù, anakaziyambala ecishûli c’obudâhwa (efodi) embere zâni. Nahîre ab’enyumpa ya sho ngasi nterekêro y’abâna b’Israheli”.