Ben Levi 7:21 - BIBLIYA NTAGATIFU OMU MASHI

²¹ Na ngasi yêshi ohumire oku bintu bigalugalu, bibè bya muntu bibè bya nsimba, erhi bya kandi kantu k’okuhumânya, agal’icîshomya okulya oku nterekêro y’okushenga Nyakasane omurhûla, oyôla anakagwe omu lubaga lwâbo.

Ben Levi 7:21 ပူးပေါင်းရင်းမြစ်များ

Murhondêro 17:14

Orhali mukembûle, omulume barhatwîri ehishisha hy’oku bulume bwâge, oyôla kukwânîne akagwe omu bûko bwinyu, bulya arhakenziri endagâno yâni».

Lubungo 12:15

«“Mushinge nsiku nda zoshi mwalya emigati erhalimwo lwango. Kurhangirira oku lusiku lurhanzi, murhenze ngasi lwango omu nyumpa zinyu. Ngasi yêshi wanalye omugati gulimwo olwango kurhenga oku lusiku lurhanzi kuhika oku lwa kali nda, oyo akagwe muli Bene-Israheli”.

Lubungo 12:19

“Nsiku nda zoshi olwango lurhabonekanaga omu nyumpa zinyu. Na ngasi yêshi wankalya omugati gulimwo olwango, abè cigolo erhi muburhwa w’omu cihugo, oyo anakagwe omu mulungano gwa Bene-Israheli”.

Ezekiyeli 33:25

Co carhuma wajibabwîra, erhi: Ntyâla kwo adesire Nyakasane Nyamubâho: Munakazilya enyama n’omukò gwâyo, munakazirherekêra abazimu, munakazibulaga omukò, mwamânabuliderha mpu ecihugo ciri cîrhu!

Ezekiyeli 4:14

Okubundi nanaciderha nti: Mashi! Nyakasane Nyamubâho, iroho lyâni linyinyi­ lirhahemusiri. Kurhenga e burho bwâni kuhika bunôla, ntà mango ciru n’ama­guma nkola ndîre enyama yaniolagwa igosi, nîsi erhi eyi bàsharhulaga, ntà mango enyama ngalugalu ekola enjîre e kanwa.

Ben Levi 11:20

Ngasi hinyagâsi hibalala, erhi hiyandalira oku magulu, mubè nshishinye yabyo.

Ben Levi 12:1

Nyakasane anacibwîra Mûsa, erhi:

Ben Levi 17:10

Ngasi muntu w’omu nyumpa y’Israheli kandi erhi mubunga, erhi ankalya omwamba gwa cintu cilebe, nanakunirira oyo muntu wacìshomagya alya ogwo mwamba kandi nanamukaga muli bene wâbo.

Ben Levi 17:14

Bulya omukò bwo buzîne bwa ngasi cintu, nanabwizire bene Israheli, nti: Murhahîraga mukalya omwamba bulya obuzîne bwa ngasi cintu omu mwamba bubà, n’owankacîshomya mpu agulya, anayirhwe.

Ben Levi 18:29

Nêci, ngasi wankajira amaligo ga bene ago, anakagwa muli bene wâbo.

Ben Levi 19:8

Owankalyakwo yêne ocîhesize obuhanya bwâge, ebwa kubà anahemwire ebyarherekîrwe Nyakasane. Oyôla muntu anakagwe omu lubaga lwâbo.

Ben Levi 20:3

nâni namushomba nnamukage omu lubaga omu kubona ahânaga muguma omu bâna bâge emunda Moleki ali na kandi omu kubona ahemwire aka-Nyamuzinda kâni haguma n’izîno lyâni litagatîfu.

Ben Levi 22:3

Onababwîre oku erhi ngasi muntu w’omu bûko bwinyu, yêshi ankabà azizire, agal’iciîshomya mpu ayêgera obwangà butagatîfu bw’ebi bene Israheli banterekêra, oyôla muntu akola ayôsire ali mukâge embere zâni.

Ben Levi 22:4

Ntà muntu w’omu bûko bwa Aroni wankabà mubenzi erhi mushomyo wankalya oku bwangà bwimâna arhanacicêsibwa. Kwo na kuguma n’owundi muntu wankahuma kuli ngasi kantu omufù gwahemwîre, nîsi erhi omuntu ogeza emburho.

Ben Levi 23:29

Ngasi muntu wankabula kucîshalisa mw’olwo lusiku ali wa kurhenzibwa omu lubaga lwâge.

Ben Levi 7:20

Erhi omuntu ankabà ahumanyire agal’ilya kuli erya nyama y’enterekêro y’omurhûla barhûlaga Nyakasane, agwâsirwe okukagwa omu lubaga lwâbo.

Ben Levi 7:22

Nyakasane abwîra Mûsa, erhi:

Ben Levi 7:25

Bulya ngasi wankalya oku mashushi g’ecintu barherekêraga Nyakasane anakagwe omu lubaga lwâbo.

Ben Levi 7:27

Owankalya omukò mulebe, banamukage omu lubaga lwâbo.

Mibalè 19:22

Ehi akahumwakwo oli mugalugalu, nahyo hinabè higalugalu, n’omuntu wankahihumakwo naye anabè mugalugalu kuhika bijingo

Lushika 14:10

Ci ezirhajira mishûgi y’emugongo zirhanajira njula murhakazirya; ezo mukazizilola nka za kuhumânya.

Lushika 14:3

Orhahîraga okulya akantu k’okushologosa.

1 Samweli 20:26

Saulu arhaderhaga kanwa mw’olwo lusiku, bulya amacîkêbwa mpu: «Nkaba hali okubî kwamuhonîre, erhi nkaba arhali acîre bulya arhali acicîyôbôla».