Ben Levi 6:20 - BIBLIYA NTAGATIFU OMU MASHI

²⁰ Ngasi yêshi wankahuma oku nyama yayo, anabè Mutagatîfu. Erhi omukò gwâyo gwankashahukira oku mwambalo, halya gwashahukiraga hanagend’ishukirwa ahantu hatagatîfu.

Ben Levi 6:20 ပူးပေါင်းရင်းမြစ်များ

1 Nganîro 23:29

N’okukereka emigati mulongo oku mêza gwàli mukolo gwâbo; okurheganya enshâno ya ngasi lubero. Bàgwêrhe n’omukolo gw’okulanga engero z’omu ka-Nyamuzinda, ez’obuzirho n’ez-obulî.

Lubungo 16:36

Oyo nnamâha cibà cigabi ca kali ikumi ca Efa.

Lubungo 29:2

n’omugati gurhalimwo lwango, emigati y’olununîrizi erhalimwo lwango yavungiragwa omu mavurha, n’orhugati rhw’olununîrizi rhurhalimwo lwango, rhushîge amavurha, obijire n’enshâno y’omulà gw’engano.

Ben Levi 23:13

Enterekêro y’enkalangè yayilusa ebè ya bigabi bibirhi bya kali ikumi by’omulengo gw’enshâno enozire mvanganye n’amavurha, nka nterekêro nsingônola n’omuliro, nterekêro ya buhumule bwinjà embere za Nyakasane, irivayi ly’okusûza, canabâ cigabi ca kani c’omulengo.

Ben Levi 5:1

Erhi hankajira owahirima omu câha, omutwî w’emmanja akahamagala omuhamîrizi n’oyo muhamîrizi akabula okuderha eby’okuli anabibwîne kandi erhi abimanyire, oyôla anacibarhuza obubî bwâge yêne.

Ben Levi 5:11

Erhi ankabula ago mahali abirhi g’empinga nîsi erhi ezo ngûkù ibirhi, anarhûle ecigabi ca kali ikumi c’enshâno enozire y’omu kwâge ebè nterekêro oku byâha byâge, arhabulagiraga mavurha nîsi erhi nshangi oku nyanya, bulya eri nterekêro y’okushukûlwa ebyâha.

Ben Levi 6:11

Ngasi mulume omu bâna ba Aroni analyakwo. Lirigi irhegeko ly’ensiku zoshi oku iburha linyu na ngasi yêshi wankahumakwo anabà Mutagatîfu.

Ben Levi 6:19

Omudâhwa wahânaga enterekêro y’okushukûla ebyâha, yeki wankalya eyo nyama, ayirire ahantu hatagatîfu omu cirhînyiro c’akagome k’endêko.

Mibalè 28:10

Enterekêro y’olwa ngasi Sabato, yakazihirwa oku nterekêro ya ngasi mango n’embulagwa y’okunywa. C. Enterekêro z’omwêzi gwabaluka

Mibalè 28:3

Ojibabwîra, erhi: Alagi enterekêro mwakazihà Nyamubâho: A. Enterekêro ya ngasi lusiku Ngasi lusiku: bâna-buzi babirhi ba mwâka muguma; babè barhagwêrhi ishembo, bakazihânwa ngasi mango.

Mibalè 4:16

Eleazari, mwene Aroni, omudâhwa, âbà n’omukolo gw’okukazilanga amavurha g’ecinâra, obukù bw’akisûnunu kinjà, eby’enterekêro ya ngasi mango, n’amavurha g’okushîga. Abà n’omukolo gw’okukazilanga Endâro yoshi, n’ebibâmwo byoshi, omu bimâna n’ebirugu byamwo.»

Bahabraniya 5:1

Nêci, ngasi mudâhwa mukulu ali murhôle omu bantu, ayîmikwa mpu akâsengerera abantu omu biyêrekîre Nyamuzinda, anarhûle entûlo n’e­nterekêro oku byâha.

Bahabraniya 7:27

Yêhe ntà bulagîrire agwêrhe, aka abandi badâhwa bakulu, b’okurhûla enterekêro ngasi lusiku, burhanzi oku byâha byâge yêne, n’oku byâha by’olubaga: okwo àkujizire oku caligumiza, erhi àcîhâna yêne nterekêro.