Ben Levi 26:14 - BIBLIYA NTAGATIFU OMU MASHI

¹⁴ Ci akabà murhanyumvirhi, murhanashimbiri ago marhegeko goshi, n’erhi mwankagayaguza amarhegeko gâni,

Ben Levi 26:14 ပူးပေါင်းရင်းမြစ်များ

2 Bâm 22:13

«Mukanye mugendindôkeza Nyamubâho ebinyêrekîre, ebiyêrekîre olubaga na Yûda yêshi muli ebîra binwa bisomirwe mw’eci citabu barhôlaga; bulya obukunizi bwa Nyamubâho buli bunji kuli rhwe ebwa kubà ababusi bîrhu barhayumvagya ebinwa biri mw’ecîra citabu, barhaderhaga mpu bankanajira nka oku binayandisirwe».

2 Nganîro 34:24

“Alà oku nkola nalêrha obuhanya kuli olûla lugo n’oku bantu baluyûbakamwo; gali galya mabî ganayandisirwe muli cirya citabu basomeraga embere za mwâmi w’e Yûda garhumire”.

2 Nganîro 7:19

“Ci erhi wankahinduka, erhi wankalekêrera amarhegeko n’engeso zâni nakuhâga, n’erhi wakagend’ikolera abandi ba nyamuzinda, okanakazibafukamira”,

Ennanga 81:12

Ci kwône olubaga lwâni lwôhe lurhayumvagya izù lyâni, Israheli naye àrhanyumvagya.

Migani 3:33

Enyumpa y’omumînya ebà ehehêrîrwe na Nyakasane, enyumpa y’abashinganyanya yôhe ebà ngishe.

Yeremiya 11:8

“Cikwône barhumvagya barhaderhaga mpu barhege okurhwiri, ngasi muguma ayêrekera emunda omurhima gwâge mubî gunayêrekire. Okubundi nabakolera akal’ibala ebinwa by’eyi ndagâno byoshi byanali bidesire, binwa nali mbasêzize okushimba barhanabishimbaga.”».

Yeremiya 17:27

“Cikwône erhi mwakabà murhayumvîrhi, irhegeko lyâni ly’okulujira lutagatîfu, okuleka okubarhula emizigo n’okuleka okugera omu mihango ya Yeruzalemu olwa Sabata, ago mango na­ natwâna omuliro aha mihango yâge: gumîme enyumpa z’oku bwâni omu Yeruzalemu gurhanacife gwâzimire”».

Yeremiya 26:4

Okolaga wababwîra obwo, erhi: «kwo adesire ntya Nyakasane: mukabà murhanyumvirhi mukanashimba eri irhegeko lyâni mpizire omu masù ginyu,

Yeremiya 28:8

Abalêbi bàrhushokoleraga, w’oyo na nâni, kurhenga mîra bàdesire eby’obulêbi biyêrekîre bihugo binji na mâmi garhali manyi, byantambala n’amahanya n’ecahira:

Yeremiya 32:23

Bàyisha, bàyûbaka­ mwo, ci aye! barhayumvagya, barhanashimbaga amarhegeko gâwe. Barhajiraga ciru n’ehitya muli ebi wali obahûnyire., lêro banacikulilira obu buhanya rhudwîrhe rhwabona ene.

Yeremiya 40:2

Omurhambo w’abalâlîzi erhi abà amâyêgûla Yeremiyahu, amubwîra, erhi: Nyakasane Nyamuzinda wâwe ali erhi alêbire eci cihugo obu buhanya,

Ndûlù 1:18

Nyakasane ye Mushinganyanya. bulya nagomîre irhegeko lyâge. Mwe muli hano mweshi, muyumve bwinjà, munalole gano mababale gâni: ensûli zâni n’emisole yâni bakola ebwa kulibuzibwa ihanga.

Ndûlù 2:17

Nyakasane anakozire ebi àkagihiga, ayunjuzize akanwa àderhaga kurhenga mîra. Anashâbwîre buzira lukogo, asîmîsize omushombanyi n’obuhanya bwâwe, azibuhize obucîbone bw’omubisha wâwe.

Daniyeli 9:13

Nk’oku binayandisirwe omu burhegesi bwa Mûsa, obwôla buhanya boshi bwarhuyishîre rhurhanashîbiriraga okurhûliriza Nyamubâho Nyamuzinda wîrhu omu kugomôka n’okurhenga muli agôla mabî gîrhu n’omu kushimba okuli kwâge.

Hozeya 7:12

Bagende, aha bankaja nâbarhega akêshe kâni, nâbamanula nka kanyunyi k’emalunga, nâbahana oku mabî gâbo.

Ben Levi 26:18

Erhi ankabà enyuma zâbo murhacinyumvirhi, nanammuhana kali nda kalushile okwo erhi byâha binyu birhumire.

Malakiya 2:2

akabà murhayumvîrhi murhanashibiriri okukaziharâmya irenge l’izîno lyâni, namuhehêrera, Nyakasane w’Emirhwe okudesire. Ciru mîra narhangiraga okuhana iburha linyu.

Ebijiro 3:23

Ngasi owabule bwâyumva oyo mulêbi, ogwâge gunahwe omu lubaga.

Bahabraniya 12:25

Mumanye mwankabula kwayumvirhiza izù ly’Oyo waderha. Bulya, akabà balya bàlahiraga okuyumva izù ly’oyu wabahanûlaga en’igulu bàrhafumaga obuhane, kuziga rhwêhe ntâkwo rhwankafuma, erhi rhwakagomera Oyo odwîrhe warhuhanûla kurhenga empingu.

Yozwe 23:15

“Kuziga nka okwo byanabaga byoshi ebyo binwa by’obwangà Nyakasane, Nyamuzinda winyu, anabaderheraga, kwo na kuguma Nyakasane anayûkiriza kuli mwe ebinwa by’obuhanya ankamuderhera kuhika amumalîre muli eci cihugo cinjà bwenêne, Nyakasane, Nyamuzinda winyu amuhâga”.

Bacîranuzi 2:15

Ngasi hoshi banarhangulaga mpu bakola bajilwayo, okuboko kwa Nyakasane kunabahumbarhaze, kubajire kubî nka kulya Nyamubâho anaderhaga, nka kulya Nyakasane anayôrhaga abarhonzire, bajà omu malibuko manji bwenêne.

1 Samweli 12:15

Ci kwônene erhi mwakabula kushimba izù lya Nyamubâho, okuboko kwâge kwanamugombya nka kula kwagombagya ababusi binyu.