Ben Levi 26:6 - BIBLIYA NTAGATIFU OMU MASHI

⁶ Nâhira omurhûla omu cihugo cinyu, mwâkaz’ihunga na ntâye wamufudusa, ensimba z’ebiryanyi, nazilibirhakwo omu cihugo cinyu, n’engôrho erhakacigera omu cihugo cinyu.

Ben Levi 26:6 ပူးပေါင်းရင်းမြစ်များ

2 Bâm 2:24

Ayêrekera emunda bali abalola abahehêrera okw’izîno lya Nyakasane. Lêro nsimba ibiri zarhenga omu muzirhu zashanshanyula makumi anni na babiri muli balya bânarhabana.

1 Nganîro 22:9

“Ci wayîshiburha omwâna: àyîshibà muntu wa murhûla, ntanazige abashombanyi bamuzungulusire barhwanza ogwo murhûla gwâge. Akaziderhwa izîno lya Salomoni, -kwo kuderha 'Murhûla'- bulya omu kalamo kâge koshi nâyishihà Israheli omurhûla munji”.

2 Nganîro 20:30

Obwâmi bwa Yozafati bwarhamûka, na Nyamuzinda wâge amuhà okuluhûka empande zoshi.

Ayubu 11:19

Wanaluhûkaga na ntâye wacikuhûgûga, na banji bashub’iyisha bali kusengera.

Ayubu 5:23

Wanywâna n’amabuye g’omu ishwa, oyinjibane n’eby’erubala biyôna.

Ennanga 144:14

Enkafu zîrhu ziburhane, rhurhanazimbagwa erhi kunyagwa, ntyo harhabaga ndûlù omu mihanda yîrhu.

Ennanga 147:14

Amaziko gâwe agalanzire, akugaza n’emburho y’emyâka yâwe.

Ennanga 29:11

Nyakasane ye wâyîsh’ihà olubaga lwâge emisî, Nyakasane ye wâyîsh’igisha ishanja lyâge omu kulihà. omurhûla.

Ennanga 3:5

Nkayâkûza Nyakasane anayumve anayumve izù lyâni oku ntondo yâge ntagatîfu.

Ennanga 4:8

Waliha Nnâmahanga, omurhima gwâni oguyunjuze masîma, galushire ag’amango engano n’irivayi lyâbo biyêzire.

Ennanga 85:8

Yâgirwa mâshi, orhuyêrekeze olukogo lwâwe onarhucize

Lubungo 23:29

“Ntâbalibirhekwo embere zâwe oku câligumiza omu mwâka muguma, lyo ecihugo cirhagisigala bwâmwa, lyo n’ebiryanyi bilekiluga, bikurhindibuze”.

Migani 3:24

Aha kugwîshira orhâyumve côbà, n’amango okola ogwîshîre, irô lyâwe lyâbà linunu.

Migani 6:22

Gakazikuhabûla omu njira zâwe, gakuyimangire amango oli irô, gakuganîze amango watulûka.

Izaya 35:8

Hâyîsh’ibà omulimbwa gwakûz’iderhwa njira ntagatîfu. Abarhacîri barhakayigeramwo, bulya Nyakasane yêne wayîsh’iyîgula eyo njira, n’orhudundaguzi rhurhakaderha mpu rhwâhabukiramwo.

Izaya 35:9

Murhakabonekana ntale, na ntà nsimba nkali yânâlabarhemwo; nanga, erhakabonekanamwo, ci abacungule bo bakâyigeramwo.

Izaya 45:7

Nie njira obulangashane, nie nandema omwizimya, nie mpâna iragi ndêrhe n’obuhanya, niono, nie Nyakasane okola e­byo byoshi.

Izaya 9:7

Nyakasane arhumire Yakôbo akanwa, karhinda kuli Israheli.

Yeremiya 30:10

“Nâwe, we mwambali wâni Yakôbo, orhaciyôbohaga kwo Nyakasane adesire, orhacirhe omurhima, wâni Israheli, bulya nyishire nti nkuyôkole mw’ebyo bihugo by’ekulî, nâyôkola n’abâna bâwe, omu cihugo bahêkagwa bujà. Yakôbo agaluka anashubibona obuholo n’omurhûla. Na ntâye wacimurhemula”.

Yeremiya 31:26

Na ntyo ene nzûka, namâbona oku îrò lyantabîre.

Ezekiyeli 14:15

Erhi nankaleka ebiryanyi bikazizungula omu cihugo, bikazicirya abâna cirinde cisigala bwâmwa, mulya omuntu arhankacicîgeza erhi kuyôboha ebiryanyi kurhuma,

Ezekiyeli 14:17

Erhi na­ nkaheka engôrho muli ecôla cihugo, nkaderha nti: «Engôrho egere muli ecîra cihugo, nânanigûzamwo abantu n’ebintu».

Ezekiyeli 14:21

Ntyâla kwo adesire Nyakasane Nyamubâho: «Ciru erhi nankarhôla galya mahanya gâni anni g’okujugumya, engôrho, ecizombo, ebiryanyi n’ecihûsi, nka bihonda kuli Yeruzalemu, lyo mpezamwo ebintu n’abantu,

Ezekiyeli 34:25

“Nâjira haguma nabo endagâno y’omurhûla; nârhenza ensimba nkali omu cihugo, bagendiyûbaka n’omurhûla omu irungu, banakaz’irhegeka omu mizirhu.”

Ezekiyeli 34:27

“Omurhi gw’omu mashwa gwanaleheka n’idaho lyanayêramwo emburho zâge, bâbà n’omurhûla omu budaka bwâbo na ntyo banamanya oku nie na ndi Nyamubâho hano mvuna emirhamba y’omuzigo bakazâg’ihêka, na hano mbalikûza kuli ngasi bakazâg’ibalibuza”.

Ezekiyeli 5:17

Nâkurhumira ecizombo n’ebiryanyi bikali bikazikulya abâna; ecihûsi n’omukò byâgera emwâwe. Nâkurhurnira n’engôrho ekumalîre. Nie Nyamubâho okudesire.

Hozeya 2:18

Olwo lusiku lêro, -kwo Nyakasane adesire-, wanderha, mpu: «Ibanie», orhacinderhe mpu «Baali wâni».

Hozeya 2:20

Olwo lusiku, nâjira kuli bo eciragâne haguma n’ensimba z’emuzirhu, e­nyunyi z’emalunga n’ebiyandala oku idaho; emiherho, engôrho, n’ebîrha, nâbivuna mbikage omu cihugo, nâmujira adêkerere n’omurhûla.

Ben Levi 25:18

Mushimbe amarhegeko gâni, munalange engeso zâni, na ntyo mwanabà n’omurhûla omu cihugo.

Ben Levi 25:19

Idaho lyanayâna emburho zâlyo, mwanalya munayigurhe oku munalonzize, munabere n’omurhûla.

Ben Levi 26:22

Nanammulikira ebiryanyi byakaz’immulya abâna, bimalîre ebishwêkwa binyu bimmujire bantu ba mahungà, binarhume enjira zinyu zahâmba.

Ben Levi 26:25

Nammurhogezakwo engôrho y’okucîhôlera endagâno yâni, mwacîlundika omu bishagala binyu, nangal’immurhumira ecihûsi ekarhî kinyu, mugali­hwera omu maboko g’abashombanyi.

Ben Levi 26:7

Mwakaz’iminika abashombanyi binyu munabalambike n’engôrho.

Mikeyo 4:4

Ci ngasi muguma akazitamala aha murhi gwâge gw’omuzâbîbu, n’aha idako ly’omurhi gwâge gw’omuzêti, ntâye wâcibakange. Ntyo kwo aka­nwa ka Nyamuzinda w’Emirhwe kadesire.

Sofoniya 3:13

Abàsigîre omu lubaga lw’Israheli barhakacilyalyanya barhakanaciderha bunywesi, barhakacikolêsa olulimi lwâbo mpu bajè bârhebana. Bâkazirya banagwishire erhi na ntâye wacibalibuza abahiramwo ecikango.»

Haggeyo 2:9

“Irenge ly’eyi nyumpa lyalushisa erya mîra, kwo Nyakasane Nyamuzinda w’Emirhwe adesire, na muli aha hantu, nahebaho omurhûla, Nyamuzinda w’Emirhwe okudesire”».

Zakariya 9:10

Ye warhenze engâlè z’ebîrha omu Efrayimu, akûle n’ebihêsi omu Yeruzalemu, n’omuherho gw’ebîrha gwâmanikwa. Amanyîsa omurhûla omu karhî k’amashanja goshi, obwâmi bwâge bwalumîra kurhenga oku nyanja kuhika oku yindi, na kurhenga oku lwîshi lunene kuhika oku kafendefende k’igulu.

Yowane 14:27

“Mmusigîre omurhûla, mmuhîre omurhûla gwâni”. “Ci ntammuhîrigwo kulyâla igulu liguhâna”. “Muhire omurhima omu nda, murhanayôbohaga”.

Ebijiro 12:6

Ci obudufu bonênè Herodi ali alâlîre mpu hano buca, amuhêke embere z’olubaga, Petro erhi agwîshîre ekarhî ka basirika babirhi, n’erhi ashwêsirwe na nkoba ibirhi, n’abalanzi b’empamikwa erhi bali oku lumvi.

Barom 5:1

Ntyo, bulya obuyêmêre bwarhujizire bêru-kwêru, rhukola rhugwêrhe omurhûla na Nyamuzinda muli Nnawîrhu Yezu Kristu,