Ben Levi 4:27 - BIBLIYA NTAGATIFU OMU MASHI

²⁷ Erhi ankabà muganda kwônene omu lubaga ye wahemusire, omu kuvuna irhegeko lya Nyakasane, arhanali akutwire ihuzihuzi, anacîbihize bulya anajizire okuhanzîbwe n’irhegeko lya Nyakasane.

Ben Levi 4:27 ပူးပေါင်းရင်းမြစ်များ

Ennanga 19:13

Ndi wankamanya amabî gâge? Ombabalire ngasi bubî bucînfulisiremwo.

Lubungo 12:49

Irhegeko libè lyo na lirya oku muburhwa w’omu cihugo n’oku mubunga ôbà muli mwe.»

Ezekiyeli 45:17

Ci mwâmi ye âbà n’omukolo gw’enterekêro z’ensirîra, ez’enkalangè, ez’embulage oku nsiku nkulu, oku kubaluka kw’emyêzi n’oku nsiku za Sabato, n’oku nsiku nkulu zoshi za bene Israheli, ye wâkajira eby’enterekêro oku câha, eby’enterekêro y’enkalangè, eby’ensirîra n’ebya enterekêro z’okuvuga omunkwa, omu kuhûna okuyôbôlwa kwa bene Israheli.

Ezekiyeli 45:20

Wânajira kwa bene okwôla oku lusiku lwa kali nda oku muntu wamâjira ecâha buzira kumanya nîsi erhi ebwa kuhabuka, ntyo wanayôbôla enyumpa.

Ben Levi 4:13

Erhi ankabà olubaga lwa bene Israheli lwoshi lwo lwahemusire, omu kujira ecâha cibonera, omu kujira akantu kahanzîbwe n’amarhegeko ga Nyakasane ciru ankabà olubaga lurhakutwiri ihuzihuzi,

Ben Levi 4:2

Oj’ibwîra bene-Israheli oku: erhi omuntu ankavuna irhegeko liguma omu ga Nyakasane buzira luhinzo, kandi erhi ajire akantu kahanzîbwe.

Ben Levi 4:22

Erhi ankabà omurhambo ye wajizire ecâha, omu kuhemukira Nyakasane buzira kumanya, bulya amavuna irhegeko lya Nyakasane, Nyamuzinda wâge, kwanarhuma ajira ecâha,

Ben Levi 5:17

Omuntu akahemuka, n’omu kuhemuka kwâge, akajira akantu kahanzîbwe n’amarhegeko ga Nyakasane buzira kumanya, oyo muntu yêne dolo agwêrhe obubî, yêne abarhwîre omuzigo gw’obubî bwâge.

Ben Levi 9:15

Kandi ahâna enterekêro y’okushukûla olubaga, ayanka ecihebe cal’ihanyirwe n’olubaga c’okujira enterekêro y’okushukûla ebyâha byâlwo. Erhi abà amacibâga, ajiramwo enterekêro y’okuhyûlira ebyâha nka kulya anajiraga entanzi.

Mibalè 15:16

“Irhegeko lyabà liguma lyonene, n’engeso yâbà nguma yonene, oli kuli mwe, oli oku cigolo ciyûbasire emwinyu.”»

Mibalè 15:22

«Erhi mwankajira ecâha omu kuhabuka bulya murhashimbaga galya marhegeko gâni namuhâga kuli Mûsa,

Mibalè 15:27

“Erhi akabà muguma yênene wajizire ecôla câha c’okuhabuka, oyôla muntu anarherekêre empene ya mwâka muguma oku nterekêro y’ecâha”.

Mibalè 15:29

“abè mwene Israheli erhi cigolo. Mwâbà n’irhegeko liguma erhi hankajira owajira ecâha omu kuhabuka”.

Mibalè 5:6

Obwîre bene Israheli. Erhi hankajira muguma, abè mulume abè mukazi wajira câha cirebe muli birya bibabaza omulungu, omu kugomera Nyakasane, na ntyo yêne acîjire mubî.