Ben Levi 26:4 - BIBLIYA NTAGATIFU OMU MASHI

⁴ Amashwa ganayeramwo emburho zâgwo, n’emirhi eyânekwo amalehe gâyo.

Ben Levi 26:4 ပူးပေါင်းရင်းမြစ်များ

1 Bâm 17:1

Eliya w’e Tishibiti omu Galadi abwîra Ahabu erhi: «Nyakasane Nyamuzinda w’Israheli, oyu nkolera, ye ndahîre. Mw’eyi myâka yoshi, harhabà lumè, harhabè nkuba nka ntacikuderha.»

Ayubu 5:10

Ye dubulira enkuba oku idaho, arhume amîshi gahulula omu ishwa.

Ennanga 104:13

We dômera entondo n’amîshi g’omu mpamikwa zâwe, we shalûla idaho n’eby’omu maboko gâwe.

Ennanga 67:6

lgulu lyoshi likukuze linakuvuge omunkwa, Yâgirwa Nnâmahanga; igulu lyoshi likukuze linakuvuge omunkwa.

Ennanga 67:7

Obudaka bwayezire emburho; Nnâmahanga Nyamuzinda wîrhu ye rhuhà omugisho.

Ennanga 68:9

idaho lyàgeramwo omusisi n’amalunga gàdubulira enkuba embere za Nnâmahanga. Sînayi ageramwo ogwa nyegenye omu kubona Nyamuzinda, Nnâmahanga w’Israheli.

Ennanga 85:12

Obudahemuka bukolaga bwajalamuka okw’igulu n’obushinganyanya bw’emalunga bulîkire isù okw’igulu.

Ennanga 85:13

Nyakasane akolaga ahâna ebinja, n’amashwa gayêre garhengwemwo.

Izaya 30:23

Akuniêkeza enkuba oku mburho wânarhwêre omu idaho; ebiryo byânarhenge omu budaka byaluga binanune; mw’olwo lusiku, amasò gâwe ganayabukire omu kahasi kagali.

Izaya 5:6

“Nalujira bigûkà, lurhacife lwâkolwîrwe erhi kushogolerwa; emisihe n’emishûgi yâkaz’ilumeramwo; narhegeka ebitù irhondo birhacihîra bikaluniêsakwo enkuba.”»

Yeremiya 14:22

K’omu bikabulirwa by’amashanja hali eciniêsa enkuba? Ka malunga garhuma enkuba yania? K’arhali we, Yâgirwa Nyamuzinda wîrhu? We rhucîkubagira bulya wekola ebyo byoshi.

Ezekiyeli 36:30

Nâluza amalehe g’oku mirhi n’emburho z’omu mashwa, ntyo murhacikabone enshonyi z’ecizombo omu karhî k’amashanja.

Yoweli 2:22

Ninyu, mwe nsimba z’erubala, murhaciyôbohaga, obuhasi bwamezire, emirhi yayanyire amalehe, emizêti n’emizâbîbu bijagalîre malehe.

Ben Levi 25:19

Idaho lyanayâna emburho zâlyo, mwanalya munayigurhe oku munalonzize, munabere n’omurhûla.

Ben Levi 25:21

Mumanye oku nayîsh’imurhumira omugisho gwâni omu mwâka gwa kali ndarhu, muli gwo mwanayêza emburho mwalya myâka isharhu.

Zakariya 8:12

Nabadubulirakwo omurhûla: emirhi yayâna emizâbîbu, obudaka bwayêra emhurho, enkuba yârhoga nyinji bwenêne emalunga. Ago minjà goshi nâgashobôza omusigala gw’olubaga lwâni.

Mateyo 5:45

lyo mubà bâna ba Sho w’empingu, obashîsa izûba lyâge oku binjà n’ababî, onaniêsa enkuba oku bashinganyanya n’endyâlya.

Ebijiro 14:17

ci, ntà mango alesire okucîmanyisa omu kujirira abantu aminjà omu kurhumira abantu enkuba y’emalunga n’amango emyâka eyêramwo, n’omu kummuyigusa ebiryo n’amasîma».

Lushika 11:13

Kwo biri ntyo. Erhi mwakanayumva amarhegeko gâni mmuhîre ene, okuzigira Nyamubâho Nyamuzinda winyu, n’okumukolera n’omurhima gwinyu gwoshi n’omûka gwinyu gwoshi;

Lushika 11:14

ecihugo cinyu nacihà enkuba amango gakwânîne, enkuba mpangûka n’enkuba y’oku lugaze, na ntyo wanahaka engano yâwe, erivayi lyâwe n’amavurha gâwe.

Lushika 28:12

Nyamuzinda akuhakûlira omuhako gwâge ahakamwo ebinja, amalungu mpu garhengemwo enkuba yabombêza idaho lyâwe amango gakwânîne, anagishe emirimo yâwe yoshi. Mashanja manji gayishikazikuhuna mpu ogahoze ci wêhe orhakajà emwâbo mpu olihoza.

Yakôbo 5:7

Mucîhangâne okulembera amalibuko, bene wîrhu, kuhika Nyakasane ayishe. Ka murhabona oku omuhinzi, erhi alinda emburho àkoyeraga y’omu kwâge, anahulike, alinge enkuba y’omuhangûko n’eya lukanga enie.

Mafulûlo 11:6

Bagwêrhe obuhashe bw’okusîka amalunga, enkuba erhag’irhoga omu nsiku z’obulêbi bwâbo; n’oku mîshi bagwêrhe obuhashe bw’okugahindula gashube mukò, n’obw’okubabaza igulu nk’oku banalonzize.