Ben Levi 26:28 - BIBLIYA NTAGATIFU OMU MASHI

²⁸ oburhè bwâni bwanammuyâkira lêro bwenêne kulusha, nnangal’imuhana kali nda kalushire erhi ebyôla byâha binyu birhumire.

Ben Levi 26:28 ပူးပေါင်းရင်းမြစ်များ

Ennanga 79:12

Ojire mâshi Nyamwagirwa, abâlungwe bîrhu ecijâci bakujacira cibagalukekwo kali nda omu murhima

Izaya 27:4

-Ntagwêrhi lugurhu. Ye ndigi wanjira nshube mishûgi na mashaka? -Nalutulira ebîrha nnaludûlike muliro.

Izaya 59:18

Ahembera ngasi muntu ebi àkozire: obukunizi oku bashombanyi bâge n’obuhane oku banzi bâge; ebirhwa abirheganyize olwihôlo.

Izaya 63:3

«Aha mukenzi niene niene naliho nakanda, na ntâye omu lubaga wantabîre. Obwo omu burhè bwâni nanacibakanda, nabalabarha omu bukunizi bwâni; omukò gwâbo gwampamira oku mishangi, na ntyo nazinza emyambalo yâni.

Izaya 66:15

Nêci, Nyakasane oyo oyishire omu ngulumira y’omuliro, n’engâlè zâge ziri nka mpûsi ya cihûsi, mpu lyo ayish’iyumvîsa obukali bw’obukunizi bwâge, n’emihigo yâge omu ndimi z’omuliro.

Yeremiya 21:5

Niene nie namulwîsa n’enfune n’okuboko kw’obuhashe, ndambûle n’oburhè n’obukali n’omungo munji,

Yeremiya 7:20

Kwo Nyakasane Nyamubâho adesirage ntya: Lâbi oku omutula gwâni, omungo gwâni, gukola gwacîrhulira ahâla, oku bantu n’oku bintu, oku mîshi g’omu mashwa n’oku malehe g’omu ishwa; gwayôca burhazima.

Ndûlù 4:11

Nyakasane ayûkirize omutula gwâge, adubwîre obukunizi bwâge bunene, ayâsize ntakanjirwa w’engulumira omu Siyoni àyôkera ciru n’ebiriba byoshi.

Ezekiyeli 5:13

Lêro obwo, obukunizi bwâni bwânarhimukwa n’oburhè bwâni bwânarhûlirira kuli bo bulya namâcîhôla; ntyo banamanya oku niene Nyamubâho, nie nahigaga ntyo erhi lûji lurhuma, nâbayûkizakwo oburhè bwâni.

Ezekiyeli 5:15

Wâbà masheka, kantu ka nshonyi, lwîganyo lwa kuyôbohya oku mashanja gakuzonzire amango nakujirira ebyôla byoshi omu bucîranuzi bwâni haguma n’oburhè n’obukunizi n’amahane makali. Nie Nyamubâho okudesire.

Ezekiyeli 8:18

Nâni nkolaga nâbajirira ebya bukali, ntababalire, ntanabêre bwonjo. Bâyâkûliza bwenêne omu marhwiri gâni ntanabayunvirhize».

Ben Levi 26:24

buzinda nâni nanammugolonjoka, mmushûrhe kali nda kalushire erhi ebyôla byâha binyu birhuma.

Ben Levi 26:27

N’akabà kandi enyuma z’okola murhayumvîrhi, ci mushub’iyûshûla okugera yinyu njira

Ben Levi 26:41

kwo kwanarhuma nâni nacîhindulirabo, n’okubahêka omu cihugo c’abashombanyi bâbo. Erhiankaba ogwo murhima gwâbo muzibu nk’ibuye gurhahanagwa lêro nagwo gwanacîrhôhya, nâni nanashub’ikengêra endagâno yâni na Yakôbo.

Nahumu 1:2

Kàli Nyamubâho abà wa mitula, Nyamubâho abà mwihôzi! Nyamubâho anacihôle, abà wa burhè bwenêne! Nyamubâho anacihôlere abashombanyi bâge, anabike omujina oku babisha.

Nahumu 1:6

Obukali bwâge wâni! Ndi wankabulindira? Ndi wankafukunya amango adârhabîre? Obudârhi bwâge kwo buyâka nka muliro, n’amabuye ganashanguke embere zâge.